فيسبوك

مقولة “لدينا .. تعرفونها جيدا” دي أول زول قالها علي عثمان


شكله يا اخوانا العقل السوداني دا عبارة عن ملاح ويكة بس.
ياخ مقولة “لدينا ….. تعرفونها جيدا” دي أول زول قالا علي عثمان. انت كزول ثورجي بتكره الكيزان و علي عثمان بالذات البخليك تتبنى المقولة دي و تستخدما شنو ؟
مرة في واحد ناشط صاحبنا كدا اتعرض لسوء معاملة من عساكر و زعلنا ليهو شديد (ما في داعي أقول اسمه، و تاني ما ح أقول اسماء يا اخوانا عموما عشان الشتايم الناس بقت كعبة شديد ) المهم الناشط دا زول معارض و كاتب بوست مفترض بمنتهى الجدية و الغضب و هدد فيهو العساكر: لدينا لجان مقاومة تعرفونها جيدا !
ياخ لو انا كنت عسكري و قريت البوست دا ح افكها ضحكة طوالي.
حسي قريت بوست لصفحة اسمها ثوار بري الدرايسة اعتقلو منهم شباب الليلة و دي حاجة جادة شديد و بتزعل. كاتبين تهديد للسلطة مفاده لو ما فكيتو لينا المعتقلين لدينا شوارع و تصعيد ثوري تعرفونه جيدا !
يا اخوانا المقولة دي قالا على عثمان محمد طه. “لدينا كتائب ظل تعرفونها جيدا” و تحولت الى سخرية دي حاجة مفهومة. لكن كمان تتحول لى خطاب شبه رسمي و جاد و على لسان الثوار ؟ دي عدم جدية و الله.
و بتوري انو عقل السودانيين دا عبارة عن ملاح ويكة.

حليم عباس



‫2 تعليقات

  1. السلام عليكم ورحمة الله
    والله يا حليم يا عباس موضوعك فارغ ….ودلاله و اشارة الي انك ..ليس لديك مواضيع لتكتب ..عنها …
    وكتائب الظل بتاعة علي عثمان موجوده والله موجوده
    وان شاء الله بتشوفها ..لما..يومها …يجي ..
    انت بس خليك..في..كتاباتك. .الفارغة والتي ..لا.تحمل اي مضمون …ومسألتك …دي كانك تريد ان تقول للناس انا موجود ….انا اكتب اذا انا موجود ….ولم نسمع عنك في عالم الصحافة والاعلام ..من خلال …
    زبالة الاعلام والصحافة ..الالكترونية ….
    يا أخي شوف ليك ..سمسرة …احسن..ليك..من.الصحافة دى …وان..كان..الصحافة اصبحت مثلها ..مثل السمسرة
    السمسمرة ..عمل كل من لا عمل له
    الصحافة ..مهنة كل من لا مهمة له

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *