فيسبوكمدارات

مواطني سوداني يحكي: ليلة قضيتها مع الدعم السريع


ليلة قضيتها مع الدعم السريع…
في ساعة متأخرة جدا من ليلة امس بعد منتصف الليل وانا عائد إلى البيت و مؤشر بنزين السيارة يشير إلى نهايته..
فجأة توقفت السيارة تماما و هو ما كنت أخشاه طوال الطريق..
بحثت عن المساعدة هنا و هناك و لم أجد إلى ان مرت بي سيارة قوات دعم سريع نزلت و أشرت لهم و كنت مترددا فلم اعرف كيف س تكون ردة فعلهم
وقفت سيارة ق د س على مسافة بعيدة مني ثم عادت لتتوقف بجانبي
نزل السائق و رفيقه و بقي ثالث في سيارته
.
السلام عليكم.. خير يا زول مالك واقف هنا
.
و الله يا سعادتك تقول شنو ياخ.. بنزين العربية قطع
.
لالا ياخ بالغت ليه تخليها لحدي تقطع.. كدي ما مشكلة
.
اتصل بي كم زول بالتلفون و كانت الساعة 1 ص تقريبا و لم يجد رد..
.
رسل سايق المركبة.. كنت مفتكر انه ماشي يجيب بنزين لكن اتضح انه ماشي يجيب ليهم اكل
.
جاب اكل و عزموا علي اتعشى قلت ليهم متعشي..
.
يا زول عيب الكلام دا انزل اكل معانا.. ابشر يا سعادة
.
بعد اتعشينا قال لي هاك سجل بياناتنا و لوحات العربية..
امشي انت البيت و برسل زول الصباح يجيب بنزين و يجيبا ليك البيت .. و هسي نحن بنوصلك..
.
لا ياخ ما قدر دا.. انا كدا كدا كنت ح بيت فيها و الصباح ربك كريم
.
لا و الله ما بنخليك.. خلاص بننتظر بس
.
و قرابة الساعتين و هم بيأشروا لكل عربية جاية و للاسف ما لقينا..
.
واحد منهم قال عندو صحبو في الحلة.. خشى الحلة و جانا بعد نص ساعة و شايل باغتين بنزين و كبو لي البنزين
.
شكرتهم على صنيعهم و غادر كل في طريقه..
في تمام ال3 و 27 دقيقة بالظبط فجرا..
.
.
.
.
شكرا جزيلا لكم ع صنيعكم ❤️
Eng-AbuHaitham EL-Tohami



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *