الفاتح جبرا

إلا نحنا (من الأرشيف)


إلا نحنا (من الأرشيف)
[JUSTIFY] في كل بلاد العالم تستخدم كلمات مثل .. لو سمحت .. شكراً .. متأسف .. إلا نحنا (ليه ما تعرف)؟
في كل بلاد العالم (اللاعب المستورد) بجيب أقوان إلا نحنا (بجيب ضغط)
في كل بلاد العالم توجد على الطرق الرئيسة خطوط عبور مشاة .. إلا نحنا (تقطع الشارع وإنتا وحظك بقى)
في كل بلاد العالم يوجد ناطق رسمي واحد للحكومة إلا نحنا (أى مسئول يمكنه النطق )
في كل بلاد العالم يوجهك شرطي المرور إلى أن هذا الطريق إتجاه واحد إلا نحنا (يخليك لمن تدخل) !
في كل بلاد العالم تستخدم الركشات لنقل الأغراض إلا نحنا (عندنا تستخدم لنقل البشر والخمور كمان) !
في كل بلاد العالم لا تتعطل دواوين الحكومة عند مجئ ساعة الإفطار إلا نحنا (الفطور وبعدين الشاي فالصلاة ثم .. تعال بكرة)
في كل بلاد العالم إذا قبض عليك تقود سيارتك دون رخصة قيادة تم إياقفك إلا نحنا .. تدفع الغرامة وتمشى (ما الغرامة أهم من السلامة وكده)
في كل بلاد العالم يتم إستخراج الأوراف الثبوتية للمواطنين مجاناً أو برسوم رمزية إلا نحنا تطلعا بالشئ الفلانى وتجددها بالشئ الفلتكاني وكمان المبلغ الفي الإيصال أقل من الدفعتو
في كل بلاد العالم رقم الإسعاف معروف إلا نحنا (تفتش ليهو فتيش ولمن تلقاهو يكون المريض موضوعو إنتهى)
في كل بلاد العالم يتم تخصيص حصص للموسيقي في المدارس إلا نحنا (ومع ده عندنا عشرين مليون فنان)
في كل بلاد العالم توجد لافتات توريك إلى اين تفضي بك الشوارع التى تسير فييها إلا نحنا (لو عاوز تمشي حته فعليك الإستعانة بصديق) !
في كل بلاد العالم هنالك سلال لوضع النفايات على الشوارع إلا نحنا (ويقولوا ليك هيئة ترقية السلوك الحضري) !
في كل بلاد العالم لا يمكنك صرف دواء من غير روشته (من الدكتور) إلا نحنا لأنو مقابلة الدكتور (حكاية) !
في كل بلاد العالم عندما يستوقفك الشرطي فإنه يبتسم لك ألا نحنا فإنك تبتسم له (من الخوف طبعن) !
في كل بلاد العالم توجد بالمدن أماكن لقضاء الحاجة (مجانا) إلا نحنا فإنك لا تستطيع أن تقضيها (كان ما معاك حاجة)
في كل بلاد العالم يعتزل السياسيون في سن مبكرة إلا نحنا (كم وتمانين) ولسه عاوز فرصة ما شاء الله عليهو !
في كل بلاد العالم يتم فتح ملفات الفساد والتحقيق فيها إلا نحن (نفتح ليها حفرة) وندفنها
في كل بلاد العالم لا يسمح للوافد (بدون أوراق) العمل إلا نحنا .. شغالات .. سواقين ركشات .. عمال كافتيريات والمسؤولين عاملين نايمين !
في كل بلاد العالم يستخدم أفراد شركات الأمن لحراسة الشركات والمؤسسات إلا نحنا إذ تجدهم شغالين في الإستقبال (مع إنو ده ما شغلهم ولا مؤهلين ليهو)
في كل بلاد العالم تعمل السفارات على حل مشاكل مواطنيها إلا نحنا فسفاراتنا تعمل على (شربكتها) !
في كل بلاد العالم يستغرق إنشاء جامعة عشرة سنوات إلا نحنا (ممكن نعمل عشرة جامعات في سنة واااحدة)
في كل بلاد العالم لا يمارس عملية التطبيب إلا من حصل على إجازة علمية وتم تسجيله من الجهات المسؤوله إلا نحنا (ناس الأعشاب والشنو ما بعرف فاتحين ليهم عيادات عديل كده) وكمان بيعلنوا في الصحف والقنوات !
في كل بلاد العالم يعتبر أغتصاب القاصرين جريمة توقع عليها أقسى العقوبات إلا نحنا .. شهر شهرين سجن وكم سوط كده !
في كل بلاد العالم لن تجد في الصحف إعلانات لمرضي يطلبون من ذوى القلوب الرحيمة التبرع لعلاجهم إلا نحنا (العندنا ديوان زكاة) !
في كل بلاد العالم توجد بين الأحياء مساحات يمارس فيها الأطفال والشباب الرياضة والالعاب إلا نحنا (عملوها كووولها عمارات) عشان كده مش ح نتحصل على مداليات ولو من صفيح !
في كل بلاد العالم توجد بالأسواق أماكن لإيقاف العربات إلا نحنا (لأنو المحلية قاعدة تأجرها لبتاعين الطبالي وكده)

كسرة : في كل بلاد العالم يمكنك معرفة مخصصات المسؤولين بسهولة إلا نحنا ما تعرفها إلا لمن المسؤول (يتسرق) !

