ايلا.. “ميسي” السوداني.. مفتاح ذهبي وحلاقة على رؤوس الشباب باسمه
عجبا لما يحث في الجزيرة الآن، فقد وصل حال بعض المسؤولين والمواطنين في الولاية بأن يحتفوا ويكرموا الوالي محمد طاهر إيلا كل بضعة أيام، وأصبحت الأخبار المصاحبة للتكريم تتحدث عن ظواهر جديدة مثل طبع اسم إيلا في الجاكيتات، وكتابة عبارات التعظيم على عدد من الحافلات، والمثير المدهش ابتكار حلاقة جديدة على رؤوس الشباب تُظهر اسم إيلا على الرأس!
وبحسب تقرير نشرته الزميلة التيار أمس (الثلاثاء)، فإن جماهير مدني خرجت لاستقبال إيلا بعد عودته من إجازته السنوية التي قضاها في القاهرة – (لاحظوا لإجازة دي) – وحشد المنظمون الجماهير لما سموه بمسيرة النصرة والتأييد بعد أن برزت بعض الأصوات في المجلس التشريعي تنتقد طريقته!
كنت ممن أشاد بإيلا حينما كان واليا على بورتسودان، وأبديت إعجابا بطريقة إدارته للولاية رغم تحفظات أبديناها على تركيز اهتمامه بالمركز وتهميشه لبعض المدن والقرى، وكنا نجد عذراً لهذا التهميش باعتبار “أن العافية درجات”، ولكن يبدو أن الحال يختلف كثيرا في الجزيرة التي باتت صباح مساء تحتفل بإيلا وتكرمه، وكأنها “مخلوعة” مما قدمه الرجل خلال سنتين!
إنسان الجزيرة الذي عاني كثيراً لتوفير لقمة العيش وتحمل عدم توفر الخدمات الأساسية في ولايته، ليس بكثيرٍ عليه أن يأتيه مثل إيلا أو من هو أفضل منه.
صحيح أن تكريمهم لوالٍ ليس من منطقتهم يعكس أصالة نفوسهم وتقديرهم للأشياء على بساطتها، لكن “لما الريد يفوت حد، أكيد حيتقلب ضدو”!
إيلا الذي نكن له كل التقدير والاحترام، بإمكانه أن يوقف هذا العبث من احتشادات حتى لا يصاب بـ”تضخيم الذات”، وحتى تعلو إنجازاته ومشاريعه فوق تكريمه واحتشادته.
لا يعقل أن لا يمر أسبوع واحد دون أن يصلنا خبر من الجزيرة يكشف عن نية جهة ما تكريم إيلا بحجة أنه أقام الخدمات وأغلق منافذ الفساد، وهو ما يعكس بصورة أو أخرى أن الفساد بات مستشرياً في ربوع البلاد وأن إيقاف المفسدين بإمكانه أن يحول السودان إلى جنة!
اليوم (الأربعاء) سيُكرم إيلا باستاد ود مدني كما قال رئيس الهيئة البرلمانية لنواب الجزيرة بالمجلس الوطني عبد الله بابكر للأسباب المذكورة أعلاه، مضيفاً أنه سيُمنح “مجسماً” لمحلية مدني الكبرى، ومفتاح مطلي من الذهب!
“معقولة بس” مفتاح ذهبي وحلاقة على رؤوس الشباب باسمه.. ظواهر جديدة تصيب المهووسين بلاعبي كرة القدم.
نرجو أن يكون هذا التكريم هو آخر التكريمات، حتى يستمر إيلا في عمله، وحتى ينال إنسان الجزيرة أكثر من ذلك، وحتى تصل أصوات الهامش التي لم تنل حظاً بعد من اهتمام إيلا وحكومته!
بقلم
لينا يعقوب
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
الاستاذة لينا
كما ذكرت انك تعرفي ايلا جيدا فهو رجل يعشق النجاح يعني مدمن نجاح
ولا يهمه ان يكرم ام لا ومواطني الجزيرة لو لم يكن ايلا يستحق فلن يلتفت اليه احد
والتكريم يعني الاستمرار في الانجاز ليس الا ومن لا يشكر الناس فهو جاحد
وكل ولايات السودان حاليا تتمنى يلا
كما اتمنى ان تختزلي كتاباتك من الجهوية فهي ليست محمودة واينما ذهب يلا فهذه بلده
وانت اعلامية ويفترض ان تكوني ملمة بهذه الامراض واظنك كذلك كويس انك ما دخلتي فيها القبيلة
ربكم يستر ماتكون دي اخت سهير بالام ؟؟!!
