بدرالدين حسن علي : الكابلي

أجريت حوارا طويلا مع عبدالكريم عبدالعزيز محمدعبدالكريم بن يوسف عبدالرحمن الكابلي ، كفاية ولا أزيدكم ، طيب خدو عندكم ” ود كابول ” ، طبعا حاليا هو في أمريكا ، وأمبارح أخدو ولدو سعد ومشوا فلاد يليفيا ، بعمل في أوبريت ضخم جدا عن شرق السودان ، وعن بورتسودان مسقط رأسه ليه لا ؟ مش غنا لجبل مرة والقضارف ومروي وكسلا
وغيرها !!!!!الشرق ده عجيب وغريب لله درك يا بازرعة ويا الحلنقي !!!!!

قال لي :
حبابا طوكر موطن الأشراف
أحبابنا المجاذيب زينة الأوصاف
بالراي الكريم هم للكرب كشاف
وفي الدامر هناك ليهم عقاب وأكتاف
وشي محاضرات وحاجات كتيرة ” رسالة الفن ” والكابلي أحسن سفير للفن وبانتظار كتابو باللغة الإنكليزية ” AFRICAN ARTIST ………. ”
وقال لي سلم على شريف المليك في تورنتو ” خاتي عندو حاجات كتيرة ، وشريف المليك نحن بنعتبروا ال GODFATHER مش عشان أي شي غير أخلاقو وحبو للناس
وما تنسوا في الطريق حوار مع سميه حسن أو بمعنى آخر سميه حسن علي قرشي ” بت الحصاحيصا الجابت حمدنالله عبد القادر أبو المسرح السوداني الحديث وعفيف إسماعيل أبو الشعر السوداني الحديث ، سميه حسن أروع صوت نسائي سمعتو مؤخرا ، قالت لي طبعا حأرجع السودان في مايو