سيد الطيب: مليونية 30 يونيو حقت ثوار ما حقت كيزان
مليونية 30 يونيو حقت ثوار ما حقت كيزان
حتى لو انت معترض عليها لاسباب صحيه ممكن تدعو للالتزام بالارشادات الصحية وارتداء الكمامات والتباعد وعدم الاستهتار بالمرض خوفا عليهم وبدون تخوين.
30 يونيو يوم عظيم في تاريخ الثورة السودانية مسح ارتباط 30 يونيو بالكيزان وانقلابهم المشؤوم للابد.
لما تقول دي مليونية كيزان انت بتدعو لقمعها بدل حمايتها
30 يونيو تعزيز لقوة الشرعية الثورية وقوة السلمية وحققت نجاح قبل تبدا وبمجرد الدعوة ليها حصل حراك كبير في لجان المقاومة حول وحدة المطالب والتنسيق وفي الحكومة وفي الحاضنة السياسية وفي النيابة العامة والسلطة القضايئة، وتوارى الزواحف من الشارع بعد اخر مسيرة هاجموا فيها منزل اسرة الشهيد كشه.
نعم سيحاول فلول الكيزان استغلال 30 يونيو وانخرطوا في قروباتهم ومنهم من قرر استغلال اليوم ومداهمة سجن كوبر واخراج رموز نظامهم البائد، ومنهم من دعى الى الذهاب للقيادة وتفويض الجيش بالانقلاب على حكومة حمدوك واعلان انتخابات خلال 6 شهور، ومنهم من يحلم بالنجاح في العودة للحكم وحل لجان المقاومة واعادة اللجان الشعبية وحل لجنة إزالة التمكين واعادة الاتحادات والمنظمات والاراضي والشركات المستردة.
الكيزان يشتغلوا شغلهم والثوار يشتغلوا شغلهم والمطالب بتفرز منو مع الثورة وتكملة اهدافها في السلام والعدالة وهياكل الحكم وتسريع ازالة التمكين والمحاكمات ومنو البحلم برجوع السودان لما قبل 11/أبريل/2019 وقول للزمان ارجع يا زمان.
نصيحتي للزواحف النفسهم قايم وعاملين حسابات جديدة حايمين بيها من صفحة لصفحة ومن قروب لقروب ومن لايف لي لايف يدعوا لاسقاط الحكومة ما تتعب نفسك الشارع لما يقرر يسقطها ما حتاخد معاه اكتر من 48 ساعة لانو دي حكومة انتقالية غير مكتملة الهياكل وعوامل سقوطها وفشلها اكتر من عوامل استمراريتها ونجاحها لانها جات بعد 30 سنة من خرابكم وفشلكم ولو ما الشارع ده حاميها وصاحي كان حمدوك والمعاه اعتقالهم ما كلف العسكر اكتر من عربتين تاتشر، لا عندهم مليشيات مسلحة تحميهم ولا عندهم سلطة حقيقية على القوات النظامية الشارع ده هو الخالق توازن القوى وهو درقة حمايتها واليوم اليتخلى عنها حا تسقط بكل بساطة وبعد داك تعالوا احكموا واعيدوا لجانكم الشعبية وافتحوا معتقلاتكم للثوار وارجعوا لمداهمة البيوت ومحاكم الطوارئ واشعلوا الحرب من جديد في دارفور وجبال النوبة وامشوا صلوا الجمعة في كاودا وما تنسوا تطلعوا القوات الدولية القاعدة في دارفور وفي الحدود مع الجنوب لانو شايفكم الايام دي اتذكرتوا انكم رافضين البعثة الدولية والتدخل الاجنبي وناسين الاربعين ألف جندي اجنبي الجبتوهم. وياريت تبنوه في 3 شهور لانو ناس حمدوك ديل فشلوا يبنوه في 9 شهور.
الشعبيين حا تجيبوا السنوسي مساعد للبشير وتاني تسقطوا ولا خلاص اكتفيتوا من السقوط بأمر الشعب؟
Said Eltayb
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
ااشعبيين ديل عاملين ليك دودة بي تحت وللا شنوا؟ ركز في كذبك وخبثك وخداعك للثولر وللشعب أحسن ليك، 30 يونيو وما يليها لإسقاطك وإسقاط حكومة قحط الفاشلة القاتلة المؤذية الفاقت الكيزان سوءا، الكيزان سوء إدارة وفساد وقحط زادت عليهم بسوء الأخلاق والكذب والعمالة.
الشعب الآن جائع ويواجه الموت بالجوع أو الكورونا وسيسقطكم بآخر نفس ويختار من يعجبه.
