منوعات
اصحاب الدكاكين واسرار البيوت
البداية كانت بصاحب الدكان حامد موسى الذي بدأ حديثه بقوله: اية مشكلة بتحصل داخل بيوت الحي يكون عندي بيها خبر والواحدة بتجي عشان تشتري ليها حاجة واول ما تقول ليها زهجانة مالك ما تصدق وتبدأ في سرد المشاكل.. وعند سؤالنا له عن مصادره الحقيقية في معرفة الاسرار داخل البيوت يجيب حامد قائلاً: في اي حي بيكون في زول أو زولة «شمارة» تنقل الاخبار والاحاديث وصاحب الدكان يتذكر مشاركته في حل العديد من المشاكل الاسرية بحكم تلك السنين التي قضاها بائعاً في الحي ومعايشته لاهله في افراحهم واحزانهم ويصمت قليلاً قبل ان يتحسر على الايام الخوالي وتغير الاخلاق. وفي ذات الاتجاه إلتقينا ببابكر الامين صاحب دكان بأحد الاحياء الام درمانية الذي يؤكد بكل فخر ان كل صغيرة وكبيرة بتحصل في الحلة له علم بها وعن مصدره في معرفة الاسرار، يقول بابكر ان الدكان مقسم لثلاث فترات، فالصباح هو موعد النساء وتجمعاتهن امام الدكان للشراء ويبدأن في تفريغ الشمارات والمشاكل البتحصل داخل البيوت وكأن صاحب الدكان «دا» ما بسمع. وعن فترة منتصف النهار يقول بابكر «دا» زمن الشباب العطالة وديل ما عندهم شغلانة غير مشاكل البيت و «نبش» نسوان الحي وبناته انتهاء بمعاكسة الفتيات في الشارع، وفترة المغرب لها نكهة خاصة ومختلفة فهي جلسة الكبار من رجال الحي وما على الواحد الا أن ينظف«اذنه» حتى تكون مستعدة لتلقي المعلومات.
وفي اتجاه آخر يقول صاحب دكان رفض ذكر اسمه ان مصدره في تلقى الاخبار والاسرار هم شريحة الاطفال فعادة انتهز فرصة «مراسيل» الاطفال للدكان وابدأ في استدراج الواحد لمعرفة ما يدور داخل البيت من مشاكل وعقبات ولا أظن أن هنالك اسراراً يمكن اخفاؤها في زماننا هذا وبقطعة شوكلاتة «الشافع» يقول ليك الخلافات البين الوالدين والاخ العاطل وخناقات الاخت البتقرا في الجامعة يعني «يديك» أخبار البيت ويذهب. «خلف الله» صاحب دكان بام درمان في اتجاه آخر حيث يؤكد ان خبايا البيوت أصبحت متاحة مثل السلع التي يبيعونها، ويقول في هذا الشأن لو عايز تعرف أسرار الحي كلها يمكنك ذلك.. لأن الضغوط المادية والتفكك الاسري له دور مهم.. واقرب مثال لو عايز قروش من واحد وطالبته برد الدين يبدأ في سرد جميع مشاكل البيت من اجل اقناعك بأنه لا يستطيع رد الدين في الوقت الحالي.
ويشير عباس الماحي صاحب دكان آخر الى امكانية معرفة مشاكل البيوت دون أدنى إجتهاد. وعن نفسه يقول عباس لا أحب التدخل في شئون الآخرين لذا لا اهتم بما يدور في داخل البيوت ويضيف قائلاً: الاخبار والاسرار أحياناً بتصل لينا من اصحاب المشكلة نفسها واحياناً بنسمع بيها ومرات صوت الناس داخل البيت يرتفع حتى يصل الشارع وفي النهاية هي اشياء يجب عدم الخوض فيها وتداولها.. تركنا عباس الماحي بعد ان ازدحم المحل بعدد من الزبائن، ومواصلة لجولتنا إلتقينا بمصطفى صاحب محل بالثورة.. وعن ذلك يقول عملت اتصالات في الدكان مخصوص عشان اعرف ما يدور في الحي واحياناً بسأل واتابع و «اشمشم» لمعرفة آخر تطورات المشاكل واعتمد على السمع وده طبعاً مصدري في معرفة الاسرار.[/ALIGN] الراي العام
والله كل البيوت اسرار , ولا احب يطلع علي اسرار بيتي وكلكم مثلي
الكـلام ده كلو ما كلام ناس عاقله , وهل معرفه اسرار البيوت هوايه للبعض ام مرض … اسال ربنا الهدايه والشفاء للجميع
من اشتغل بالناس مات هما…….نسأل الله العفو والعافية………………
بسم الله الرحمن الرحيم
السلام عليكم
