الدكتور فيصل القاسم: نصارع للحصول على ضيف يمثل النظام السوداني كي يدافع عن وثيقة الإصلاح

هو انتو صدقتوا .. وثيقة شنو واصلاح شنو ووثبة شنو، ده كلو شغل محلى مش للتصدير خارج الحدود، محل الأنوار والاضواء الكاشفة اللي لا فيها رقابة قبلية ولا بعدية. فالموضوع كلو للاستهلاك والالهاء والاستغباء والاستحمار المحلى والجماعة كلهم مشغولين في تزويق خطاب الرئيس الهبوبي وموعودين بخطاب تفسيري للرئيس يوم الاربعاء كما قال امين حسن عمر أو مافيش خطاب زي ما قال مصطفي عثمان، افتكر احس تأجل الحلقة للاسبوع الجاي يمكن يفضى ليك ربيع الطايش او غندور الادروج . ده اذا وافق ليه كبير اخوانه. فالحق ابلج والباطل لجلج

سوقو الهندي عزالدين .

المشكلة في السودان يصدقوا اي حاجة تصدر من الكيزان وخاصة الرئيس عمر البشير يا اخوان ربع قرن يكذبوا فينا قرار جمهوري صدر بمجانية التعليم وطلع ماسورة مخرومة مجانية العلاج صار حتى السرير بقروش ما عارف الاكتفاء الذاتي للقمح طلع القمح والدقيق زاتو نستورد من الخارج الاكتفاء الذاتي للسكر نستورد من برازيل تخيلوا سكر ؟؟؟ ناكل مما نزرع اكلنا التراب ونشرب مما نصنع شربنا موية البلاعة الله يكرمكم يا اخوان فضل شنو تاني حظر اقتصادي وجوي وعقوبات صارمة بسبب سياسات الكيزان الخارجية وفقر وجوع وامراض وجهل في الداخل ربع قرن يا جماعة المؤتمر الوطني تكذبوا فينا ولسه في حمقاء يصدقونكم واحد راجل يطلع برنامج الاتجاه المعاكس بكرة ويثت للعالم وللشعب السوداني حقيقة خطاب عمر بشير الجوفاء الفارغ من اي شي يغير من وضع المواطن المقلوب على امره.

الله الصرع اليغتس حجرك .. ياغراب الشوم