مها منعم عمر: اشفق على الخائن والكذاب لأنه مريض نفسياً

اكان ما اخاف الكضب اظنك قاصده البروف الهندي عزالدين !!ان بعض الظن اثم

اشفق عليك لانك مامحتشمه

انتى طيب مسمينك مها لى شنو .. كان يسموك ( شفقة ) برضو اسم لايق عليك بدل اسم منعم ( المنعم هو الله ) .. وحددى لينا بالله اليوم ده بالضبط متين في السنة .. وميلادى ولا هجرى .. عشان نرفع عريضة لوزارة العمل .. في يوم العمال العالمى .. يعتمدو لينا يوم الشفقة ده عطلة رسمية .. وكل ناس يتزاورو في اليوم ده عشان يتبادلو الشفقة .. وبكده نكون اصلنا للشفقة .. ويتفاكرو في شفقتهم .. وهل كانت كافية السنة الفاتت !! ولا دايره ليها شوية بهارات في السنة الجديدة ؟
والشفع ينبسطو في اللقاءات الزى دى .. ويقعدو يلعبو ( شفقتكم وشفقتنا اتلاقو فى الشفخانه .. شفقتنا شفقت شفقتكم .. تقدر شفقتكم تشفق شفقتنا .. ذى ما شفقتنا شفقتك شفقتكم ؟ )
والحريم والبنيات يتبادلو الشفقات وكل واحده تشوف شفقة صاحباتها واخواتها موديلها جديد ولا قديم .. وشفقتها مطرزه بالحنين ولا ناشفة سااااكت .. وهى عندها كم شفقة ؟ وشفقتها وارد وين ؟ وشفقة اصلية ولا صينية وبوبار سااااكت !!
وبنهاية اليوم يتوادع الجميع على موعد لقاء العام القادم بشفقة اكثر دسما .. ومشاعر اكثر ودا .. مع نبذ الخلافات من نوع شفقتكم وشفقتنا طلعو السلخانه وشفقتنا سلخت شفقتكم .. تقدر شفقتكم تسلخ شفقتنا !! ذى ما شفقتنا سلخت شفقتكم ؟

وهنالك في خلفية الختام يردد الجميع في غناء كورالى اغنية ( الشفقة مالك عليا انا … يا الشلتى نوم عينيا انا ) ..