يابنت الناس مالك علي الراجل مايمرموه لو مابستاهل التكريم ماكرموه والله سبحان الله يابنت يعقوب كرموه من بيت ابوك وماناس متعودين يكرموا ضيفهم انت مالك مانعاهم ؟؟!!
والله دي قلة الشغلة بالله حسني مقالات واصلحي وافيدي بيها وطنك .. الناس في شنو وانت في شنو ؟؟؟!!!
اول قبل كل شيء لمي شعرك وهندمي نفسك واختاري المواضيع المجدية المفيدة لوطنك ..
نمر الجزيرة والله ضحكتني اضحك الله سنك .
فليحفظ الله ايلاء ويمتعه بالصحه والعافيه..محاسن انتي فاضية شغله خلي والينا في حالوا ..محاسن ماتدخلي بين البصله وقشرته
ايلا. راجل ناجح ….لابد من وجود أعداء لهذا النجاح. بالاخص نساء كاتبات من بني علمان وبني ماركس.ديل اشد حقد .لايروا غير نصف الكوب
لا لا النجاح يجب أن لا يسحر إلا نفسه
عليه إيقاف هذا الصرف والإتجاه لتجويد الأداء وماواجهة مشاكل الناس
أنا شايفه أنه هو يشجع على تكريمه مفروض إقول خلاص ياشباب كفاية أنا مقدر شعوركم
وده شغلنا وبنأديه بكل تفاني ولكم معزة وكلام من النوع دا
يستأل ايلا التكريم زعلانين ليه شعب السودان حر
لينا ولا اثنين لينا بالله عليك دا موضوع ليك ياخي ما تشوفي لي موضوع اخر ولا البورة خلتك ما عارفه تعملي شنو بعدين انسان الجزيزة دا انسان مثقف ما محتاج انو تحركيهو انتي ويعرف جيدا متي يكرم النبلا ومتي يعارض ويناضل الاعداء الشي الثاني من ينكر ما قدمه ايلا لانسان الجزيرة في السنتين ديل من انجازات دا انسان مريض او حقو يمشي من بدري يشوف ليهو علاج مدني عن بكره ابيها تغيرت واصبحت حله باهيه ولا انتي بعد نكيش الشعر جبتي ليك حوصه او حولت عيون . الحصحيصا كلها تغيرت – المناقل كلها تغيرت – اربعه وعشرين القرشي كلها تغيرت – ود النعيم وبيكه والكمر وشلعوها الجعلين كلها تغيرت واصبح المواطن فيها الان يركب من امام منزلو او تقولي انشاء الله يكون اخر تكريم انشاء الله التكريمان تستمر كل سانيه حتي ولو افتحح ايلا سبيل تحت شجره من الاشجار طالما اراد بها خدمه الناس وانشاء الله دا يكون اخر ليك مقال بركه من صلي او قال يالله تكتبيهو عن الجزيرة وطريقه الحكم فيها . نجنا عاجبنا او بنديهو مجسمات او مفاتيخ او بنحلق ايلا او بناكل ايلا او بنلبس ايلا وكان في ريحه ما لقينا ليها اسم بنسميها ايلا شن دخلك انتي والله شر البليه ما يبكي والفاضي قالو يعمل قاضي انا بنصحك شوفي ليك عريس او كوني ليك اسره بدل ما تقعدي تساكي في الرجال والله احسن ليك . وابشرك ايلا عامل زواج جماعي سجلي والله احسن ليك او برضو فيهو احتفالات ضحمه كمان …….. بلاء وانجلي وانما يوفي الصابرون اجرهم بغير حساب صبرنا وربنا رسل لينا ايلا والماعندو ايلا ياكل بليله ههههه………؟
حسن ده مذكر و لا مونث
حسن ده لينا يعقوب و لا حسن بيعلق ساي زينا كده
و لكي الشكر و كلام من النوع ده
يا اداره النيلين ما مفروض تحذفو تعليق نمر الجزيره …. اعطو كل معلق فرصته و لو تعليقو غلط ممكن بطريقه اخري غير الحذف توصلو ليهو المعلومه دي