الإحتيال عبر تطبيق بنكك.. هذا بيان للناس كافة
الإحتيال عبر بنكك…. هذا بيان للناس كاااافة :
يجيك مشتري… يتفق معاك علي بضاعة (موبايل _ او غيره) يتفق معاك علي السعر…. يعتذر علي انه لا يملك حساب بنكك لكن ح يحول ليك المبلغ من حساب زول أخر يتصل عليهو يحول ليك المبلغ وينزل المبلغ كااامل في حسابك
المشتري يشيل التلفون ويمشي…. ومن دربو الزول الحول المبلغ يمشي وكيل النيابة….. ويفتح عريضة علي اساس انو حول مبلغ في حساب غلط…. يشيل العريضة ويمشي البنك ح يحجزو المبلغ تمشي َوكيل النيابة ح تلقي الزول الموجود هو طبيعي ما الزول الاشتري منك التلفون وما بيعرفك ولا حصل شفتو…. وح تلقي نفسك اندقست ولعبوا عليك. وما عندك حاجة تثبت الكلام ده
الخلاصة :
الاجراء الاول ما تقبل بنكك يجيك مباشرة من زول انت ما بتعرفوا او ما بتتعامل معاهو… خلي المبلغ ينزل في حساب المشتري القاعد معاك
كن حريص علي انو يكتب في الملاحظة…. المعاملة مع المشتري بعني تكتب : (المبلغ عبارة عن شراء موبايل من سفيان احمد خباب ) ومن ثم ارسال الاشعار علي رقمك انت وليس رقم المشتري…
Mo Ibrahim
وليه ما يكتب في الفاتورة تم التسديد من حساب فلان بالرقم الفلاني وبطاقة المشتري ويوقع على صورة الفاتورة مع التاريخ المتزامن مع التحويل .. والاحتفاظ برسالة البنك التي تفيد يتحويل المبلغ المساوي للفاتورة ومن الشخص الموضحة معلوماته على الفاتورة …