السعودية تودع 250 مليون دولار في بنك السودان المركزي

ليه يدوك 500 مليار؟ انت طالبم شيء؟ وهل تفتكر السعودية محتاجة للسودان كتير؟ كان على الجنود لا يعجز السعودية تجيب الاف الجنود من اي دولة افريقية من ارتريا أو اثيوبيا أو غيرو وتدفع ليهم وكثر ينتظرون فرصة كهذه.. لا تغتروا في الفاضي .. السودان هو المحتاج للسعودية، ويكفي انو المغتربين السودانيين شايلين كم مليون اسرة من خير وفضل السعودية… السودان بلد مفلس فكريا واخلاقيا ومفلس ماديا ومعدم وفشلت كل الحكومات منذ الاستقلال في ادارة الموارد والإقتصاد والتنوع، فقط تنجح الحكومات فى الاقصاء والاستئثار وتلقى بالبقية في الزبالة، وهكذا تصنع لنفسها معارضة شرسة ثم تمرد مسلح وحروب وقتل .. والضحية هو الشعب السوداني.. ومن الان الحرية والتغيير ستفشل فشل زريع وسيسؤ الواقع الاقتصادي اكثر مما هو سيئ، وستسقط لانها خلقت اعداءها حتى قبل استلام السلطة واستعدت الجيش والشرطة والأمن والدعم السريع، اي باختصار كشرت عن وجهها الشمولي الاقصائي الدكتاتوري منء الان.. ونفس السيناريو الذي يحدث لرموز النظام البائد الان سيحدث عليهم لكن بدرجة أسوأ ..

يا تسقط بس:
اولا لا بد انو تعرف اوزان الدول من حيث التأثير في الساحة العربية والاقليمية والدولية.. مافي أتنين بتغالطوا في انو مصر اهم للسعودية من السودان من حيث الثقل، انا لا اتحدث عن علاقة الشعوب هنا لانو الشعب السعودي بحب وبحترم الشعب السوداني اكثر من المصريين..لكن السياسة لعب مصالح واوزان وميزان قوى…
انت اسي فرحان وباعتبارك مغفل نافع حاليا، لا اقصد اهانة، لكن سترى بأم عينك ان الحرية والتغيير بعد استلامها لمقاليد الحكم حترسل المزيد من الجنود لخدمة السعودية، وكل الشعارات التي ترفعها الان (حرية سلآم وعدالة) ستدوس عليها وهي فعلت ذلك عمليا الان باقصاءها الجميع، وتنمرهم على بقية مكونات الشعب السوداني.. وتأكد يا استاذ انو بهذه الطريقة ومع سؤ الاداء في الاقتصاد والسياسة ستسقط حكومتهم سقطة لم يحدث مثلها في البلاد ولن يجدوا نصير لهم..والأيام وابشواهد ستنبئك ان كان هذا هو مسارهم والذى يقوم على الابتزاز .. خليك انت مع تسقط بس وصابنها، ودي كلها حتتلاشى بعد ايام أو اسابيع بعد استلامهم مقاليد الحكم .. وسيصحو السودان على واقع أسوأ بكثير من العهد البائد، خصوصا انو مافي انتاج والشعب السوداني للاسف شعب غير منتج ولا يعمل والكل داير يبقى مدير ويركب اخر موديل، ولعلمك للان السودان شغال بالاعانات السعودية والخليجية ..