كسرة ثابتة (قديمة) : أخبار ملف خط هيثرو العند النائب العام شنو(وووو وووو وووو وووو)+(و)+(و)

كسرة ثابتة (جديدة) : أخبار تنفيذ توجيهات السيد الرئيس بخصوص ملف خط هيثرو شنو(و)+(و)؟

[/JUSTIFY] الفاتح جبرا
ساخر سبيل
[email]gabra-media@hotmail.com[/email]

تعليق واحد

  1. والله ياأستاذي بارك الله فيك ،، وكالعادة لامست كبد الحقيقة ،، لكن نقول أسمعت لوناديت حياً ولكن لا حياة لمن تنادي ؛؛؛ الله يورينا نهاية الصعاليق والعفن ديل أصحاب المشروع الحضاري …

  2. اسمع يااستاذ جبرة ( لاحظ من دون لو سمحت)
    هذا ان دل يدل ان السودان بلد متفرد في كل شئ
    وفاتك
    في كل بلاد الدنيا الدستوريين لا يساوون 05ر% الا نحن 25% من الشعب يحمل حصانات دستورية
    في كل بلاد الدنيا من يختلس المال يحاكم وفي بعض البلدان ينتحر الا نحن تجده يجلس كالاسد الهصول كانما نال شهادته من هارفارد
    في كل بلاد الدنيا من يتمرد ويقتل جنديا او مواطنا فانه يحاكم كمجرم الانحن بعد مقلوضات تجده وزيرا او واليا تسير من امامه وخلفه المواكب ويخطب الخطب الوطنية دون استحياء
    نعم نحن شعب متفرد

  3. هل الشعب السوداني شعب متفرد حقا ؟ ام نحن اناس يحبون المديح ” اذا كانت الاولي اين نحن من كل العالم الان ؟ لا تقل الحكومة هي السبب هل العادات الموجودة عندنا تساعد فعلا علي التقدم ؟ ارجو ان نتمعن جيدا في هذا الامر ونترك الفخر الذي لا يجدي نعم هناك صفات حميدة يجب الحفاظ عليها لكن لا بد من وضع اسس عملية لنرتقي بهذا البلد الكبير وشكرا

  4. [SIZE=4]بمناسبة الأوراق الثبوتيه، قبل 10 سنوات تم إستخراج شهادات إعفاء من الخدمة الوطنية في المؤسسة التي كنت أعمل بها وكان عمري وقتها 55 عامآ، الشئ الذي لفت إنتباهي في البطاقة وجود عبارة سارية لمدة 5 سنوات من تاريخ الإستخراج على الجهة الخلفية من البطاقة،يعني عليً أن أقوم بتجديدها بعد 5 سنوات …. زي دا ممكن يحصل في أيًٍ مكان غير عندنا؟؟؟؟[/SIZE]

  5. يااخوان خلونا نكون موضوعييين -صاح الوضع عندنا صعب ونحن تعبانين لكن ماللدرجة دي رقم الاسعاف333 وعندهم شريط اعلاني في النيل الازرق يوضح رقمه واعتذروا لما حصل عطل ووضعوا رقم بديل وانا عن تجربة طلبت الاسعاف للوالدة الله يديها الصحة والعافية وعلي طول ردوا وجونا وكانواناس شهمين والله للحقيقة -ومواقف السيارات في لكن قليلة اما الشحدة لذوي القلوب الرحيمة في برامج عديييييل في الفضائيات وفي مختلف الدول والجرايد وشفتها عند اخوانا المصريين كتيييير اماالمساحات فعندنا خلاء فااااضي لما جايب لينا الكتاحة القبل يومين دي والركشات في الهند وباكستان ومصر وغيرها لنقل البشر
    ماتبخسنا يا استاذ جبرا رغم مساؤنا برضو عندنا محاسن كتيرة والحمدلله
    والانحنا الوحيدين في افريقيا الماهزمهم التمرد
    وبرضو معاك في خط هيثرو اخبارو شنو ؟؟؟؟؟؟؟؟؟؟؟؟؟؟