مبارك البلال : زيدان ابراهيم وست الطعمية !
بعيداً عن المواضيع الساخنة وغدا اول ايام شهر رمضان العظيم .. نقف مع هذه الطرفة التي ارسلها لي الصديق شهاب خشم الموس للمبدع العملاق الراحل الصديق الوفي زيدان ابراهيم الذي اشتهر بكل نواحي الابداع ولكنه كان صاحب طرفة مثله والعملاق الراحل ابو داوود .. وكان اخر طلب للعندليب الراحل بمكاتب الدار قبل وفاته باشهر قليلة تناوله وجبة فول بزيت السمسم .. انه فنان الشعب الحقيقي .. واليكم الطرفة:
{ ( قالوا الفنان الراحل زيدان ابراهيم كان يحب الطعمية .. مشي لست الطعمية وقال ليها يا حاجة طعميتي وينا.. قالت ليهو جا الامين عبد الغفار شالها كلها.. قال ليها لكن الامين ده يشيل الريد ويشيل ودو ويشيل نسمات عبير وردو ويشيل الطعمية كمان برضو.
{ الحاجة قالت ليه: لكن انت يا زيزي ما شلت الجراح والابتسامة وكل حرمان اليتامي.
زيدان قال ليها: يا ولية انت ست طعمية ولا الحلنقي!!.
حاجة اخيرة:
{ لك الرحمة والمغفرة والعتق من النار المبدع زيدان ابراهيم .
حاجة خارج النص
{ مندوب ابرز زعماء قبيلة البطاحين الصديق العزيز عصام الشيخ يماطل في تسليم مسابقة كرتونة رمضان لاكثر من شهر كامل وفي كل مرة يوعد ولا يفي.. ونقول له جاء رمضان الكريم وخلّي جائزتك معاك.. ونعتذر للفائزين في المسابقة ونشكر عمدة البطاحين الشاب عبد المنعم المهدي الذي اسعدت كراتينه الرمضانية الفائزين.
