داليا الياس: أنا لا مرشحة لى وزارة ولا سفارة ولا ده طموحى ولا عندى مؤهلات
#توضيح
الله يعلم الواحد قلبو بينزف… وموجوع… ومحتار… وعاجز… ومقطوع برة البلد… وتعبان نفسياً… وقرفان..وقلقان.. ومذهول.. وحاسى إنو بيموت بالبطئ!!
فياريت ترحمونا من الشائعات والتخوين والإساءات والكلام الفارغ والتركيز والإستهداف.
والله ما عارفة أضحك ولا أبكى على الجهل والغباء والسذاجة وقبقبتنا لى بعض فى عز المحن والكوارث الحولنا دى؟!!
أنا لا مرشحة لى #وزارة ولا سفارة ولا ده طموحى ولا عندى مؤهلات ولا دى بلد الزول يفرح فيها لو بقى وزير!!!
وزارة شنو والناس بتموت وجعانة والدمار والفتنة والتردى والكراهية فى كل إتجاه؟!!
المناصب دى للزول البيحس ويفهم تكليف ومسؤولية أمام الله… ما تشريف ولا بهرجة ولا رفاهية… فما بالك بى منصب فى بلد موبوء ومليان صراعات وأكبر مشكلة فيهو ناسو؟!!
المهم…. مافى زول عرض على وزارة…. ولا عندى فيها فهم…ولا الأكاذيب و النبذ والردم بيحلوا لينا مشكلة.. رتبوا الأولويات بشكل محترم وجاد وموضوعى وإنسانى بالله!!
الله يكفينا شر بعض… وشر أنفسنا… ويصلح الحال… ويعبر بينا لى بر الأمان والحياة الكريمة بمعجزة إلهية.
كونوا بخير ووطنية ونبل.
داليا الياس
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
الوزارة في السودان تحتاج لمن يحتمل إدارة التنوع وتقليل الصراع وتحتاج لحكمة وأمانة وطولة بال وشجاعة وحلم واناة وروية وحسم وهذا ما كان يفقده معظم وزراء قحت كما جعل الفشل نصيبهم باعتراف حمدوك
أختي أتفق معك بخصوص المسئولية لكن أغلب الساسة في السودان كل همهم المناصب والإمتيازات المقتطعة من قوت الشعب وعرقه وإلا فلماذا يتأخر تكوين الحكومات في السودان لقد أخذ تكوين حكومة قحت دهرا بسبب المحصصات الكل يريد أن يكون وزيرا ليحصل على الفيلا والعربة أخر موديل وجواز السفر الديبلوماسي لزوم الخبطات التجارية والتسهيلات الجمركية وهلم جرا.أفة السودان في سياسييه خاصة الدينوصارات منهم . حان وقت برلمان الشباب والوزراء الشباب وكل من تجاوز سن الأربعين في السودان يجب أن يكون خارج اللعبة بقرار الشعب
والله أنت في قمة التواضع. كيف تقولين أنك غير مؤهلة بالتاكيد انتي مؤهلة أكثر من أي وزير في حكومة القحط. هؤلاء شلة من الصعاليك أتلملوا من الشتات واستوزروا في هذه البلد الهاملة وعلى هذا الشعب الغائب المغيب والسبهللي والذي يمكن أن يقوده أي هلفوت. طيب نسال الذين يتداعون لتظاهرة اليوم ما هو الهدف من المظهرة هل عودة نفس الحكومة المكنوسة إذا كان مطالبكم إعاة الوضع لسابق عهده إذا ما يجي واحد تاني يتباكى ويشكو عن سعر أو انعدام الخبز والبنزين والدواء جيبوا القحاطة مرة أخرى عشان تشربوا هوى والله فعلا اتلم التعيس على خايب الرجاء. أرجو أن لا يزايد علينا أي واحد فنحن ضد العسكر وفي نفس الوقت ضد حكومة قحط وكل من استوزر أو تم تعيينه في أي منصب عقب الثورة فما هم إلا حثالة البشر
والله يا بت الياس كلامك صااااااااااااح وصااااااااااااادق غايتو الم ووجع