والله يا اخوانا انا ما عارف لكن زي ما قالو اخوانا او احد فلاسفة الجنوبيين اخوانا اننا نحن كسودانيين محتاجين لي مقابلة دكاترة نفسيات لانو يا اخوانا والله انا لي تجربتي الخاصة مع احد اصحاب الدكاكين في السودان المشكلة انو هو ما عايز يرف الشمار شنو بالضبط لكن المشكلة الكبيرة والله انسو ما عايز اقول ليكم ليها وانتو عارفنها قبل ما اكون انا ارفة ويا ريت ناس الدكاكين يقيفو من الاوهام ويخلو حريم الرجال لي حالم واختو الزنا يا ناس الدكاكين في السودان وخافو ربكم
لااله الاالله دي مصيبة . الناس دي ما عندها شغلةو اكيد مريضة . هل يرضى احد ان تكتشف اسرار بيته حتى اصحاب الدكاكين مابيرضوا ان تنتهك اسرار بيته. ولكن يا ابن ادم كما تدين تدان واكيد اسرار بيوتهم ايضا في افواه اخرين هذه هى الحياة.وهذه عدالة السماء. وبعدين معاكم مواضيع زي دي المفروض تطرح لتعالج لانها مشكلة اجتماعية تهم المجتمع السوداني ويجب ان تعالج ومعالجتها التربية السليمة كان في البيت او المدرسة او الشارع اعط الطريق حقه. كمان طلع فيها فن واغراءات و رشاوي للاطفال بالشوكلاته علشان الطفل بريء بيستغلوه علشان يدوهم كل اسرار البيت.ايه الوساخة دي للدرجة دي بقينا ندخل في بيوت الناس. يا ناس علم النفس ايه رايكم في الكلام البيحصل ده ؟ واحد يرد علينا يا دكاترة.
والله العظيم ده كلام خطير جدا ويدل على قلة دين وعدم اخلاق هل يقبل احدهم بأن يتجسس اي شخص على بيته ويعمل على الاطلاع على مشاكل اسرته عموما ان بنقل للجميع بعض حقوق المسلمين على بعض من احدى المواقع الاسلاميه اتمني ان تاتي بالمفيد والله المستعان
قال -عليه الصلاة والسلام- بعدها: وكونوا عباد الله إخوانا حققوا أخوة الدين، إذ قال -جل وعلا-: وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ وقال -جل وعلا-: إِنَّمَا الْمُؤْمِنُونَ إِخْوَةٌ المسلم أخو المسلم لا يظلمه ولا يخذله ولا يكذبه ولا يحقره .
لا يظلمه يعني: لا يظلمه في ماله، ولا يظلمه في عرضه، ولا يظلمه في أهله، ولا يظلمه في أي أمر اختص به، بل يعدل معه، ويكون خليفته في ماله وأهله وعرضه؛ ولهذا جاءت الشريعة، وهذا من محاسنها العظيمة في أن يتحلل المرء إخوانه فيما وقع منه عليهم من المظالم.
وقد ثبت في الصحيح، صحيح أبي عبد الله البخاري أنه -عليه الصلاة والسلام- قال: من كانت عنده لأخيه مظلمة – بكسر اللام – في مال، أو عرض، فليتحلله منه اليوم قبل أن يكون يوم لا درهم فيه ولا دينار يعني: من اغتاب، أو من وقع في عرض إخوانه، أو من اعتدى على بعض فعليه أن يرد هذه المظالم، فإن كان في ردها مشقة عليه، فيوسط أحدا إلى آخره.
المقصود أنه يجب أن يرد المظالم، وفي الغيبة تفصيل للعلماء من أنه إذا ذكر لمن اغتابه، أنه قد اغتابه، وهذا يؤدي إلى حصول منازعة ومشاقة في إخباره بغيبته إياه وطلبه تحليله، فإنه يترك هذا الإخبار، ويكتفي منه بالاستغفار له، وكثرة الدعاء له، لعلها أن تشفع في تكفير غيبته أو النيل منه.
وهذا من السنن التي ينبغي لنا أن نتعاهدها في أن يحلل بعضنا بعضا، وإذا سأل أحد أخاه أن يحلله، فيستحب له أن يقول: حللك الله، وأنت في حل مني، وأشباه ذلك دون سؤال له ماذا قلت؟ وماذا فعلت؟ وبأي شيء اعتديت علي؟ وأشباه ذلك كما قرر العلماء.
والله لوا انا عندى سلطة امسك بتاع الدكان البدى الحلاوة للشفع ديل عشان يعرف اخبار البيت واشنقوا نهارا جهارا فى ميدان عام عشان مايستغل حوجة الطفل ويعرف اسرار البيوت وكمان اولياء الامور ما يختلفوا قدام اطفالهم عشان السترة والفضيحة متباريات .. كلام فارغ وامور فارغة ونسوان فارغات صراحة حاجة مقرفه ومقززة وحكى لى احدهم بان اصحاب الدكاكين نفسهم لديهم علاقات مشبوه مع بعض من نساوين الاحياء والعهدة على الرواى