فيسبوك

رشان: الى ق،ح،ت.. يا جماعة حاولوا خليكم جادين ورجال دولة


المشكلة انه رفاقنا في ق.ح.ت خطابهم السياسي وقتي ..يعني رزق اليوم باليوم مافيه اي نظرة استراتيجية سياسية ..عشان ما يبقى مجرد كلام ساي مني نأخد نموذجين :
1/ق.ح.ت عبأت الجماهير ضد “حميدتي” والدعم السريع ، تعبئة حادة جدا ، وجات وقعت معاه تسوية وبقوا شركاء في السلطة ..وجات احتاجت ليه مؤخرا ..وبقت ما عارفة تعمل شنو للجماهير المنفعلة والغاضبة ..

2/نفس الحاجة حصلت مع حركات الكفاح المسلح، ق.ح.ت عبأت الجماهير بخطاب مفاده انهم ناس دايرين محاصصة وما صادقين في مسألة السلام الشامل ..وهسي ما عارفة تتراجع من موقفها ده ولا تستمر فيه ،وعارفة انه السلام ضروري على الاقل للحفاظ على حكمها والاستمرار فيه ..وانها مضطرة تقدم تنازلات ..
يا جماعة حاولوا خليكم جادين ورجال دولة حبة ..

Rishan Oshi


تعليق واحد

  1. نعم حميدتى له مواقف اشرف من الشرف اما حركات الكفاح المسلح تبحث عن المحاصصات والمناصب ليس الا رفعوا السلاح امام المجرم المخلوع البشير عندها ثمنا موقفهم اما الان فلا يوجد اى مبرر لتعنتهم فالسودان كله مأزوم وهو فى حوجة لتضافر الجهود اما ما يجرى الان فهو بحث عن مصالح شخصية ضيقة فالمواطن مغلوب على امره وهؤلاء يطالبون بنصيب مناطقهم فى الخدمة المدنية وغيرها فالخدمة المدنية لكل السودانيين حسب المؤهل والكفاءة وليس حسب المنطقة فبالعلم نبنى السودان وليس بالجهوية والقبلية ان عدم التوصل لسلام هو دليل قاطع على عدم استشعار حركات الكفاح المسلح بالمسؤلية الوطنية فان كان همكم الوطن لاتفقتم وكما طلب منكم حميدتى انظروا الى معاناة الشعب ولكن لا حياة لمن تنادى وليتهم جميعا كحميدتى