عــزيزي عــمر البشــــير… ســؤال ما لاقي ليــه إجــابة
25 سنة الشعب مقهور من بطشكم و ما قلنا شي.
25 سنة إستنزاف لي مــوارد البلد و معروفه بتمشي وين و ما قلنا شي.
25 سنة القوي بيعفــص الضعيف (العندو واسطه) و ما قلنا شي..
25 سنه و العالم ماشي لي قدام و نحنه لسه ماشين لي الخلف و ما قلنا شي.
25 سنه لا شفنا تعليم لا شفنا علاج و برضو لا إتكلمنا و لا قلنا شي.
25 سنه و كل يوم المواطن يستحمل نتائج اخطــائكم و ما قلنا شي.
بعد 25 سنه نص ســـودنا ضاع قدام عيونا و برضو ما قلنا شي.
و بعد ال 25 سنه دي و ناس المحكمه الجنائيه قالو انك مطلوب ليهم و كلنـــــــــا بعــد نص ساعه بس قلنــا لا للمساس بــرمز الدوله و في قلبونا مافي اي شي.
25 سنه جانا امتحانا من الله و غرقنا بسيول من الله راضين بس منكم ما راضين…شعبنا معروف بالجود و الكرم و الشهامه ..وقفنا مع بعض في محنا و عدينا و ضربنا المثل في نفيـــر السودان الفي العالــم كلو بقت فيه نفيــر تدعم السودان بعمل طوعي و بكل شي يسير و كلو لي خاطر السوادن و بس…
25 سنه بلدنا نظيفه ما فيها شي بس انتو دنستوها و بالشيعـــه جيتو مليتو البــلد و دي ما حنخلي ليك فيها شي.
25 سنه ما شفنا غلاء بالشكل ده …
فتحنا خشمنا و قلنا ان شاء الله خير و فــي شنو؟
بعد كل جمائل ال25 سنه دي و الما قلنا فيها اي شي
عشان بعد 25 سنه فتحنا خشمنا و سالنا بعد ما جعنا في بطونا و ما قادرين نعمل اي شي.
تقــوم يا الإستحملناك 25 سنه تقتلنا بكل سهول تقول ديل الجبهه الثوريه؟
معقوله تستخف بينا كده و بعقولنا تلعب؟
حتى لو الجبهه الثوريه انتو وين من المذبحه دي؟
نموت قدام عيونكم كده ولا كانو في شي؟
نحنه العملناكم انتو و نحنه البنشيلكم انتو
صدقني يا البشير
دم كل مــواطن سوداني فـي رقبتك انت والله العظيم
و زول بعفيك مافي..
و كمان السيد نافع بكل بجاحه جاي يعزي؟
في الدكتور السنهوري ؟؟!!!
تقتل القتيل و تمشو في جنازتو؟
احلى حاجه انو قالو ليك (الحس كوعك و اطلع بره)
اقل شي من شعب قرف منكم 25 سنه و إن شاء الله بعد كده تاني مافي حاجه اسمها ما قلنا شي….
صفحة : دجـــــــل الشيخ الامين
#شـــــــــــــــــراره[/SIZE]
على قول الاستاذه نجاه غرزه الشئ بالشئ هههههههههههههههههههه
واهم شئ ان زوال الدنيا اهون عندالله من قتل رجل مسلم
يا تكون في ثورة حقيقية على غرار الدول اللى فيها ثورات او تخلو الناس ديل يدوسوا على كرامتكم .
انا كنت قبل سنه فى السودان فى اجازة وعند رجوعى الى عملى سالنى واحد قال لى السودان كيف قلته ليهو فى جملة واحدة لوسرقت البشير مابحاكمك لكن بيعمل حركة اصبر بيده وبقول ليك بلقى فيك فرصه
والغريبة لمّا جو قالوا في بيانهم الأول:-(( لقد تدهور الوضع الاقتصادي بصورة مزرية وفشلت كل السياسات الرعناء في إيقاف هذا التدهور عن تحقيق قدر من التنمية، فازدادت حدة التضخم وارتفعت الأسعار بصورة لم يسبق لها مثيل، واستحال على المواطنين الحصول على ضرورياتهم إما لانعدامها أو لارتفاع أسعارها، مما جعل كثيراً من المواطنين أبناء الوطن يعيشون على حافة المجاعة وقد أدى هذا التدهور الاقتصادي إلى خراب المؤسسات العامة، وانهيار الخدمات الصحية والتعليمية وتعطل الإنتاج وبعد أن كنا نطمح أن تكون بلادنا سلة غذاء العالم، أصبحنا أمة متسوِّلة تستجدي غذاءها وضرورياتها من خارج الحدود، وانشغل المسؤولون بجمع المال الحرام حتى عمّ الفساد كل مرفق من مرافق الدولة، وكل هذا مع استشراء الفساد والتهريب والسوق الأسود مما جعل الطبقات الاجتماعية من الطفيليين تزداد ثراءً يوماً بعد يوم بسبب فساد المسؤولين وتهاونهم في ضبط الحياة والنظام))…… هسع عليكم الله الناس ديل جو ينقذوا البلد؟، وبعد 25 سنة الحال زي ما هو،بل وأسوأ، لا حول ولا قوة إلا بالله. والله يستر يستمرؤوا الطريقة دي وهاك يا ضغط وتهديد وما عارف شنو!!خلاص بعد كدة ولا يهمهم وطبّقوا المثل ال بيقول :- جلداً ما جلدك ، جُ فيه الشوك.
[B][SIZE=5]الخوووف بكره يجي يكبر ليكم تلقا كل الشارع يكبر معاهو ويرقص معاه
اممو معاي اللهم ارنا فيهم عجائب قدرتك يا رب العالمين[/SIZE][/B]