فيسبوك

بقال: قحت أكبر ماسورة


🔹🍋 عصير الليمون بواحد جنيه ، عصير المنقة بواحد جنيه ، عصير البرتقال بي واحد جنيه ؟ يا الماشي تعال غاشي ويا البعيد قرب قريب .. كان صوتاً عالياً في نص السوق العربي ؟ يا تري إين أختفي هذا الصوت ؟ يمكن الليمون بقي حامض لكن المنقة وين ؟ 🤪
🔸 🚎 سواق الحافله يدخل بي الركاب اقرب طرمبه في الطريق ويقول دقيتين بس نكب بنزين والركاب يتزهجوا
🔹🥖 أثناء الغداء العيش يقطع يرسلوا واحد من الشفع ويجري الدكان سريع يتناول العيش
🔸🚐 سواق الهايس كان بقول العشره جنيه فيها كم راكب ؟
🔹💸 تدفع في الحافلة 50 ج والكمساري يتزهج فيك ماعندي فكه كملت الفكه حقتي اجيب ليك الفكة من وين ..
🔹 📱تلفون ربيكا كان بي ٢٠٠ وأسي بي ٤ مليون ويا حليلك يا قرنق ؟ 😂
🔸 🚰 قحت أكبر ماسورة
🔹 الكلام دا في إبريل ٢٠١٩ م وتم التغيير إلي الافضل .. ثورتنا دي ما بتقدرا هوي يا شنو كدا ما عارف *أرجع وراء* والله فعلاً *رجعتوا لي وراء* رايكم شنو في البل دا ؟ رايكم شنو في البل دا يا عاطل ؟ مش قلتوا الحل في البل ؟ وتيب 😂
🔸📜” فَابْعَثُوا أَحَدَكُم بِوَرِقِكُمْ هَٰذِهِ إِلَى الْمَدِينَةِ فَلْيَنظُرْ أَيُّهَا أَزْكَىٰ طَعَامًا فَلْيَأْتِكُم بِرِزْقٍ مِّنْهُ وَلْيَتَلَطَّفْ وَلَا يُشْعِرَنَّ بِكُمْ أَحَدًا ”
🖊️ *الصحفي إبراهيم بقال*



‫9 تعليقات

  1. في العشرة الاولى المظلمة الظالمة لحكم الأبالسة لما جوعونا شياطين الانس الفجار لا سكر لا عيش لا وقود لا مواصلات لا وظائف..و لعد ده كله ضرب و كشات الزامية في الشوارع بالدفارات و دفاعنا الشعبى ياهو دي و بيوت اشباح و دفن جماعي في حفر !!!! كنت وين انت الزمن داك؟؟ اكيد راعي في الخلا جاري ليك وراء كم غنماية جعانة اكتر منك

    1. انتو غير الكضب ما فالحين في حاجة يا قحاتة.التسعينات عشناها و شفنا فيها التعليم العالي و السكر و العيش و الوقود متوفر
      انتو كنتو قبل الانقاذ ما لاقين الصابون و الظهر(يعني وسخانين و مقملين) و هسي في عهدكم الزفت ما في شئ
      قوم لفوا بلا يخمكم بجوعكم دا و تموتوا و نشمت فيكم و الشماتة في الاعداء حلال

    2. كانو بيضرب الشيوعي الزيك عاطل وما بينتج وبيخرب في الشباب بالسياسة .. الدفاع الشعبي كان للدفاع عن البلد ،بعدين هسي ما بتخجل تقول بيوت اشباح هي الان كل حكومة الانقاذ من الانقلاب لم سقطت في السجن مافي ولا واحد تقدم وقال حصل شنو في بيوت الاشباح ولا فتح بلاغ في جهة معينة عملت ليه تعذيب ..يا شيوعيين اتعدلوا والبسوا لباس،،، كم ،، وخلو البكاء المانفع والفشل لابسكم لاذنيكم ..

  2. ياخي حتى الكشات لمن كانت بتلم الناس في معسكرات الدفاع الشعبي كانوا بوفروا ليهم الاكل …هذا نظام يستحيل الدفاع عنه بالحق ولا حتى بالباطل كما النظام السابق ومن سيء لي اسؤا والحمد لله من قبل ومن بعد

    1. يعني مشكلة الاكل بس لا حرية ولا احترام إنسان للساطة لو دخلوك زريبة و اكلوك مكسب

  3. الزول المسمي نفسه ” أبي السرة” لا يعرف تاريخا ولا كتابة ولا جدالا.. يريد أن يجمِّل الشين.. ويدافع عن قحت التي لا يدافع عنها إلا غبي أو شيوعي!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *