فيسبوك

ما هو الفرق بين حكومة الانقاذ وحكومة قحت؟


طيب خلونا من الانقاذ الله لا عادها. وكت الناس مقرة انو الحكومة الحالية فاشلة ومنتهية. طيب راجين بيها شنو ؟؟
زمان و نحن شفع كان بنسمع امهاتنا بقولو ربي السفيه ما تربي العاطل.
*المقصود بالسفيه زول بتاع سكر وعربدة.
بس ياهو دا الفرق بين حكومة الانقاذ وحكومة قحت. قحت عواطلية ما منهم رجا.

الفرق بين النظام السابق و الحكومة الحالية هو كالفرق بين الدكتاتور والهوان.
والله أنس عمر ما كان خاتي عليهم وكت قال عنهم هوانات.

بكل سوء النظام السابق كان هناك شيء اسمه “الحكومة السودانية”. ما نشهده الآن يقول بأنه لم تعد هناك حكومة سودانية.
هناك مجرد شبح باهت لحكومة.

في الحقيقة لو الثورة دي جادة مفروض أي وزير تم اكتشاف انتماءه الحزبي يمشي الشارع طوالي.
بالكتير مفروض يكون في وزيرين فقط بمجلس الوزراء من الحزبيين. دا الاتفاق السياسي الوقعته قحت مع العسكر ولا انا غلطان ؟؟
مش الاتفاق نص على حكومة كفاءات غير حزبية باستثناء وزيرين فقط ؟؟
حاليا قحت كلها بتقول دي حكومة محاصصات وحاجة معروفة ومكشوفة.
ويجوك ناس يقولو ليك ما تقول اكرم شيوعي. ما جادين والله.
قلت اكرم شيوعي فاشل. في كم زول ما اعترضو على وصفه بالفاشل، لكن اعترضو على وصفه بالشيوعي.
آخر واحد قلب الهوبا عديل: قال لي وصفه بالشيوعي دا “اغتيال شخصية” !!

سؤال؛ هل هناك أي تحرك من السلطة الانتقالية لمواجهة أزمة الدواء في السودان ؟ وهي أخطر من وباء الكورونا وأخطر حتى من حرب شاملة.
الاقالة أولى بها الشيوعي الفاشل أكرم، وهو تسبب بموت المئات و ربما الآلاف

الثورة دي لو فعلا محروسة ما كانت اتسرقت من الوهم ديل. ما تغشو روحكم ساي. وواجهو الحقيقة.

Haliem Abbas


‫3 تعليقات

  1. ههههههه. والله يا كيزان محنتكم محنة. راجين بيها شنو قلت لي؟. انت يا كوز راجي بيها شنو؟ يا هو داك الشارع اطلع انت الاول. ولا قاعد مرطب وعايز اولاد الغلابة يندرشوا الاول؟. اقول ليك حاجة امشي شوف شغلتك سيبك من السكلي دا. ولا الشارع عميان منو؟ جاكم البلا فيكم وفِي التلاتين سنة الدمرتوه فيها البلد. لعنة الله عليكم في الدنيا قبل الآخرة.
    اما نحن. لسه في البر. ونعترف ان هناك اخطاء ودي حاجة واردة. وقادرون علي تصحيح المسار.

  2. الفرق كبير جدا الحكومة الحالية حكومة ثورة جاءوا بتوافق الشعب السودانى وحكومة الانقاذ او بنى كوز
    هؤلاء حرامية سرقوا الحكم عن طريق العسكر ونهبوا وقتلوا وشردوا الشعب وقسموا البلاد وتنازلوا عن حلاييب
    وشلاتين والفشقة لدول اخري الشعب يثق بعد الله فى حكومة حمدوك ويشد من ازرها لكن بنى كوز الله لا عادهم
    واكرم من افضل وزراء الصحة الذين واجهوا مرض الكورونا القاتل بشفاية وحكمة رغم النقص فى كل شئ
    شكرا دكتور اكرم وشكرا حمدوك وشكرا بدوى

  3. طيب

    الإنقاذ لم ينتخبها الشعب

    وقحت لم ينتخبها الشعب

    الاإنقاذ اختلط فيها الصالح بالطالح

    قحت طالح محض

    البشير جاء من المجهول يحمل عصا الإنقاذ ، وانتظر الشعب ليعرف خطته للحكم ، ولم يعرفها لمدى 30 عاما

    حمدوك جاء يحمل في خرتايته 100 عصا متنوعة من حرية وعدالة وسلام وغيرها وغيرها ، وطلعت كلها عصوات من عشر تكسرت قبل أن يكمل العام ، وخابت كل توقعات الشعب

    الذي وضع عليه آمالا بعرض السماء والأرض ، ولم يحقق أيا منها

    شفتو الفرق يا ناس ؟

    سنة حققت ما حدث في 30 سنة

    والعاقبة عنكم في الانقلابات