فيسبوك

القراي: ليه عندي مشكلة مع لجان المقاومة؟


ليه عندي مشكلة مع لجان المقاومة؟
* فعلياً انا عندي مشكلة مع أي زول بدعي انو بمثلني حتى لو اخترتو في ترشيح عبر صناديق الاقتراع انت ما بتمثلني انا اخترتك لانو دي الطريقة الوحيدة المتاحة للإدلاء برأيي ك جزء من القطيع!
* لجان المقاومة ما بتمثل الثورة زي ما كولومبيا بتمثل تجار البنقو و ستات العرقي و ما عندها علاقة بأي ثورة بس السكرجية و السطلجية صوتهم عالي قادرين يسكتو اي زول لجان المقاومة عندهم حلاقيم إلهية قادرين يجوطو اي زول محايد و يجبرو الاحزاب علي مجاراتهم عشان الكسب السياسي (الحلاقيم مهمة جدا في اقناع قطعان البشر).
* الثورة حقتي ك فرد قبل وجود الحاجة الاسمها لجان كنت بفتش لناس بطلعو مواكب الثورة في جنوب الحزام ما لقيت غير ناس كايرو و صابون و كندشة كنجف وقاسم و مجموعة شباب بتحسبو بأصابع اليد و طلعنا ٣ مظاهرات طوال ديسمبر في جنوب الحزام حاليا جنوب الحزام فيه 96 لجنة مقاومة!
* لجان المقاومة ان لم تكن كلها ف اغلبها بتكون من مجموعة عطالى قاطعين موضوع و كديس حزب عندو صفحة باسم لجان مقاومة الحته الفلانية حصل علي مكانتو دي عبر ما يعرف بلجان الخدمات اسطوانات الغاز و الرغيف.
* لجان المقاومة غير مؤهلة لإدارة أي حاجة حتى جداولها مستمدة من مشاهير السوشيال ميديا بلاي واحد يكتب بوست تلقاه جدول ثوري و هو قاعد في امريكا ولا اي بلد بترودولاري و هو كديس حزب!
* لجان المقاومة تحكم الاحزاب فيها غير كامل يعني انت كديس حزب لمو فيك ٤ حلاقيم كبيرة في لجنتك ح تكتب بيان يخسر الثورة و يخسر حزبك او حتخسر اللجنة.
* لجان المقاومة مكونة من افراد اغلبيتهم اعظم تحصيلهم المعرفي انو مدنية الدولة بتعني عدم وجود عساكر.
المليشيا بتحكم دولة عادي و الجيش قادر عبر الديكتاتورية و التكنوقراط يحكم دولة و تكون دولة عظمى لكن الجهل عمرو ما بحكم دولة.
انت مشهور و عايز شهرة اضافية عبر لجان المقاومة حاول ما تحشر لينا بانك تكبر راس الأغبياء و الجهلاء ديل.
عشان تقود لازم تتوفر فيك الكتير من الشروط و لو اتوفرت فيك ما بتكون لجان مقاومة حتى ملمعي لجان المقاومة من النشطاء الموجودين داخل الاراضي السودانية ما عضوية لجان مقاومة و لو مشو ينظرو ح تقابلهم الحلاقيم الكبيرة!
كلامي دا ماف خ*ل بقدر يقولو اما لانو عندو مصالح سياسية او خايف علي شهرتو و حالتو الثورية بس ثار يثور فهو ثور دي ما بتلزمني ابدن تسقط الثورة اذا شغل حلاقيم.

سهيل القراي



‫2 تعليقات

  1. هو منو السألك عندك مشكلة ولا ماعندك

    تبآ لك ولأمثالك والقحاتة

  2. معليش ( ابدن ) دي تكتب بالتنوين يعني ابدا ما بالنون،،،،،،، و شكرا كلامك صاح

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *