تنفيذ حكم القطع من خلاف على مدان .. !!
وفي سياق متصل اجري (النيلين) العديد من الاتصالات الهاتفية بالقيادات المعنية بالملف إلا انها كانت تحفظت في الرد علي تقصي الحقائق من مصدرها خاصة وان الحكم يأتي في إطار تطبيق الشريعة الإسلامية التي تصدر في ظلها مثل هذه الاحكام التي تندرج فيها الجرائم التي يفعلها البعض ما جعل الشرع يشدد العقوبة التي تعرف عند العلماء بـ (حد الحرابة) أو (قطاع الطريق) وهو المذكور في قول الله تعالى :
( إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الأَرْضِ فَسَاداً أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلافٍ أَوْ يُنْفَوْا مِنَ الأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الآخِرَةِ عَذَابٌ عَظِيمٌ ) المائدة/33 .
من جهة اخري قال المصدر ان المدان آدم بابكر يشبه الفنان الراحل محمود عبدالعزيز شبهاً شديداً في الوجه ونحافة الجسم مؤكداً في ذات الوقت ان تنفيذ هذا الحكم يعد الأول في القطع بالخلاف منذ ان تولت ثورة الانقاذ الوطني مقاليد الحكم في السودان في 30 يونيو 1989م وإلي هذه اللحظة التي نفذ فيها الحكم علي المدان الذي ظل قابعاً في السجن لسنوات من تاريخ الحكم عليه.
الخرطوم – سراج النعيم
[/JUSTIFY]ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
الله اكبر !!!
وان تنصروا الله ينصركم !!
الدور والباقي علي مجرمي المال العام !!!
[frame=”1 80″]
[B][SIZE=7]هسه الجاب محمود عبدالعزيز شنو فى القضية دى الراجل بين يدى الله سيبوه فى حاله حرام عليكم [/SIZE][/B][/frame]
ماذا فعل هذا المدان؟ هل سرق؟ وماذا سرق؟ وهل نفهم أنه بدأ تطبيق حكم الشريعة في الذين يسرقون؟ وبماذا يا تُرى يكون الحكم في من سرق قوت الشعب؟ ومن سرق أموال الشعب ؟ ومن زاد الأسعار وأخفى السلع،ليغنى؟والأهم بماذا يُحكم على من إستغل وظيفته وحوّل مواردها لمصلحته الشخصية؟ ومن إستغل مركزه واستورد لمصلحته الشخصية أغراض ضمن ما تم إسيراده لوزارته؟ من سهّل لشركة الدعارة بالعمل داخل السودان؟هل سيطبّق هذا الحكم على هؤلاء؟ إذا كانت الإجابة بنعم فأبشروا بعد طول دغمسة مع فقه السُترة!!! هاهاهاها
الله اكبر الله يبشركم بالخير انشاءالله ينصركم
يا سجم النعيم ده كلام شنو ….. (من جهة اخري قال المصدر ان المدان آدم بابكر يشبه الفنان الراحل محمود عبدالعزيز شبهاً شديداً في الوجه ونحافة الجسم) …… بالله ده إسلوب كتابة .. يعني شنو شبه فلان ولا عِلان ده حيفيدنا في شنو …. العيب مش فيك …. العيب في إدارة النيليين العملت منك زول … قال صحفي قال … تعرف أنا لو لميت فيك أديك عضة في راسك ده أخليك ما تهووب هنا خالص … قرفنا منك …. قال في سياق متصل قال …. مواضيعك كلها مشكوك في صحتها إذا كنت إنت مصدرها…. يا سجم النعيم .
