عقلية الحرامي والمحتال دي ياها الفلاحة والشفتنة عند محدودي الخيال زي نوع حمدوك واحزاب قحت

انا من مؤيدي رفع الدعم، لكن حاطلع مظاهرات ضد حمدوك دا ضد رفع الدعم. لأنو في شهر ١٢ حمدوك بدون ما يخاطب الناس ويقنعهم كانو الناس براهم خاضو نقاش الدعم وكتير منهم قرروا يؤيدو رفع الدعم، لو متذكرين خطاب قاعة الصداقة وكت هتفو ليو “ارفع بس”.

في الوكت داك كانو بقولو المعارضين لرفع الدعم انو لو اترفع الدولار احتمال يصل ٢٠٠ جنيه. أسي بي طريقة النشالين واللصوص وسياسة الأمر الواقع دخل الناس في أزمات متعمدة عشان يفرض عليهم رفع الدعم فرض، ويقولو مادام الحاجات حتتوفر ما مشكلة، بعد ما خنقهم في صفوف الخبز والوقود.

هل دي طريقة بتاعة زول محترم؟ هل دي حكومة ممكن تعبي الطاقات خلف مشروع نهضوي؟ زول بيستخدم أساليب العصابات والمجرمين عشان ينفذ سياسة كان ممكن يخاطب الناس وتتنفذ بي تأييد وقبول واسع!.

عقلية الحرامي والمحتال دي ياها الفلاحة والشفتنة عند المحدودي الخيال زي نوع حمدوك وال مكتبه واحزاب قحت، يقولو ليك فلان داك صعلوك سياسة وسياسي محنك، لو هو زول كضاب ومخادع ووقح! السياسة بالنسبة ليهم تغش الناس وتقدم وعود فارغة بدون اي رؤية كلية، مش يكون عندك مشروع ورؤية تقنع بيها الناس وتحشد ليها تأييد وتكون الرؤية دي محور كل تحركاتك ومناوراتك. ديل عندهم المحور هو شخص السياسي وطموحاتو واطماعو واوهامو وصراعاتو الشخصية
#ارحل_ياحمدوك الله لا عادك ذاتو يا قزم يا صغير

Ahmed El-Sharief