فيسبوك

اللي شقا تجمع المهنيين حا يشق لجان المقاومة وحا يشق الحرية والتغيير


تراشق البيانات وتبادل التهم بين صفحتين من صفحات لجان المقاومة هو أمر مؤسف جدا !
آخر حاجه نتمناها انو الحاجه دي تحصل في أجسام اللجان !
اللي اشتغلوا على شق (تجمع المهنيين) هم نفسهم اللي شغالين يشقوا في صفوف الاجسام كلها !
تخوين بالكوم .. تهم بالكوم .. ادعاء طهرانيه بالكوم .. وكل الناس كعبين وبياعين إلا نحن الرهيبين !
شوف حولك عدد الكتل اللي انشقت في الايام الفاتت وشوف الناس اللي بيطالبوا بالانشقاقات وبيحرشوا الناس على مغادرة التحالفات في الوقت اللي الناس بتبحث فيهو عن ( وحدة الثورة) ! الكلمه دي بالذات بتزعجهم جدا !
انشقاقات بين لجان المقاومة .. انشقاق بعض الكتل من الحرية والتغيير.. وهسا الموضه الجديدة قالو الحرية والتغيير زاتها مفروض ( تتحلا) !
مافي انسان عاقل وحريص على المسار الثوري وحريص على حدوث التغيير ب اسرع وقت و (أقل) تكلفه ممكن يشتغل (فرتقه) و (تشتيت) !
قول نغير الاستراتيجية مثلا .. نغير الهيكله .. نحدد اهداف اكثر دقه .. الخ دا كلو ممكن ! لكن اصلا ما ممكن يكون كلامك كلو (نحل) ! يوم واحد ما شفناكم بتجيبوا سيرة (الوحدة) ولا سمعناكم بتتكلموا عن واجب (التوحد) ل اسقاط الانقلاب !
اللي شقا تجمع المهنيين حا يشق لجان المقاومة وحا يشق الحرية والتغيير وحا يشق أي مبادرة و أي حجر او شجرة ما تتفق معاهو !
البتعملوا فيهو دا عيب .. عيب !

Dalia Kabashy


‫7 تعليقات

  1. الحرية والتغيير دى عبارة عن ود امبرو تعرفى ود امبرو ؟؟؟ فى ناس بتسميهو ود المويه .. اقدرى امسكيهو فى الاول … بعد كده تفرتكيهو .. ترصيهو .. تخلليهو .. تصبيهو …. تترسيهو … اتجدعى عديييييييييل .. بس شوفى زول ………. بيخم وراكى زبايل مافى .. تعالى جاهزه

  2. للأسف منذ استقلال السودان .. لم نر سياسيا كان همه تحقيق وحدة اهل السودان . الكل ولاءه لحزبه .. وفي الحزب نفسه الأولوية هي لتحقيق الأهداف الشخصية . ولذلك نرى هذه الإنشقاقات وهذه الإنقسامات والتشظي المؤسف المحبط الذي ليس فيه انتصار لأحد .. وإنما هو خسران مبين لأهل السودان جميعا .
    و كل هذا مرده الى ضعف الحس الوطني – غياب الشعور بالإنتماء لهذا الوطن الذي اسمه السودان بمختلف جهاته وأعراقه .

  3. المواقع الإلكترونية مفترض تختار من يكتب على صفحاتها

  4. اللهم القي العداوة والبغضاء بينهم

    اللهم شتت شملهم …

    اللهم فرق كلمتهم …

    اللهم اجعل بأسهم بينهم شديد يا ذو العرش المجيد يا فعال لما يريد …

    اللهم كما حبسوا الطرق اللهم اجعلهم يحبسون البول والغائط ..

    اللهم سلط عليهم العمى والطرش والبكم ..

    اللهم كما دمروا الشوارع اللهم دمر عظامهم …

    اللهم لا ترفع لهم راية ولا تحقق لهم غاية …

    اللهم انزل عليهم غضبك فانهم حرمونا الخروج للعمل والعلاج ونقل المواد الغذائية وغيرها …

    اللهم انهم ازاحوا خير حكومة بقيادة البطل الثائر عمر البشير وجاءوا بأسوأ حكومة دمرت كل شيء جميل …

    اللهم عجل بالإجابة ..

    يا رب نسألك بسورة الزلزلة ان تزازل هؤلاء اللذين يقومون بهذه المظاهرات كما تزلزل الارض والجبال ..

    يا عزيز يا جبار لا اله الا انت القوي المتين .. يا ذو العزة والجبروت..

    وصل اللهم وسلم على نبينا محمد

    1. وأنى يستجيب الله لدعاء الكوز .. ومطعمه حرام ومشربه حرام وملبسه حرام ومسكنه حرام ومركبه حرام !؟

  5. ههههههه
    اتلحسو
    اتفرتقو
    انتهوا تب
    قومي يا بت منهم الموضوع ده كلو انتهي
    بلا قحط بلا قرف

  6. يشقو ليهم شنو يازول او يا زوله- ديل من اساسم منشقين وقلوبهم شتى ونيتهم واحده ومن يقفون وراهم زيهم واسوا بعدين توره ما في مانع لكن ثوره وتغيير تغيير للاحسن مش للسي والاسوا معقول ناس اشيلوا اصبعهم ويطبظو عيونهم يعنى الحال الكنا فيها نبكي اليوم عليها وما لاقينها تقولي تقولي لى تغيير خلو الوهم بتاعكم ده واقعدو في الواطه وبطلوا فلسفة فارغة البلد ضاعت وانتو ما جايبين خبر شغالين صفقة ورقيص وتتريس وبطولات وهمية وفاكرين نفسكم حاجة وما عندكم حاجة غير انكم دمرتوا البلد حسبنا الله ونعم الوكيل منكم والله يخذلكم