هسي كان سوينا فلم عن محمود عبدالعزيز ما كان الراجل دا مثل دور المرحوم ؟ يقوموا يخربوا يمين يسار . والله بعد الجوطه يتاعة موت محمود كان الفلم دا جاب كثرة قروش ماتنعد
[SIZE=4]انتهاك فاضح لحقوق الانسان [/SIZE]
ينطبق عليهم الحديث النبوي الشريف إذ قال: رسول صلى الله عليه وسلم وسلم (“إنما أهلك الذين من قبلكم أنهم كانوا إذا سرق فيهم الشريف تركوه ،وإذا سرق فيهم الضعيف أقاموا عليه الحد ،وأيم الله ،لو أن فاطمة بنت محمد سرقت لقطعت يدها”.) صدق رسول الله …. شتان بين هذا وذلك ..
حسبنا الله ونعم الوكيل انا لا اعترض حكم الشريعة ولاكن هذا الحكم باطل لان حتي الان لم يكن دستور السودان الشريعة الاسلامية وهذا المسكين طبقو فية الحكم لانو انسان بسيط لوكان عندو مكتب وسيارة وعضوية حكومية كان يسرق وهو في امان امثال الحرامية البيسرقو في البنوك ويفرو الي دولة مجاورة ياللعار وبعد فترة ينضم للمعارضة وبعدها يعود للسلطة منصب مستشار الرئيس او نائب اول قبل فترة تم القبض علي ابن احد المسؤلين في الدولة في قضية زنا هل سيطبق فية الرجم هو متزوج الي متي هذا الظلم علي المساكين والله الدارفوريين معاهم حق في الحرب النظام ملعون ابو النظام
بس جارين جري لي محمود عبدالعزيز…خلو الراجل في حالو لا راحمينو حي لا ميت…له الرحمة والمغفرة
لا مانع من تنفيز حدود اللة الشرعية لكن ان يبدا تطبيقة على لصوص وحرامية الموتمر الوطنى اولا ثم بعد زلك المدانين بها
[COLOR=#0E1060][SIZE=4]طيب ست العرقى الورا مدرسه المسالمه دى ما تشوفو ليها حل[/SIZE][/COLOR]
انما هلك الذين قبلكم انهم كانو اذا سرق الضعيف فيهم اقاموا عليه الحد …
غفر الله لك حبيبنا .. النضيييف يد ولسان وافعال محمود عبد العزيز .. وعجل الله بهلاك وسوء خاتمة كل من اساء لك حيا او ميتا
بعض المعلقين بيكتبوا ساي بلا فهم ، قالوا ليكم حد الحرابة يعني الزول رباطي بيقطع الطريق على اهلنا في دارفور وما بعيد يكون قتل ليهو كم نفر . يعني دا حد الحرابة وأي نقد للكلام دا يعني نقد للقرآن ، والقصة ما فيها سرقة ولا يحزنون
الزول دا من اسمو شكلو و الله اعلم انو من ناس دارفور(ادم بابكر) و دا سر تطبيق الحكم و بعدين حتة الشبه بينو و بين محمود عبد العزيز دي صاجة جدعة ليكم عشان يضحك بيها على المعلقين لا اكثر و لا اقل يعني الكلام ما فيهو منطقية و لا جدية واضحة بس ضحك على الدقون.
اول شى الحمدلله انو فى تطبيق للشريعة
والجانب المضحك الاخر انو بطبقوها على المساكين على ناس وتخلو ناس
لو جينا للحقيقة
ناس الحكومة كلهم المفروض تكون اياديهم مقطعة فاين تنفيذ الاحكام؟؟؟
هذا توفيق من الله للقضاء السودانى, انشاء الله الى الامام ياقضاة مطبقين حدود الله, فالمجتمع اصابتة امراض كثيرة وينقصة الحسم فى كثير من الامور فقد كثر الفساد وظهرت حوادث القتل والاغتصاب للذكور والاناث القصر والمسنات…الخ
المسكين التعبان الغلبان الجعان قطعوا يده ورجله من خلاف .. طيب البيقطع يد ورجل حرمية الانقاذ مين ؟ وبقية ( يهتدون _ والثعلب المكار _ وشيل الله )