الداير الشِبك.. يجدع شبكتو معانا
للاتصال بخدمة العملاء اضغط صفر
ضغطنا صفر
للغة العربية اضغط الرقم واحد. للغة الانكليزية اضغط الرقم 2..للغة الرندوك اضغط الرقم 3.. لو بترطن اضغط الرقم 4.
ضغطنا واحد
لخدمات النضم اضغط الرقم واحد
للانترنت اضغط الرقم 2
ضغطنا الرقم 2
للتحدث مع موظف الخدمات اضغط 3
ضغطنا الرقم 3
للتحدث مع موظف سامعك ومطنش اضغط الرقم 1
للتحدث مع موظف خُلقو ضايقة اضغط الرقم 2
للتحدث مع موظف مافي كلوكلو اضغط الرقم 3
للتحدث مع موظفة مشوكشة وقرفانة اضغط الرقم 4
للتحدث مع موظفة نضمها حلو وتقول ليك خليك معاي.. وتمرق مرايتها من الشنطة وتمد شلاليفها وتملاهن بوهية وبراحة تدخل في نعلاتها وتمشي أهلها وما تجيك، وتشغل ليك لحن:-
شبكتينا يا آمنة وشبكتي الناس معانا
في شباك شبك شبكت شبايكومعانا
لبست التوب شبك في شبايكا وشابكانا
والداير الشبك يجدع شبكتو معانا
للتحدث مع هذه الموظفة اضغط الرقم 5
للرجوع للقائمة.. اضغط صفر عشان تقوم قيامتك..
تلاتة أيام وأنا في الحالة دي.. يسو لي في الـــ اضغط اضغط اضغط.. ولاعبين معاي ضاغط.. وضغطي ارتفع.. ولي حسي ما عرفت البي والعلي..!!
لم أكن محظوظ لو كنت محظوظ ح ترد علي موظفة “حبااااااااابك.. النت قاطع؟.. عليك الرسول حسي لو سعلناك النت داير بو شنو؟.. بلا تعمي عويناتك من الدنقر الفوق الجهاز ؟.. غايتو بس تشتتو في قروشكم سااااااكت.. النت دا خربان علا حسي تراهم يصاورو فيهو.. فطرتا؟” أرد (لا).. تقول لي وهي قرفانة “خلاص أمشي أفطر وأشرب لك كباية شاي، وتعال، الشغلة دي بعيييييييييييدة.. وتاني ما اسمع حسك دا”!!
[/JUSTIFY]
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة