حمدوك فاشل لأنه قبل مهمة ما عنده ليها قدرة ولا خيال
زول جبتو من غير ما يكون عندك رؤية واضحة للفترة الإنتقالية و مهامها و ترتيب أولوياتها ،، و من دون ما يكون عندك برنامج إقتصادي مدروس و متفق عليهو ،، و من دون ما تكون انت نفسك كحاضنة سياسية متجانس و عندك هياكل واضحة لاتخاذ القرار ؛؛ و فوق دا هو عبارة عن تكنوقراط ،، متوقعين شنو من حمدوك ؟؟!! …
حمدوك فاشل لأنو قبل مهمة ما عندو ليها قدرة و لا خيال ،، و لي نفس السبب دا هو ما قدر يملي الشروط الممكن تنجحوا ..
حمدوك هو تجلي لي مستوى الوعي العام العندنا بي طبيعة مشكلاتنا ،، للأسف كتيرين مسجونين في نوستالجيا النخبة الخرطومية عن شكل الدولة السودانية المثالي ،، و هو شكل سطحي جدا بالمناسبة و متضخم بالحنين ،، تلقاهم فرحانين بي صور ناس لابسين ظريف و معاهم بنات استايل في السبعينات في حفلة عامة لي أحمد المصطفى ،، كأنما دا بيعكس حاجة حضارية عظيمة يعني ….
حمدوك هو تجسيد لضعف تصوراتنا حول الدولة و مطلوبات الحكم ،، المطلوب الآن هو التعلم من الأخطاء و بس ..
Omar Salam
إنضم لقناة النيلين على واتساب
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
أها وانت يا المنظراتي المتفلسف، ممكن تورينا مؤهلاتك شنو مقارنة بمؤهلات حمدوك!
زول قاعد ستة شهور صامت صمت القبور عشان يقول بعديها ناس قحت ما ادوني برنامج اقتصادي انفذو ليهم ..انت يا ابن الحلال فاكر هم عندهم برنامج اصلا ونحن زاتوا بفهمنا العارفنوا
عن ناس المنظمات انهم تنفيذيين فقط يعني انت عمرك ما كنت بتضع برامج كيف سيكون لديك برنامج ؟ انا اصلا ما كنت مغشوش فيهو ربما لخلفيته الشيوعية التي تفتقر للبرامج وتغيب عنها الرؤية السليمة للامور السياسية والاقتصادية
حمدووك فاشل مافي اثنين بتقالطوا فيها
حمدوك ارغم علي تولي امر المرحلة الانتقالية. والذين اتوا بحمدووك يعلمون مقدرات الرجل المتواضة وحتي شخصيتة الخجولة. لو مغالطتنا أسأل ناس فيلا بحري والرجل المقندل الذي عقدة فيه تشكيل حكومة الفترة الإنتقالية.
وجماعة قحت تركوا الرجل اكثر من ثلاتة شهور ومعارف الرجل شايت وين بدوون جدول بدون خطط وبدون عنوان.
محتار من اين يبدا الجري.
حكمتو على حمدوك بالفشل علما بانو استلم بلد اقتصاديا متدهورة والديون محاطه بيها من كل جانب وحظر مفروض عليها وجات جائحة كرونا ذادت الطين بله على المشاكل الحاصله في البلد دا غير التمرد في النيل الأزرق وكردفان وطالبتو حمدوك في خلال سنة واحدة ان يحلحل هذه المشاكل طيب فترة الإنقاذ لمن كانو حاكمين 30 سنة لماذا لم تطالبوهم بإصلاحات اقتصادية وحل مشاكل البلد لماذا سكتو عليهم . وهل من المنصف في خلال سنة تصف حمدوك بالفاشل والإنقاذ 30 سنة كانو ناجحين في شتى المجالات اتقوا الله في أنفسكم . دا ردي لك زول بيقول ان حمدوك فاشل اعتقد انو هو الفاشل ما عندوا موضوع الصبركم على الإنقاذ 30 سنة اصبروا على حمدوك لحد ماتتم الفترة الانتقالية وقيموه .
هــــو غـريب علــي الســودان أغلــب إجتماعـات البشــير حاضرهـا – طالما لا يملك بـرنــامـج عــايـز منصـــب وبـس
والسـنة كفـايــة يظهــر فيهــا عمـل يتذكروه بيهــو – لكـن الـرأس فـاضــي -ولو عــددت سـنين حكومــة البشــير مـا بتطلـع بي 3 سنوات -حرب الخليج -حرب دارفور-الحرب الاقتصــادية من كـل دول العالم -وبعد ده كلة في شوارع في جامعات في كباري
خلي حمدوك وجماعته يمسكوا 3 سنوات ويشيدوا مش كبري عبـارة واحدة – لازم نعطي كل واحد حقه -وكـل الحرامية في حكومة البشـير ســودانيين