حملات تفتيش بالخرطوم تكشف عن مزارع ومسالخ للخنازير
لم يستبعد مدير الادارة العامة للثروة الحيوانية بوزارة الزراعة والثروة الحيوانية والرى بولاية الخرطوم د.محمد زين بابكر انتقال وباء انفلونزا الخنازير إلى السودان قادماً من المكسيك وامريكا وقال زين أمس ان انتشار مزارع الخنازير بالولاية قد يؤدى الى ظهور المرض، موضحا ان فيروس انفلونزا الخنازير من نفس سلالة الانفلونزا العادية التى تصيب الملايين من البشر سنويا الا ان فصيلته مختلفة فهى لاتصيب الا الخنازير او الاشخاص الذين لهم ارتباط مباشر معها ،واكد زين ان وزارته بعد ان تلقت بلاغات عدة من مواطنين يشكون من وجود مزارع ومسالخ الخنازير داخل الاحياء السكنية ، قامت بحملات تفتيشية كشفت عن وجود مزارع ومسالخ مخالفة لقانون صحة الحيوان وقانون الانتاج الحيوانى وقانون اللحوم بام بدة والجريف غرب والشقلة بالحاج يوسف وجبل الاولياء، يمتلكها رجال أعمال واثرياء يقومون بتربيتها ويصرفون على تغذيتها وعلاجها اموالا طائلة، ويقومون بتوزيع لحومها على بعض العائلات المقتدرة ماليا، كما يبيعون لحومها الى بعض الفنادق الفخمة.
محمد شريف – صحيفة الصحافة
:lool: 😡 الحكاية شنو … لاو مرة نعلم بأن هناك من يربون الخنازير فى السودان وخاصة فى الشمال … وهؤلاء رجال الاعمال والاثرياء يجب ايقافهم عند حد معين … فالسودان بلد اسلامى فكيف سمحت الوزارة المعنية بذلك …. وما هى الحلول قبل ان يقع الخطر
لماذ لا يتم تطوير حرس الصيد بالكادر البشري المتخصص من الكوادر البيطرية وخريجي الانتاج الحيواني ليصبح حرس الصيد الجهة المسؤولة عن جميع الحيوانات البرية و الطيور ولديها مسؤولية التصديق بتربية الحيوانات المنزلية وحيوانات المزارع وتكليفها بمراقبة تنفيذ كل الخطط الصحية بدلا من تعدد الجهات وهذا التعدد يعطي الفرص للتجاوزات الاجرائية كما يمكن منح حرس الصيد سلطة الضبط الجنائي لتنظيم عمليات تربية الحيوان ونقله
على السلطات حسم هذا الامر بحزم وقوة وفرض عقوبات رادعة وقاسية
يا أخوانا ما في بلوى في العالم ما عندكم منها نسخة 😎 😎 أنا قلت الحمد لله (انفلونزا الخنازير ) بعيدة مننا أتاريكم تضبحوا وتأكلوا وكمان قال الفنادق الفخمة والاسر المقتدرة 😡 😡 😡 وبعدين إنت بتاع ثروة حيوانية واللا مباحث تفتش في المسالخ وتشوفها حقت منو ووبيصرفوا اللحم وين:mad: 😡 😡
كوادر إيه وتصاديق إيه وحلول إيه ؟!؟!؟!؟!؟؟!
لقد حرم الله أكل لحم الخنزير وهو من أبغض الحيوانات ….
إذا كان كده .. أسمحوا بتجارة وتعاطي الخمور … ما هي ما فارقة ولا بقت على المريسة والعرقي بس ؟
لعنة الله علي اولئك الاثرياء والفنادق الفخمة البلاوي تاتينا من الناس ديل اتققققققققققققققققققققققققققققققققققققققو الله يا جيف
طبعآ يادكتور بس انا عندى سؤال:
مانستبعد ولا لمن الفاس تقع فى الراس نقول والله ناس الصحة قالوا لينا لكن ماعملنا حسابنا؟
ياخوانا فى الحكومة ممكن يكون جزء من الشعب غشيم لكن ماممكن الكل يكون كدا
اساسا نحنا من ناحية بتاعة صحة الواحد لو دخل المستشفى عندو نزلة برد احتمال ما يجى طالع عارف ليه يادكتور؟
لانو اولآ ماعندك كادر مؤهل بيعرف يتعامل ويشخص الحالة
لانو مافى رقابة
لانو مافى قروش
لانو مافى نفس لى شغل
والزول كان مات يعنى شنو؟ ماهو يومو تمة
ماتشيل هم يادكتور لو فى زول جاتو انفلونزا الخنازير مابيتعبكم معاو لانو اساسآ ماحيصلكم. احسن يموت فى البيت معزز مكرم بدل مايعفن على بال مايلقى شهادة وفاة من المستشفى والله عربية توصلو المقابر.
