قدمت الشاعرة السودانية الشابة إيمان متوكل إعتذارها للمتشردين وسكان الشوارع ببلادها عن الكلمات الجارحة التي خطها قلم الشاعرة والصحفية المعروفة داليا الياس حسبما ذكرت إيمان في تدوينة لها على حسابها عبر موقع التواصل الاجتماعي فيسبوك.
وكتبت شاعرة برنامج “ريحة البن” وفقاً لما قرأ منها محرر موقع النيلين:
“بدل أن تلعن داليا إعتذر لسُكان الشوارع .
أنا المواطن السوداني : إيمان متوكل حسن
بإسم الإنسانية والأخلاق السمحه والنُبل السوداني ، أعتذر لجميع اخواتي واخواني المشرديين سكان المجاري والخيران عن ما بدر من كلمات جارحه خطها قلم المدعوة داليا الياس اعتذر منكم عن ذلك و اتعهد ان اساهم ما استطعت في دعمكم وتحسين اوضاعكم ومساندتكم بالمطالبه بحقوقكم علماً بأنني لا املك سُلطة ولا مالاً ولكني املكُ قلباً يحمل لكم كل المحبه والتقدير “.
وكانت الصحفية والشاعرة داليا قد كتبت تدوينة الأسبوع الماضي على حسابها عبر فيسبوك قالت فيها:
“بعض الأطفال ضحايا الظروف الإجتماعية والإقتصادية والسياسية الإمتهنوا التسول عند إشارات المرور فقدوا براءتهم …وبيتصرفوا بطريقة وقحة بتأثر على معدل المروءة والرغبة فى المساعدة جواك!!
يعنى مثلاً مرات لو ماعندك فكة ولا ما معاك قروش _ وبتحصل، بغض النظر عن كونك راكب عربية_ و ما قدرتا تساعدهم أو تستجيب لإلحاحهم المزعج …. ومهما إعتذرت بالإشارات التعبيرية أو بأطلاق عبارة ( الله كريم). بتلقى ردة فعلهم غريبة وصادمة ووقحة….يا ضرب ليك قزاز العربية بقوة….أو (سباك) أو مشى أبعد من كدة وأساءك بلفظ بذئ.
ومرات بيكون كلام جارح قد يمس الأمهات بأسوأ صورة متعارفة…..والدم بيغلى فى عروقك …. ولاتعرف ترجع ليهو ولا تمشى بى غبينتك !!!
والسؤال البيفرض نفسو…..ديل ممكن يكونوا شنو فى المستقبل؟!!
كدى راقبوا معاى ملامحهم وتصرفاتهم وشوفوا النتائج الحتطلعوا بيها.
كلو كوم….والزولة الفاسخة وشها ومتحننة وتجيك تشحد دى كوم!
وقبل ماينط لى زول يتهمنى بعدم الإنسانية والتحامل على شريحة ضعيفة مجبورة والبعد عن قيم الدين….بقول ليكم أنا بعرف مليون سودانى محتاج فعلاً وعاجز ومتعفف ومهذب وممكن أساعدوا هو قدر قدرتى وضميرى مرتاح والإحترام متوفر !!!
معقولة ياخ…..شحدة وقوة عين وقلة أدب!!!!
عموماً الحقيقة المرة إننا كللللنا ساهمنا فى هذا الوضع المرعب والمؤلم كل منا بطريقة مختلفة تعنيه… وأسوأها السلبية والسكوت!
أما الجهات الحكومية المعنية فأمرها مرفوع لله”.
محمد عثمان _ الخرطوم
النيلين
صراحة لا شيء يستحق الاعتذار…
داليا الياس لم تقل غير الحقيقة…
و الشماسة ديل قنبلة موقوتة..
و مخزون استراتيجي لكل انواع الجرائم…
و هم من قام باعمال الحرق و التخريب خلال المظاهرات السلمية 2016
عندك تصفية حسابات مع داليا..
شوفي موضوع تاني..
و الله داليا دي ما شفتها الا ف التلفزيون و صراحة ما من معجبي شعرها…
بس الحق حق……?