كفاية كذب وخم.
أدوك كم من دولارات مكافحة كورونا؟
30 يونيو حقت الشعب السوداني لا حقت كيزان لا حقت ثوار ولا حقت حرامية ثورات وحتسمع فيها بوضوح (تسقط قحت) لأنو لو ما سقطت قحت حيسقط الوطن.
ده حمار شنو ده؟
بلطية إنتا؟
مناوي والدقير وعبد الرحمن الصادق المهدي ومنصور خالد وموسى محمد احمد كلهم كانوا مساعدين البشير بإتفاقات سلام ومفاوضات وقرنق وسلفاكير كانوا نواب البشير والشيوعيين والحركة الشعبية كانوا أعضاء في برلمان نيفاشا في حكومة البشير خلاص بقت على الشعبي والسنوسي العضويتهم قادت ثورة ديسمبر ودخلتكم القيادة وقابلت الرصاص؟ والله لو ما الشعبي كان نظام البشير قعد 60 سنة يا جاهل، الكيد السياسي وتصفية الحسابات فشلتكم وحتفشلكم وحتسقطوا رجالة حسنة لأنكم جبناء والكلاب لن تحكم الأسود.
نسيت شهداء المؤتمر الشعبي في ديسمبر؟ نسيت الشهيد المعلم أحمد الخير عضو المؤتمر الشعبي الاستشهد تحت العذيب؟ نسيت سريع كده يا خائن يا سارق دم الشهدا؟
ولأنكم خونة كلاب فالشعب يريد
#تفويض_الجيش.
الشعب يريد
تفويض الجيش
يا الجيش السوداني والمخابرات السودانية والشعب السوداني كل العملا والخونة الخانوا السودان وشعبو وطالبوا بتجديد العقوبات على شعبو وقبضوا التمن بالدولار ورفعوا التقارير عن المصانع والمشاريع السودانية وحتى مصانع الأدوية عشان تنضرب بالليل وتروع الآمنين وأفقروا السودان ونسبوا ده كلو لفساد الكيزان (فقط) وحتى ده ما قدروا يثبتوهو بالحجم القالوهو حتى الآن رغم السلطة والتفويض، هسة ديل كلهم جوكم بي رجلينهم لحدي عندكم والفرصة ما بتجي مرتين ولو ضيعتوها حليل السودان وحليلكم انتو وحليل الجيش وحليل الشعب، قال يهيكل الجيش قال ويملاهو متمردين قال.
ضرب مصنع الشفاء بالصواريخ.
ضرب مصنع الصافات للطائرات بالصواريخ.
ضرب مصنع اليرموك بالطيران الأجنبي.
ضرب حقول البترول.
تأييد العقوبات لمنع الاستثمار ومنع الانتاج وتجويع الشعب.
تأييد العقوبات لحظر التكنولوجيا والتعليم والتمويل.
إقامة الندوات لتشويه صورة السودان.
الكذب الصريح في الوسائط بشهادة الشيوعي الرشيد سعيد (ناقل الكفر).
تأييد العقوبات للحظر المالي وتجميد أرصدة السودان.
تأييد العقوبات لتدمير الاقتصاد ونسب الفشل لغيرهم.
تأييد القوات الدولية.
دعم الحروب في كل أنحاء السودان.
العمل ضد السودان في كل المحافل الدولية وتضخيم الأخطاء للكسب السياسي.
رغم ده كلو جو السودان ووجدوا طرق من حلفا لي كوستي ومن بورتسودان للفاشر ومن امدرمان للأبيض ووجدوا المواطن العشوائي أصبح مواطن درجة أولى بي بيت شهادة بحث ومدرسة ومستشفى حتى لو متأثر بالعقوبات وما عندو حق الفطور بسبب العقوبات الأمريكية.
ده جزء بسيط من الكانوا بيشتغلوهو ناس قحط وتجمع المهنيين بالخارج بالتقارير والتجسس لصالح دولهم والآن جايين ينفذوه في الداخل بحماية الجوازات الأجنبية وسرقة الثورات وبعد دع كلو فشلوا وجوعوا الشعب ودمروا الاقتصاد بحماية السفارات والأمر لك يا جيشنا ولك يا شعبنا.
كلمنجي من طراز رفيع…
مقال في الصميم، كيزان الشؤوم يحلمون، عبيد البوت قال نفوض الجيش. الجيش الي الثكنات، ، وهمة شىوعيين وما شيوعيون ما عادت تمشي في هذا الجيل،
الكيزان الي مزبلة التاريخ.