والسلام عليكم ورحمة الله
من هم هؤلاء الاثرياء ارجو الافادة عاجلا .. الاجابة للجميع فقط
سلام للجميع يا جماعه ما فى مصيبه والا موجوده فى السودان لاحوله ولا قوة الا بالله العلى العظيم . وجود مزارع ومسالخ للخنازير فى السودان دى مساله خطيره للغايه ومن هنا اوجه رساله هامه وعاجله للسيد وزير الثروه الحيوانيه لتحرك السريع والسريع للغايه لان مساله خطيره ومساله حياة او موت لشعب السودانى. يا جماعه اذا ناس ما اتحركت سريع فى السودان السودان موعود بكارثه حقيقه لمرض اسمه انفلونزا الحنازير مرض قاتل وسريع الانتشار . فى حاله تاخر السلطات لمكافحه هذه المزارع يجب على كل المواطنييتن اتحرك بنفسهم لحرقه هذه المزارع التى تحمل فى طياته مرض قاتل اسمه انفونزا الخنازير .يا جماعه المستشفيات الموجوده فى جميع انحاء السودان مستشفيات فى فقيره فى كل شئ من كوادر طبيه ومعدات واجهزه والى الخ . اذا ما قدرالله وانتشر هذا المرض ناس كتيره وكتيره جدا جدا حتموت وربنا يستر . ادعو الله العزير القدير ان يحفظ بلادنا واهلنا من شرور الامراض والمصائب انك على كل شئ قدير . قالوا امين امين امين . الامبراطور سودانى اصلى وسودانى حر وسودانى متعصب للغايه للسودان الحبيب
وأنا اقول ليه المصائب جاية علي السودان زي المطر
اوكامبو بجاي ، وعبدالواحد بجاي ، والجنوب بجاي ، واسرائيل تضرب الشرق بجاي ، والترابي بجاي ،
ما عشان جنس البتسوي فيه الحكومة دي
دا كلام شنو هسة خنازير شنو ومسالخ شنو كمان كلو عرفناه بقينا في لحم الخنازير
الله يستر
نرجو من الحكومة انها تتقي الله في الشعب المغلوب علي امره دا خلاص فاض بيه الكيل
عشان كدة الله سبحانه وتعالي بعذبكم بعمايلكم
ورسالة الي البشير والله لو ما مشيت عدل وشلت العفن الخنازير دي من السودان الا الله يخسف بيك الارض
هذا العمل يقع على مسؤولية الحكومة المركزية ولذلك نناشد المسؤولين التعامل بكل حزم و شدة وعدم التساهل مهما كان الذين من وراء مثل هذه الظواهر السالبة والغريبة في المجتمع السوداني هل من عدم وجود اللحوم الحلال والشرعي والذي حلله الله سبحانة وتعالى لكل البشر والقصد من تحريمه لانه يحمل جراثيم واوبئة مضرة لبنى ادم ولذلك نحن ندعو الحكومة والقائمين على امن المواطنيين بالنظر حيال وتقديم الجناة لعدالة القانون الانساني .
