انفلات أمني غير مسبوق ونهب في مدن السودان نهارا جهارا
نحن خاشين الشهر السادس للانقلاب وبداية الثورة والتظاهر ، فيجدر بنا أن نعمل جرد سريع نشوف الفوائد والخسائر قدر شنو من الثورة المستمرة وجدول المظاهرات اليومية ، عشان نقدر نحدد : نواصل ولا نقيف ونتراجع نجرب وسيلة أخرى أقل خسائر وأعلى فائدة .
لحدي هسا الخسائر :
– ما يقارب المائة قتيل ..
– ما يقارب الألف مصاب …
-إغلاق الشوارع و زيادة أعباء على المواطنين في التحرك .
– هدم بعض الطرق و تهشيم الواجهات و زيادة تشويه العاصمة المشوهة اصلا..
– مؤسسات تنهار بسبب عدم وجود حكومة .
– حميدتي يتمدد و يركب مكنة رئيس جمهورية يمثلنا في المحافل و اللقاءات الدولية . و حايم من مؤسسة لي مدينة يوجه و يأمر و ينهي .
– جامعات مغلقة و طلاب مشردين و مستقبل مجهول .
– انفلات أمني غير مسبوق و نهب في سط المدن نهارا جهارا .
من يشجع هذه العملية و شايف انها ممكن تحدث تغيير ايجابي أو تحول ديمقراطي يجي يورينا المكاسب شنو في الفترة دي !!!
لازم نشغل عقولنا عشان نحفظ دماء شبابنا و نحافظ على تماسك بلدنا من الانهيار .
لازم تملك الشجاعة و تواجه نفسك أولا و تقنعها بأن الحاصل دا ما بودينا البر ، عشان تقدر تواجه الاخرين …
سالم الأمين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
ما عاوزين أي مكسب خير العسكر ما ليهم مكان في السياسة يعرفها كل عسكري قبل ما يقوم باي إنقلاب والكيزان ما في ليهم أخذوا فرصتهم ودمروا البلد 30 سنة والضياع الحاصل الآن بسبب الكيزان ولذلك مبدأ لا كيزان ولا عساكر نناضل من أجله حتى لو تبقى واحد بس بأرض السودان ومعاهو كوز وعسكري