تبيان توفيق: الحاجه الاتغيرت هي الأحزاب السياسية الكانت بتلحس بوت البرهان وحميدتي
سين
البرهان دا جاكم الليله ولا كيف؟؟ شكلكم نسيتو إنو البرهان دا جابوها الأحزاب السياسية قبل سنتييين وقالو دا سيد الرصه وصاحب المنصه،، والشِفت حياااكم وماقصر وقاليكم لو بتتذكرو (التحيه للسانات والمانات والكنداكات والناس الواقفه قنا) ولا نسيتو كلامو دا،،
حميدتي دا جاكم ناطي الليله ولا الأحزاب السياسية وتجمع المهنين عملو لافته كبييييره كتبو عليها (حميدتي الضكران الخوف الكيزان) وعلقوها ليكم في نص الإعتصام وكان الثوار رافعين اللافته فوق رأسهم،، ولا نسيتو
خلونا نكون وااااضحيين مع بعض ونقول بكل صراحه.
الحاجه الاتغيرت هي الأحزاب السياسية الكانت بتلحس بوت البرهان وحميدتي وكلنا كنا شايفينهم وهم بيقولو نحن شغالين في تناغم وانسجام،، والله مريم الصادق دي سمع اضاني هي بتقول لي حمتي (طولت مننا ياحبيب) وحميدتي يرد ليها (انتي بقيتي جافيه) وفشلونا وفشلو حلم المدنيه بي الغباء بتاعهم،،
برهان عمل إجراء عملية جراحية صغنونه،، شال الأحزاب السياسية من الحكومه وقال لي حمدوك تعال جيب حكومة ماعندها علاقه بالأحزاب مهمآ كانت ودور شغلك،،
تقوووم الدنيا وتقعد بسبب الكلام دا لدرجة انو يموتو ناس من أجل شوية بعثين وجمهورية وبعض قوى تجمع المهنين وعضويه المؤتمر السوداني معقوله اطلع اموت عشان الأحزاب دي تجي تاني،،
إنتو بتفكرو كيف يا ناااس،،
المدنيه ماهي شوية أحزاب سياسية عشان نحن نخليها رهينه بي عودتهم،،
تبيان توفيق ❤️
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
كلام زي العجب…صدقت زما قلت الا الحقيقة …لكن أحزاب الفكة قاعدة تتاجر بأرواح الشباب المغرر به والسذج والبسطاء ..عشان خاطر عيون الككو والعبلانج …طبعا ديل لسماء القرود وكده
⭕ الله اكبر كبيرا والحمد للله كثيرا ⭕ اشرق الصبح ولا القحط ولا العلماني باقي اصبح الصبح ولا العهر ولا العاهر باقي اشرق الصبح ولا الخونه ولا العميل باقي ⭕ مرحبا واهلا بيك فجر الطهاره مرحبتين حباب فجر الجساره جيشنا كرب ما خان السياده تضحيه فداء قوه جباره كان ف الميعاد واخد الاشاره تحيه قلب وضمير بكل حراره عين الجيش حمره وشراره للعدو والعميل والعلماني كراره ⭕ نبارك لرجال الجيش والامن والدعم والشرطه وكل بقيه المنظومات الامنيه الظاهره والمخفيه بفجر الطهاره من النجاسه ⭕ نبارك للشعب السوداني الحر المحافظ والحافظ حدود شرع ربه واكتر شعب بحب النبي الانعتاق من ظلام العلمانيه والتحرر من الاستعمار والذل والهوان العلماني من العملاء والخونه و والمرتزقه لاحسي حذاء المستعمر ⭕ في التامين والتطمين فتره انتقاليه عسكريه كامله تحديد انتخابات حره عاجله المسك بيد من حديد علي الاعلام داخلي وخارجي وتبعيه الملف لجهاز الامن نسبه لخطورة المرحله الغاء كل قوانين ومشاريع القحط احراق الوثيقه الشيطانيه الدستوريه والعمل باخر دستور حزف كل المناهج العلمانيه رجوع الدعم للخبز و البنزين وكل الاساسيات اكرام الشعب فوري ف اسعار رخيصه جدا للخبز و المواد التموينيه حكومه تسير اعمال من كفاءات الجيش وولاه من الجيش والامن محاكمات عادله للقحط منقوله اعلاميا وكشف كل ملفاتهم وفضح اي شئ الله اكبر لا اله الا الله محمدا رسول الله الجيش..الامن..الدعم..الشرطه..الدفاع..الخدمه..وبقيه المنظومات الامنيه علي قلب رجل واحد شعارهم ان تنصروا الله ينصركم شعارهم النصر لنا ⭕ SGS NEWS✔ Oct 25 21 ✒/ حر الراي
الكلام ده يوم الزفه
نكرر اليوم
كما قال الاخوة التحضير الكتير بيجيب الهواء الساخن
لا ترد يا برهان
الرزق بيد الله
عين اي رئيس وزراء اليوم اليوم
واكون لسانو حامي ونار منفقد ع القحط
جاكومي لها التوم هجو لهم وحتي ترك
كلها سنه واحده وملفين فقط..معاش ناس و رخصه وملف انتخابات
يعنى تقصدى أن كل الذين استشهدوا كانوا أغبياء وأنت الوحيدة الناقشة, الذين استشهدوا يا ساذجة لم يستشهدوا من أجل أحزاب أو أشخاص بل من أجل مبادئ و قيم الثورة وهى مدنيتها و أهدافها و محاسبة من قتل زملاءهم من الشهداء فى القيادة وغيرها عصابات الجنجويد للسحل و القتل, سخريتك من الشباب الغض الذى ضحى بأرواحه أمر موءسف, و واضح أنك تحت أى ظرف لن تضحى بحياتك من أجل قضية أو حق, شيئ موءسف ولكن ثورة ديسمبر المجيدة بها شباب نسبة الوعى لديهم متقدمة للغاية ولن يثنيهم شيئ ان كان عنف أو ارهاب عن تطلعاتهم للحرية و السلام و العدالة و المدنية, و الردة بألنسبة لهم مستحيلة, فأسمعى و أعى.
