(تحبك الشكلوتة) !!!

وقف امام والدته والعرق يتصبب على وجهه…سألته بجزع: (سجمي ياحامد…مالك).؟..اجابها بتوجس: (داير اعرس)..!..صمتت والدته للحظات قبل ان تجيبه بلهجة حملت قدراً من التهكم: (اها…وداير تعرس منو).؟..هنا فرك حامد رأسه يديه قبل ان يجيبها: (بتول)…هنا انتفضت والدته بغضب قبل ان تصيح: (بتول بت زينب…داير تعرس بت زينب شيالة الحيال…الليلة ووووووب…خبر الشؤم وخبر الروم)…هنا اجابها حامد بسرعة: (لكن يمة انا بحبها)…في تلك اللحظة حملت والدته جردل العواسة واشاحت بوجهها عنه قبل ان تغادر المكان وهي تجيبه بسخرية: (تحبك الشكلوتة).!!!
ملحوظة:
طبعاً القصة دي كلها انا تعبان في السيناريو بتاعها عشان اعرف حاجة واحدة بس…(الشكلوتة) دي شنو..؟