ما هي خطة وزارة الصحة للتعامل مع هذا الشعب؟ غير “اترزع في بيتك ما عندي ليك غير بنادول”
١١٠ مليون دولار اعانة لدرء الكورونا
مليارات القومة للوطن
شحنة الإغاثة الاتبرع بيها جاك ما
شحنة الإغاثة الاتبرعت بيها الإمارات
تبرعات المغتربين
خلصت في ٣٠٠ حالة
انتو البلد دي مواردها صفر ؟
يعني هسه في السنة الحكمت فيها قحت دي ما دخل الخزينة و لا قرش؟
وين عائدات الصادر؟
وين ضرائب العمالقة؟
ملايين حميدتي الدخلت البنك وين؟
القروش الاتصادرت وين؟
لا في مستشفى جديد اتبنى
و لا كبرى قام
و لا مدرسة توحد الله
و لا بير اتحفرت
و لا الأسعار رخصت
و لا السلع اتوفرت
و لا الديون اتسددت
القروش اتصرفت على شنو؟
اعتبروا الشعب مستهتر .. اعتبروه جاهل .. اعتبروه اي شئ .. السؤال
ما هي خطة وزارة الصحة للتعامل مع هذا الشعب ؟ غير “اترزع في بيتك ما عندي ليك غير بنادول”
ماهي آلية تنفيذ الارتزاع ده؟
اتنين
الحظر لمدة ثلاثة أسابيع قارب الان على النهاية
ما هي خطة وزارة الصحة لما بعد انتهاء الحظر .. هل سيتم تمديده ؟ هل سيرفع؟
اذا تم تمديده .. نرجع للسؤال الأول : كيف ستجبر الشعب على الارتزاع ؟
و اذا رفع .. كيف ستتعامل مع انتشار العدوى
فكر في الأسئلة دي و ابني عليها خطتك
—
ناس متعلمة .. و فاهمة .. و واعية .. و أمورها ميسورة .. بتقدر تقعد في بيتها ٦ شهور بدون ما ينقصها شئ .. و ما ملتزمين بالحظر .. طالعين وين ؟ ناس أمي .. جايين من وين ؟ من القهوة .. سايق على وين ؟ عندي حاجات كدة بس اقضيها
و يجي يقول ليك “الشعب ده شعب غبي .. الشعب ده مستهتر”
و انا مش معانا حضرتك و لا ايه ؟
اما الفئة الأخرى و هي الأغلبية ما ح تتحظر يا اكرم .. يا اكرم ما ح يتحظروا ..
ناس دخلها في اليوم كلو ١٠٠ جنيه بدخلها ببيع المناديل .. لو اتحظر أنت ملزم تدفع ليهو يوميًا دخله ده .. ما بتقدر
ناس لازم تطلع تجيب موية تشربها خليك من الغاز و لا البنزين و لا الرفاهيات دي .. موية بس ..
ناس لازم تطلع للعلاج .. و أنت ما عندك لا إسعافات و لا إمكانيات و لا الوعي عشان تقدر تقيهم من العدوى ..
و ناس ما واعية لا ح تبطل بكيات و لا كرامات و لا سلامات ..
اها يا اكرم .. ما هي الخطة ..
ح تعمل شنو ؟
يعني قول لينا
ح نعمل كذا و كذا و كذا و أصدرنا قرار كذا و كذا
مش تقول لينا
ح تموتوا ..
لا خلافات و لا سياسة و لا رأيي فيك ده كلو خليهو
انا كمواطنة سودانية تشعر باشد القلق على اهلي و اسرتي و أصدقائي و السودانيين عموما ..
ما هي الخطة لمواجهة المرض حتى لا يحصد آلاف الأرواح يا اكرم غير الحظر لانه علميا انا و أنت عارفين انه لن يطبق ..
ماهي الخطة ؟
Shadia Omar
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
يا حليل دكتور مأمون حميده وابو قرده كانو يتعاملو مع الشعب ده بالشبط ومافي واحد قادر يفتح خشمو
وزير الصحة مسؤول عن تطبيق الاجراءات الصحية لمكافحة المرض وهو العزل الذي طبقته معظم دول العالم، أما تعامل الدولة مع الوضع المعيشي خلال فترة الحجر فهو من اختصاص الجهاز الرئاسي للبلد ككل وليس وزير الصحة يا أستاذة!
قدام دكتور اكرم أفضل وزير صحة للسودان منذ استقلاله.
الآن عرف الشعب السوداني الفرق الكبير بين د. مأمون حميدة، الوزير الراكز الذي كان يخرج اسبوعيا بنفسو في برامج صحية توعوية وتثقيفية في تلفزيون السودان يستضيف فيها اطباء السودان من كل التخصصاات ومن خلالها يتم معالجة غير المستطيعين مجانا، والوزير التافه أبو شنطة ضهر زي شفع الروضة.
الوزير القال قبل شهر:(نحن البشير قدرنا عليو، تغلبنا الكرونا الصغيرة دي !)
باللاي ده وزير ؟
الزمي بيتك انتي واهلك وبس. لا اكرم ولا غير اكرم عنده ليك حل غير كده وهذا هو الحل الوحيد العملي . وواضح ان افقك ضيق عندما تقولين ان الفلوس اتصرفت في ٣٠٠ حالة.
ورينا انت ابو افق واسع انصرفت وين ياصل
وحى؟
بروف مأمون حميده كان يدير وزارة الصحة علي مستوي السودان وخيروا كثير علي مستوي المسؤولية.
الان الطبيب أكرم مشكوك فيه يدير الوزارة علي مستوي الخرطوم ومش قادر ..
كل الارقام للمصابين مشكوك فيها
كل الرقام للوفيات مشكوك فيها
وهو من استهتر بالكورونا الصغيرونه.
والان بيرمي اللوم علي المواطن.
وهو من ادخل الكورونا بفتح المعابر والمطار واستقبال جثه ماتت بالكورونا.
الرجل فشل في إدارة الاذمة لا تلوم الا نفسك خليك بالبيت بندول نديك بالدرب نرويك.
عاشت حكومة العواليق.
مأمون حميدة قال الشعب يأكل الضفادع