فيسبوك

حازم حلمي: أكبر عائق للسودانين هم السودانين نفسهم


أكبر عائق للسودانين هم السودانين نفسهم
( المجتمع ) مجتمع قاتل لروح الإبداع مجتمع ضد الفرصة مجتمع يكتر فيه هدم النجاح و محاربة الناجحين .. مجتمع يشيع فيه الحسد والعنصرية مجتمع مُنظراتي ( متفلسف ) مجتمع مُعقد مجتمع لا يتقبل الأخر مجتمع عايز ( الساااااهلة )
طبعاً لأنو الكبرياء الجوانا ما بيخلينا نعترف بالحاجة دي حنكابر و نقول لا والله نحن ما كده !! و حنعلق مشاكلنا علي ظروف البلد و الاقتصاد و الحكومة و نقول هم السبب في انشاء المجتمع بالشكل ده .. رغم انو ( التربية) ما عندها اي علاقة بالحكومة و الاقتصاد الإتدهور قبل سنين بسيطة جداً
السودان ساهل يتغير بس ؛ لمن تتغير انت !! لمن نتغيير كلنا ، لمن نتقبل بعض ، نحترم بعض ، نساعد بعض ، نساند بعض ، نتنازل لبعض ، نصنع الفرص لبعض ، نوعي بعض …الخ
الأنانية وحب النفس وتعاملنا مع السودان كأنو بيت إيجار و ولا عربية إيجار كأنو حاجة مؤقتة .. ده من اسباب تدهور البلد .. لازم يجينا احساس انو البلد دي حقتنا كلنا و عندنا واجب تجاهها
لازم ننشئ بيئة سياسية جديدة لازم ننشئ فكر عسكري جديد لازم ننشئ مجتمع مختلف متميز مترابط متطور لازم نرجع ثقافتنا و تقاليدنا و نواكبها مع العصر الحالي..
الإختلاف يكون بنسبة لينا ثقافة وليس عنصرية تقبلنا لبعض بإختلاف الواننا و ثقافتنا و تقاليدنا ممكن يصنع سودان جديد
السودان محتاج ثورة لتغيير المجتمع.

حازم حلمي


‫2 تعليقات

  1. حتي الصعاليك عايزين ينظروا ويفتو ويدونا دروس في الاخلاق والتقاليد والتربيه !!! انت بعد التسجيل الاتسرب ليك عندك عين تجي تتكلم عن التربيه ؟ امشي اتربي انت اول وبعدين تعال اتفلسف …زمان الرويبضه وصدق رسول الله صلي الله عليه وسلم .

  2. ما هو دا انت كويس اهو ؟ امال هما بيقولوا عليك كدا لييييييييييه ؟