الاخ النور. ما دا الكلام الكنا بنقولوا من زمان. كنا بنطالب بدم الشهداء و تطبيق العدالة بحكم القانون و تكوين حكومة تكنوقراط مستقلة تتفرغ للتجهيز لانتخابات حرة مراقبة دوليا خلال فترة سنتين علي الاكثر و كدا تكون عندنا حكومة منتخبة و رئيس منتخب و برلمان منتخب عندهم تفويض بترتيب الاوضاع و هيكلة الجيش … ولا برهان ولا حميدتي. عندما كنا نقول هذا الكلام ونخرج في اعداد قليلة للاحتجاج كنا نتهم بالخيانة و عدم العقلانية … دا كلة لأن فحت وبعض شخصياتها و تجمع المهنيين كانوا يستمتعون بالمناصب و يتغزلون في الشراكة مع حميدتي والبرهان…. ولجان المقاومة و الشباب مسلَّمين عقلهم لخالد سلك و جماعتة يشغلهم وقت ما داير و يطفيهم وقت ما داير حسب مصلحتهم ( يعني on ثم off عند الطلب).
الظاهر جماعة خالد سلك شغلوهم تاني (on) عشان كدا انضموا لينا في احتجاجاتنا المستمرة و حيكونوا معانا لحد ما جماعة خالد سلك يعملوا ليهم (off) تاني 🤔
كلام موزون تب ،!
لعنه الله تنزل علي اي ملعون محارب له
كررنا وقولنا وقولنا وكررنا
الريس البرهان بعشق التحضير و فتح باب التنظير الكتير …
من الاول كان كف نف تف توووووووش
قلبهم اليوم عين السياده تاني يوم و بعدو رئيس الوزراء تالت يوم وامشي انوم اريح جسمو ودي بطين ودي بعجين واقفل كل مكاتب القنوات
واي مراسل او مراسله تاني تكون تابعه للامن
نحن ف زمن الحروب و العملاء والخونه
كلامك صادق يا بنتنا وحقو الناس تقرأ مذكرات منصور خالد عشان تعرف انو انتهازية بت ابو كلام دي موروثة من جدودها عشان كده ما قاظرة تصدق انو البرهان ركلها في مؤخرتها بنفس البوت اللحستو .
الكل يعرف هذه الحقائق لكن الجميع يفضل دفن الرؤوس في رمال كراسي الحكم. القتال الآن بين العسكر وقحت وشراذمها وأزلامها فقط من أجلس كراسي السلطة والإمتيازات على حساب الشعب المقهور فالبرهان يستطيع تبديل من يلعق بوته متى ماشاء طالما الهدف الأسمى لأحزاب الشؤم هذه هو كراسي السلطة فأغلب هؤلاء عاشوا فقرا سلطويا مدقعا أبان حكم الكيزان وجاءتهم منحة من السماء لنيل المناصب على حساب أرواح المغرر بهم من الشباب المندفعين نحو لا شيئ سوى الفوضى وإغلاق الطرق العامة ليتسلق غيرهم سلم السلطة. هل يفكرأحدا من هؤلاء المغفلين لماذا يموت أويجرح ليتسلق حثالة الأحزاب سلم السلطة. كلاهما شر مستطير العسكر وقحت فهم وجهان لنفس العملة. الإنتخابات هي الحل ونتمني ن تتكون أحزاب جديدة ذات منصات خدمية
Thanks . It is a very informative article. Please keep going