الخريجين و العطاله

لما عملتوا الجامعات دي كلها ماكنتو قايلينهم حيتخرجوا ولا افتكرتوهم حيخلدوا فيها

بدل العطلة ده حضرو للدكتوراة احسن

بتمني يكون الخريج مستوعب

للاسف الشديييييييييييييييد الغالبيه العظمى من الرجال السودانين كسلانييييييييين واقرب مثل ليكم اخوي متخرج ليهو 4 سنين وكل مانقوليهو امشي قدم هناولا هناك يقول لأ الشغلانيه دي مابشتغلها وديك ماعارف شنو…………. داهيه تاخدكم كلكم ياكسالى …………….

نتيجى متوقعه … بس عاطل بشهاده احسن من عاطل بلا شهاده

ياريت لو كل الناس زيك يا “ود الناس”….. ياريت لو كل الشعب السوداني عنده الوعي ده…. البلد دي باجماعه ماحاتتقدم الا الشباب يتنفضوا ويخلوا القعاد تحت الشجر والضلله ده طبعا بعد النوم في ضل الصباح داك…. اصحوا ياعالم … ليييييه يجوا المصرين ويشتغلوا في بلدنا؟؟؟؟؟؟ليه يجوا الصينيين والبنغال؟؟؟؟ موش اولى بيها العاطلين تحت الضلله؟؟؟؟؟؟؟ ماتلوموا الحكومه في كل حاجه (انا ماكوزه )

الله كرييييييم…..

فى الحقيقه والله اللوم ماعلى الحكومه ولا على الشباب اللوم على أوليا الأمور إذاكان ولى الأمر من أول يوم بقول لى ولده ياولد أمشى فتش ليك شغل ما كان بحصل قعاد فى الضلله ونوم بعد طلوع الشمس والله الشغل موجود فى كل مكان فى السودان والقروش موجوده ولكن دايره البفتشه والبفتش بلقى من كده وجد ومن إستراح راح ولكل مجتهد نصيب ماتقعد فى بيتكم وتقول ما لاقى شغل أبحث وانت تجد وما تقول هذا العمل لايليق بى لا تستعير عن العمل العمل شرف ما عيب ولاتقول أنا خريج بالدرجه الفلانيه ما بعمل فى هذا العمل إعمل حتى تجد الوظيفه المنااسبه أتمنى لكم التوفيق والسداد .

,والله بس لو تعرفو قعدة الشارع دي شينة كيف وبتحبط قدر شنو شباب قدر الحيط يضيعو قوتهم وشبابهم في الكشتينة وماحاسين بوجع الاهل واحيتياجم لكل مساعدة ودعم من ناس دفعو دم قلبم عشان يعلموهم ويخلوهم من اصحاب الشهادات هسه الواحد لو اشتغل باليومية في اي حاجة وشال نفسو بس وما احتاج لناس البيت في حق اللبس والمواصلات والحاجات الخاصة بيهو وقاطع ضهر اهلو بيها مش احسن والله حيحس بالراحة وحيقدر القرش الفي يدو وحيرف انو لازم يطور نفسو شوية شوية بس هم كيف يخلو الفلهمة دي شوية كدا والانبطاح طول اليوم يفكر في الجواكر لو فكر في بكرة وفي حياتو انا شايفة يكون احسن وربنا يعين

الحل للمشكلة دي شنو لسه الجامعات بتخرج في الطلبه أكيد حايكون في عطاله زيادة وفي جامعات جديدة بتفتح أبوبها طيب الحل شنو الناس تخلي الدراسة ولا تكون عاطل بشهادة ؟؟؟؟؟؟؟؟؟؟؟؟؟؟؟;( ;(

الشرط الاول لكي تشتغل لازم يكون عندك واسطه يعني (عندو ضهر ) 😡 😡 😡 😡 😡 😡

في مصر القريبة دي تلاقي بتاع البوهية معاهو بكالوريوس وبتاع المونة معاهو بكالوريوس والنقاش معاهو بكالوريوس .. ناس بتشتغل عشان تعيش وليس العكس كما هو حاصل عندنا .. المفروض ان الشاب يشتغل اي شغلانة علشان يساعد نفسه في المقام الأول .. انهضوا يا شباب والله الكسل والنوم ما بحلوا ليكم مشكلة .

المسؤلية ليست للحكومة فقط ولا للشباب ولا اولياء الامور مسؤلية مشتركة لكن للحكومة نصيب الاسدفي المسؤلية لان من المفترض تضع دراسات وحلول ويكون في ضبط في كل شئ لتتم الموازنة بين الخريجين والوظائف لايمكن لكل انسان انيعمل بالشهدة التي تخرج بها ولكن النسبتكون متفاوتة ومعقولة وتلبي الاحتياجات وليس الطموحات لانه ليس هناك مجال للطموح وحتي عمل الاجانب من المفترض ان يضبط من قبل الحكومة وكلام عن اننا كسالي هذه فلسفة من وجد لنفسه حلا ليس الا في اي مكان في العالم السوداني رقم واحد في المجالات المختلفة وينافسون حتي مواطني البلد في اعلي الوظائف لماذا ؟ هل هم ليسو سودانين وانما وفرت لهم امكانيات وظروف تناسب وتساوي مقدراتهم وطموحاتهم كونو عقلانين مامعني ان اعمل ب300 جنية واصرف في اليوم اكثر من 20 جنية هل معني الحياة الاكل والشرب ان كان كذلك اكل واشرب وانام ومن غير جهد وان كان لا فانعش كما يعش البشر في بيئة نظيفة سليمة معافاة فيها ماتنتجة يساوي ماتملك ومن يري غير ذلك اتحداه واتمني ان يرسل لي ايميله للتواص ان لم اقنعه بما اقول حينه ادرك اني اعيش في القمر وليس السودان