حمدوك.. كلامك لا يمثل تطلعات الزول الواقف في صف العيش ولا صف بنزين ولا الزول الواقف راجي الموصلات

الي حمدوك ..
ي دكتور خطابك سمح و معسول و كلامك دبلوماسي و محفز و مطمئن جداً للإعلام و لكل شخص خارج السودان و اصلاً ده المتوقع انو يكون بشبه جميع الخطابات السابقة ..
لكن لغتك دي بتختلف اختلاف كبير من لغة الشارع و افكار الشباب و الشابات و كلامك ده ما بمثل ولا ١٪؜ من تطلعات الزول الواقف في صف العيش ولا صف بنزين ولا الزول الواقف راجي الموصلات ولا بمثل ناس السوق و لا التجار ولا الزول العندو كشك ..

لانو و الناس بتحضر في خطابك الدولار وصل 200جنيه و ده معناها زيادة التضخم و زيادة الاسعار و زيادة معاناة الناس و اللي هي اصلاً متصاعده من يوم ما استلمت رئاسة الوزراء ؛ و ده بدل علي انو كلامك و لغتك تختلف عن الواقع الذي يعيشه كل سوداني ..
كنت انا و اخريين كثر نتمنى بدل هذا الخطاب العاطفى ان يتضمن خطابك اليوم جرد حساب لانجازات واضحة و بشريات تكملة المشوار بما يتناسب و تضحيات الشعب و صبره و عظمةً الثورة المجيدةً
هلا انتصرت لنا و عبرت بنا ؟

بقلم
حازم حلمي