هؤلاء الاثرياء لمن يريد أن يعرف هم الجالية النصرانية القبطية و هم من يملكون تلك المزارع و يوزعون تلك اللحوم…
تمام صورة مقلوبة الكلام واضح الراجل قال وصلتهم بلاغات واتضح اصحاب المزارع من الاثرياء فى الكلام ده كلو الجاب سيرت الحكومة منو ولاانت من ايهاهم
كيف وزارة الثروة الحيوانية تكون عالمة بوجود مزارع للخنازير وكمان تذبح وتباع وتوزع على البيوتات والفنادق الفخمة انحن فى السودان قلعة من قلاع الاسلام ام نحن فى قلاع الكفار حتى يكون ذلك فى بلادنا يا ناس دة حرمو رب العالمين علينا كمسلمين بنص قطعى فى القرأن قال تعالى ( حرمت عليكم الميتتة والدم ولحم الخنزير ) الى آخر الآية انفعل فى الحرام الذى يغب المولى الكريم عنا ونريد وندعو ان ينصلح الحال من كان غير المسلمين ويريد هذا اللحم النجس ليذهب خارج بلادنا ليأكله هناك عند اهله ويقولوا فى افخم الفنادق وانا اقول لايجب ان يقدم فى اغذر الاندايات التى تبيع الخمور البلدية وهى كذلك محرمة يا ناس اتقوا الله يجعل لكم مخرجا يعنى لولا ظهور انفلونزا الخنازير فى المكسيك لما تحركتم ولما نشرتم نسأل الله لكم الهداية
إن كانت المزارع والمسالخ دي بتدفع ضرائب وزكاة تكون مصيبة وإن لم تكن تدفع فإنها أكبر مصيبة .لا حول ولا قوة إلا بالله.
لا حول ولا قوة الإبالله العظيم
يا جماعه اثرياء شنو وفنادق فخم شنو….ياخي لحم الخنزير ده اتف لحم…والله في اروبا ارخص لحمه….وبعدين اديكم معلومه الخنزير ده بياكل اي شئ حتي فضلاتو(خراه)…..والله ما في احلي واجمل وانضف من لحم الخروف السوداني…اوصيكم عليه شديد….وبعدين في ناس عنده عقدة الخواجه…عشان الخواجه اكله فهو لازم ياكل…..ياخي بلا ياخدكم انتو وخنازيركم….هي البلد ناقصه.
في انتظار قرار سريع وجرئ من الجهات المسئولة لحسم الموضوع دة
يا سيادة الوزير والله العظيم الواحد ما قادر يفهم بتفكروا كيف؟؟؟؟ يا سيدي ما في وزير في العالم بيقول زي كلامك دا لأنه سيؤثر على تصدير الثروة الحيوانية للخارج ويزيد من بلاوي البلاد ،،،، يا سيدي الناس في البلاد الأخرى بيتكتموا على مثل هذه الأخبار ويحاولوا معالجتها بالكتمان ،،،،، والله حرام عليك حرااااااااااااااااااااام يا سيدي لما تظهر حالة بعدين قول كلامك دا يمكن ربنا يأخد بيد البلد المنكوبة دي ولا تجي أنفلونزا خنازير ولا حمير ،،،،، أرحمونا من مثل هذه التصريحات التي تخرج من أفواهكم دون مرورها على عقولكم ،،،، نحن لسه عايشين كلام الدكتور مصطفى عن الشحادة قبل الثورة تجي إنت يا سيادة الوزير تعلن عن كارثة قبل ما تتأكد من وصولها للبلاد (ربنا يحمي البلاد من كل شر) وشر البلية ما يحزن لأنه لا مجال للضحك مع البلية البتتمناها (أقصد التي لا تستبعدها) باين عليك إنت من الجماعة القالت عليهم مساعدة أوكامبو بتعمل معاهم داخل الجهاز التنفيذي للحكومة.
{حُرِّمَتْ عَلَيْكُمُ الْمَيْتَةُ وَالدَّمُ وَلَحْمُ الْخِنزِيرِ لحم الخنزيرررررررر حررررررررررام
ياحكومة السودان وهذا الفاريرس هم جند من جنود الله أحذروا أيها الناس
المرض قادم أحرقووووا اي مزارع للخنازير ابيدوووا اي مزارع للخنازي
أتلفوووووا اي مزارع للخنازير هذا من عمل الشيطان فأحذروه
مطلوووووووووووب من الحكومه التحرك بسرعه حتي تنقذ الموقف والخطر قادم
ياوزير الثروه الحيوانيه احذروا أنفلونزا الخنازيرررررررررررررر الخرطوم والولايات
حسبنا الله ونعم الوكيل
كييف الحاجات دى تحصل فى بلد مسلم وانتو غافلين عنها وما عارفنها لقاية ماالمواطنين هم اللى ابلغوكم بوجوده؟؟؟؟؟؟؟؟
وانا ما بفتكر انها غايبة عنكم لاننا كلنا عارفين ف مسالخ ومزارع بتاعة خنازير!!
المطلوب الان تحرك سريع وفورى من الحكومة لابادة هذه المزارع ومحاااااسبة ملاكها
لانها تجارة محرمة