مقالات متنوعة
منظمة حماية الاحلام
(مدينة سان فرانسيسكو الامريكية … ورئيس الشرطة و12 الف متطوع كلهم اجتمعو لتحقيق امنية طفل مصاب بالسرطان .. لان يصبح باتمان ليوم واحد .. حارب الجريمة .. وانقذ الناس .. وفي الختام .. تم تكريمة من عمدة المدينة الصحافة .. التلفزيون الرسمي … و كمان الرئيس اوباما )
…
تخيل انو الشافع دا عندنا هنا ..
على مستوى وعيو البسيط .. ورغم صغر سنو المتناهى بس اكيد طاقتو بتاعت الحلم عشان يحلم يكون اى حاجة ولمدة لحظة واحدة بتكون نفدت واتلاشت .. بسبب صفوف العلاج الكيميائى بمستشفى الذرة ..
أو ازمة المواصلات الراجيها عشان يوصل ياخد الجرعة فى مواعيدا ..
أو صفوف المرضى قدام الصيدلية مستنين يصرفو ليهم الدوا اللى فى الغالب بيكون قاطع ..
او قسوة قلوب المسئولين .. البتعاملو معاهو على انو مجرد ( رقم ملف ) ..
أنا متأكد تماماً انو بيكون حصل ليهو نضوج قبل الآوان .. وبقى يحلم بفسحة مريحة فى مقابر تريحو من الآلام النفسية البيشوفا فى عيون ابوهو العاجز ..
أو أمو الجزعة ..
واسرتو المرتبكة ..
فالسرطان مريض يصيب الاسرة كلها بالالم ..
نحنا ما بنطالب نعامل احلام اطفالنا زى امريكا ..
ولا انو المرضى يلبسو باتمان ..
نحن بس بنطالب بان حقوق احلام الاطفال تكون محفوظة ..
انشاء الله بى وعود تسويف ..
عايزين مواد حافظة نحفظ بيها احلامهم من التعفن الداخلى والتلف ..
الطفولة مستقبل وطن ومصير امة ..
والطفولة مجموعة أحلام ..
الطفل السودانى :
من حقو يحلم بغد افضل ..
بى وطن أخضر زاهى ..
مفروض الدولة تعمل وزارة رعاية الاحلام ..
او على اقل تقدير الناس تعمل منظمات حماية احلام الطفولة .. زى بتاعت الايتام .. والمرضى .. لانو الحلم ما بيقل اهمية عن الصحة والعافية ..
فاى فكرة عظيمة كانت مجرد حلم ..
وأحلام الطفولة هى الدائمة فى دواخلنا .. ما بتغادرنا .. لانها الاصدق والانقى ..
الكاتب : محمد مصطفى
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة