ناس الاهلي كورتكم زي (الشاي) وقت يجيبوا معاه (بسكويت)

من رأسي :

عندنا زول وقع من الطابق العاشر ..ادشدش دشدشة شديدة خلاص..اضنينو

الاتنين طلعن مع (الكفر).

شلناه وجرى على الدكتور.

الدكتور قال لينا دي (ملاريا).

قلنا للدكتور اول مرة نشوف لينا ملاريا بتعمل ليها كسر في (الترقوة).
من كراسي :

ﻳﻮﻡ ﺃﺣﺒﺒﺘﻚ ، ﺗﻤﻨﻴﺖ ﻟﻮ ﺃﻧﻲ ﻣﺖُّ ﻗﺒﻞ ﺃﻥ ﻧﻠﺘﻘﻲ ﺧﺸﻴﺔ ﺃﻥ ﻧﻔﺘﺮﻕ .

ﻭﺣﻴﻦ ﺍﻓﺘﺮﻗﻨﺎ ، ﺃﺩﺭﻛﺖ ﺃﻥ ﻓﻲ ﺇﻣﻜﺎﻥ ﺍﻟﻤﺮﺀ ﺃﻥ ﻳﻤﻮﺕ ﺃﻛﺜﺮ ﻣﻦ ﻣﺮﺓ .

ﻋﻨﺪﻫﺎ ، ﻣﺎ ﻋُﺪﺕ ﺃﺧﺎﻑ ﺍﻟﻤﻮﺕ ، ﺻﺎﺭ ﺍﻟﺤﺐّ ﺧﻮﻓﻲ .

ﺛﻢ ﻗﺮﺃﺕ ﻗﻮﻝ ﺃﻭﻓﻴﺪ ﻗﺒﻞ ﻋﺼﻮﺭ : (ﺍﻟﺮﺟﺎﻝ ﺗﻘﺘﻠﻬﻢ ﺍﻟﻜﺮﺍﻫﻴﺔ ، ﻭﺍﻟﻨﺴﺎﺀ ﻳﻘﺘﻠﻬﻦ ﺍﻟﺤﺐّ) ، ﻓﻘﺮﺭﺕ ﺃﻥ ﺃﻛﺮﻫﻚ ، ﻋﺴﺎﻙ ﺗﺠﺮّﺏ ﺍﻟﻤﻮﺕ ﻣﺮﺓ ﻭﺍﺣﺪﺓ !.

احلام مستغانمي

• امس مباراة المريخ والاهلي الخرطوم كنت مفتكرها مباراة في (تأهيلي) الممتاز.

• قلت يمكن ناس النيلين ديل ..ناس الاهلي عصروا عليهم ..قاموا نقلوا مباراة النهضة ربك والشرطة القضارف.

• مباراة ما فيها نقطة عرق واحدة.

• اصلو دي ما كورة اندية بتلعب في الممتاز.

• كورتكم دي زي (ظلال الاصيل)

• او زي (مساء جديد).

• مباراة في منتهى الرومانسية.

• المباراة كلها …ناس الاهلي شغالين بطلعوا في الكورة برة الملعب عشان

لاعب المريخ يتعالج.

• تقول قاعدين ليهم في صالون.

• لو وقع لاعب من مريخ الفاشر ..ناس الاهلي بقوموا يطلعوا الكورة برة الملعب.

• ظرافة مبالغ فيها.

• رشاقة عجيبة.

• انتوا الاخلاق العالية دي ..ما بتتطبقوها إلّا مع ناس المريخ.

• و

• (ونحن عايشين والحمدلله (النفس) بينزل ويطلع إلى الآن..ولا ينقصنا

شيء سوى رؤياكم الغالية).

• الحكم جامل المريخ في الهدف الثاني عندما صرف مخالفة صريحة مع مدافع

الاهلي الخرطوم …

• الحكم مفتكر الموضوع بيستاهل.

• ناس الاهلي الخرطوم ديل مع المريخ ما عاوزين ليهم اي مساعدة.

• ناس الاهلي براهم ما قاعدين يقصروا مع المريخ.

• بقوموا بالواجب اكتر.

• بطبقوا شعار اللعب النظيف جملة وتفصيلا.

• اكرم الهادي سليم المباراة كلها واقف برة القون.

• بس هاك يا اوكرا جيب ليك قون.

• لو حارس ليك صالون حلاقة – ما بتعمل عمائلك دي.

• الاستهتار ما بنفع.

• هسع لمن يلعب الهلال مع الاهلي بتجي تعمل لينا فيها بوفون.

• حقيقة المباراة ما كان فيها اي تنافس ..زي كأنها كانت بتلعب في (الفلانتاين).

• او في اليوم العالمي للزهور.

• او العيد الوطني للدبلوماسية السودانية.

• مباراة زي شاي اللبن ..وقت يجيبوا ليك معاها بسكويت.

• ما عاوز اقول ليكم (لقيمات) – عشان في ناس بتحسسوا.

• في ناس بضايقوا.

• مباراة مع حساسيتها وموقف الاهلي المتحرج اظن فيها كرتين صفر.

• ومباريات الهلال الحكم بيطلع فيها (15) كرت.

• الدم للركب.

• انتوا في شنو؟.

• ناس الاهلي الخرطوم مفروض يفصلوا بين علاقاتهم وكورتهم.

• عاوزين يعملوا ليهم علاقات ..يعملوها بعيد عن الكورة.

• الاهلي لو لعب بهذه الروح ..ممكن عادي ينزل من الممتاز.

• امس النيل شندي غلب الخرطوم الوطني.

• النيل غلب الهلال وغلب الخرطوم الوطني ووقت لعب مع الهلال تقول لاعب في غزة.

• ما بتفاهموا.

• زي ناس الاهلي شندي ..وقت يلعبوا امام الهلال بظهروا في شكل (نمور).

• مع المريخ بيلعبوا بي شعار (واصبحنا رغم البين روح واحدة بين جسدين)

• هذه الروح التى تلعب بها الاندية امام الهلال – هي من دون شك تفيد الهلال.

• هي المطلوبة.

• لكن على ان يكون ذلك في الاطار الصحيح …واللعب الشريف.

• و

• (ونحن عايشين والحمدلله (النفس) بينزل ويطلع إلى الآن..ولا ينقصنا

شيء سوى رؤياكم الغالية).

• التنافس غاب في مباراة الامس … انتهى منذ ان لعب الاهلي في ملعب المريخ.

• هذا الامر يؤكد انو ما في اي مشكلة.

• الحالة واحدة.

• دا شكل من اشكال (التواصل).

• والتراحم في الملعب.

• فريق الاهلي الخرطوم بيمتلك خامة جيدة من اللاعبين.

• عندو لاعبين في المريخ ما موجودين.

• مع ذلك ظهر الاهلي الخرطوم بهذه الصورة (الوديعة) امام المريخ.

• ونفس الفريق سوف يظهر بشكل تاني امام الهلال.

• انتظروا وشوفوا.

• واحسبوا فقط عدد الكروت.

• منذ الآن بقول ليكم مباراة الهلال والاهلي القادمة ح يكون فيها على

الاقل تسعة كروت ملونة.

• ضرب.

• وعك.

• وتطفيش.

• وما في لاعب من الاهلي ح يطلع ليه كورة وقت يسقط لاعب من الهلال مصابا.

• الهلال عليه ان يضع ذلك في الحسبان.

• خليكم عارفين.

• فتحوا عيونكم.

• وقدروا خصومكم.

• و

• (ونحن عايشين والحمدلله (النفس) بينزل ويطلع إلى الآن..ولا ينقصنا

شيء سوى رؤياكم الغالية).

• النيل شندي امس بعد خسارته السهلة امام المريخ جاء وكسب الخرطوم الوطني.

• وفريق الخرطوم الوطني في افضل حالاته.

• انتصار النيل شندي جاء في وقت صعب ..وعلى فريق كبير ..يمكن ان يكون ذلك

الانتصار بادرة بقاء في الممتاز.

• انتصارات الاندية المتذيلة سوف تدخل اندية الوسط في دائرة الهبوط.

• ما عاوزين موضوع الهبوط يتحسم من بدري ..عشان ما نشوف (الكباري) من

الاسبوع السابع.

• انتصار النيل امس ..ادخل اكثر من 6 اندية كانت بعيدة عن شبح الهبوط في

المنطقة الحرجة.

• نتمنى ان يحقق مريخ كوستي وهلال الفاشر والامير بحري في الجولات

القادمة انتصارات.

• هذه الانتصارات ان تحققت سوف ترفع من التنافس وستزيد قوة المباريات واثارتها.

• الغالب ان المباريات القادمة التنافس فيها سوف يكون قويا.

• الاهلي شندي والخرطوم الوطني وهلال الابيض وهلال كادوقلي ومريخ نيالا

سوف تتنافس من اجل تمثيل السودان في البطولات الخارجية.

• بينما ستتنافس الاندية الاخرى للابتعاد عن شبح الهبوط.

• تمانية اندية سوف تتنافس من اجل تمثيل السودان – بينما تتنافس (10)

اندية اخرى من اجل البقاء في الممتاز.

• هذا الامر سوف يضمن لنا خلو المباريات القادمة من (الكباري).

• معروف ان الكثير من الاندية عندما يصبح لا هدف لها في الانتصار تلعب

باستهتار وتهاون.

• ويمكن ان تقصد بعض الاندية ذلك الامر لتفوت مباريات على كيفها لمن تريد

من الاندية.

• دعونا هنا ندعم الاندية المتذيلة في الاسابيع القادمة – حتى ندخل اندية

الوسط في المنطقة الخطرة.

• هذا هو السبيل الوحيد لارتفاع المنافسة.

• ولضمان اللعب الشريف.

• و

• (ونحن عايشين والحمدلله (النفس) بينزل ويطلع إلى الآن..ولا ينقصنا

شيء سوى رؤياكم الغالية).

• …………..
و

• محمد الفاتح يقود النيل شندي بالمحبة والسياسة.

• محمد الفاتح اصبح واحد من اسرة النيل.

• لذلك يمكن ان ينجح في البقاء بالنيل في الممتاز.

• التألف والمحبة التى تجمع بين محمد الفاتح ولاعبي النيل ..هي السبب في

الانتصار على الخرطوم الوطني.

• امس قبل المباراة ادي محمد الفاتح مع لاعبي النيل صلاة الجمعة في احد

مساجد مربع 17.

• شكل النيل والحميمية التى تجمع بين اللاعبين يمكن ان تقودهم للبقاء.

• الهلال هذا الاسبوع في الراحة.

• كان الهلال فعلا يحتاج للراحة.

• يحتاج لوقفة.

• في اندية الممتاز هناك بعض المواهب التى يجب ان يرصدها الهلال.

• تحرك مجلس الهلال مبكرا من اجل التسجيلات القادمة..امر يحسب للمجلس.

• الهلال مازال يحتاج للاضافات.

• هذا الموسم ..نريد ان نعرف فيه ثغرات الهلال واحتياجاته.

• لذلك لعب الاندية بقوة امام الهلال امر سيفيد الهلال.

• و

• (ونحن عايشين والحمدلله (النفس) بينزل ويطلع إلى الآن..ولا ينقصنا

شيء سوى رؤياكم الغالية)

• ………..

• السيدة (ل) – الاعتذار من غير غلط اكبر غلط.

• وقرّط على كدا.