والله يا بتاع تنظير كأنك كتبت بالانابة عني..انا لا احب داليا الياس لا شخصيتها ولا شعرها بس كلامها مظبوط ..ظاهرة التسول قبيحة ومنظمة جدا وفيها استغلال للسائل والمسئول
اصابت داليا كبد الحقيقه
اقسم بالله كانها تتكلم بلسان الملايين
وفقك الله
لك التحيه الصحافيه داليا الياس
مزيد من النجاح
والمحزن كمان اكثر من 90% من المتسولين غير سودانيين فهي عصابات منظمة والتسول في الخرطوم اصبح مهنة يتوافد اليها كثيرين من غرب افريقيا وهناك بيوت تؤجر ودفارات توزع المتس لين عند الفجر وتاخذهم لسكنهم في احياء مثل مايو.
داليا معاها حق..وديل إمتهنو التسول وليس بدافع العوز والحوجة ووراهم عصابات منظمة … الأولى بالسلطات وضعهم فى الأصلاحيات قبل أن يشبو على الإجرام….
كلام الاخت داليا في محلو – لابد من محاربة هذه الظواهر السالبة التي تسئ للبلاد وعلي وزارة الشئون الاجتماعية والشرطة القيام بدورهم في هذا الخصوص
و الله ربما هي المرة الأولى التي أتفق فيها مع دالية 100% . إيمان متوكل طلعت عبيطة و حمقاء .
ايمان متوكل خالف تذكر .. ما قالته داليا صحيح انهم لا يستحقون الشفقة حرامية وحاقدين ولا يرجى خير منهم وانا من المطالبين بعدم مساعدتهم نهائي
البت البتشبه الممثله المصريه الاسمها سوسن بدر دي والله بتعمل لي حموضه لما تلوك في كلماتها المسمياها شعر دي
تمام
السلام عليكم ورحمة الله
الحق يقال كل ما دلفت اليه الاخت داليا الياس حقيقة الاطفال كان ثمة جهات تعلمهم التسول وتبتدع لهم اساليب مختلفة لذلك منها الشفع دون سن الخامسة يجي يمسك ملابسك ويصر اما تعطيه او انه سيبقى ممسك بك ويعرقل خطواتك ونهاك اطفال في سن اقل من الرابعة كثيرا كنت احتار كيف تعلم ذلك او من سولت له نفسها باطلاق بريء في قارعة الطريق للتسول وغالبا هناك عيون تراقب من بعيد
حسنا اليوم قد يكتفي بجنيه او جنيهين من التسول وغدا هل تكفيه ؟؟؟ وبعد 10 سنوات؟؟؟؟
وحقيقة اخرى لاحظتها ان اطفالا لم يتجاوزوا سن السابعة ربما اقل تجدهم في الصباح الباكر يجتمعون حول من هم اكبر منهم سنا لانه يبيع لهم جرعة سلسيون يضعونها في قطعة قماش في افواههم ..هذه كارثة تلوح في الافق وبالتأكيد مستقبلهم مظلم وغالبيتهم سيمتهن ما هو اخطر من التسول
وفعلا غالبية المتسولين ذوي سحنة افريقية وليسوا سودانيون .
ذات مرة كانت هناك معركة باليدي في الاستوب جنوب كبري الحرية بين متسولتين تدخل المارة لفضه وكان السبب ان احداهن اتت جديدة لتتسول في ذات المكان الذي يعتبر مملكة الاخرى
هذه الظاهر تحتاج لوقفة من المجتمع ككل بالتوعية مثلا حتى لا يتم اسغلال الاطفال وقتل براءتهم ابتداءا من قتل الكرامة فيهم بتعليمهم التسول . حتى ان تتطلب الامر جمعهم من الشوارع واحتوائهم في الاصلاحيات وتعليمهم عسى ان يكونوا افضل في المستقبل
والله يا اخت رشا شر البليه ما يضحك
فعلا قد تحصل معركه في ده مكاني ومكانك
لاحظت ذات الفعل امام مستشفي الخرطوم
السلام عليكم ورحمة الله تعالة وبركاتة
قالت الحقيقة الاخت داليا الياس