مقالات متنوعة
دردشة
دارت يوم في شات الفيس
الطرف الأول حامد موسى
والطرف الآخر كانت ميز
دي إيرلندية بتعرف عربي
بتهوى المسرح وشاطئ النيس
عمرها ستة وخمسين عاما
ولسع كايسة وعايزة عريس
ما هاميها يكون سوداني
يكون تنزاني
يكون إبليس
وزي ما قالت انها فاهمة
وما متحيزة ضد أي race
سألت كيف الlove في بلدكم؟
سمعت بإنو جميل دسيس
ترقصو ديسكو طوال الليل
وتشربو ويسكي و…
دقيقة دقيقة يا مس ميس
قصدك خرطوم ولا أديس ؟
عندنا ترقص بعد حداشر
تمشي نظام العام الميز
وتشرب ويسكي حتاخد جلدة
وعندنا بدل الويسكي (مريس)
this كرتوم كابيتال سودان
عندنا حب known as جكيس
قالت واوو خرطوم النيل
إت مست بي رائع amaze
قلت اكضب حبة شوية
على الخواجة الداقسة دقيس
قلت النيل ده في شارع بيتنا
وجنبو بنزع خوخ وكريز
وعندنا قصص الحب الخالدة
عندنا ليلى وعندنا قيس
وعندنا عنتر وعندنا عبلة
وعندنا يحى وبرضو لميس
ونور ومهند عندنا طلبة
بيقرو في مأمون data base
قالت لي كضاب ومنافق
كلامك كلو سخيف وخسيس
انتو بلدكم كلو تخلف
ومافي ديموقراسي من البيز
مثلا انت مجالك طبي
وفي السودان مذلول ورخيص
ايوا وحاتك يا استاذة
وحتى كمان ماي نيم فحيص
قالت مثلا انت مواطن
تقدر تمشي وتشكي رئيس
يا نهار اسود يا مس
اوعك اوعك والتسييس
كلامك إن سودان امبسيبول
ويعمل اكبر بوليس كيس
وناس المن يجوك بالليل
وبالزردية كمان قريص
وحاجات تانية كمان خليها
كلها تعمل للزول ديث
أقول ليك حاجة
أنا متخارج يا مس ميز
حامد موسى بشير 2011
لما كان شاعر
الكاتب : د/ حامد موسى بشير
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة