لو جيت بورتسودان حا تعرف لو نط فيها عسكري مافي زول حيقول ليهو جر
في بورتسودان
في بورتسودان نموذج لانفصال كبسولة حكومة الثورة المركزية عن واقع واحوال الشعب في مختلف الولايات وحتى داخل الخرطوم نفسها
….
تلك الكبسولة التي تصدر قراراتها دون تنفيذ وتسمع صداها داخل جدران مكاتبها ويخيل ليها ان اشاراتها وصلت لكل البلد
…
غبت وجيت لقيت مازالت ازمة المحروقات مستفحلة بنفس الوتيرة الشديدة منذ اكتر من سنة رغم انها تشتد وتنخفض في المركز الخرطوم
…..
في بورتسودان عامل الطلمبة هو من يستحق اغاني البنات و حراس محطات الوقود هم اغنى اغنيائها الجدد
….
في بورتسودان فوضى ادارية وعدم وجود حكومة ما بتشوف مرور ولا بوليس ولا موظفي محلية يسرح فيها المجرمون والعربات تقفل الشوارع وتقطع اشارات حتى اسطوب رئاسة المرور نفسو والفريشة في نص الزلط
….
اسعار السلع في بورتسودان اعلى من ضعف معدلاتها الطبيعية وازمة المحروقات الفيها تعطل الشاحنات لاسابيع وتزيد من تكاليف الانتاج لارتفاع اسعار نقل مدخلات الانتاج لكل المنتجين في السودان وكانت سبب لفشل الموسم الزراعي الفات ومؤشر لفشل الجاي
….
في بورتسودان الكل يتحدث عن اهل التمكين الجدد متسلقي الثورات باسم الحرية والتغيير او الاحزاب او لجان المقاومة
…
في بورتسودان يتحالف المناضل والثائر مع الكوز القميء عندما يتعلق الامر بالاجندة القبلية و في التعينات في الوظائف
…
في بورتسودان ميناء مترهل تحول لمؤسسة شؤون اجتماعية تحوي ١٣ الف عامل اكتر من كل القوى العاملة في المواني من ممبسا لحدي العقبة معظهم شبه عاطلين .. ويتصدر في الميناء المشهد اصحاب الحلاقيم بلا تفويض نقابي وللا رؤية في تساهل اداري غريب
،،،،،
في بورتسودان كفر صريح بالثورة وميل لا تخطئه العين في الكتلة الحرجة و اللوم والعتاب وحتى اللعنات تلاحقنا محل ما مشينا نحن دعاة التغيير والمدنية
…
وانت يا العامل فيها انك ساس الثورة وكنت فرحان بالتفاف الشعب لو جيت بورتسودان حا تعرف لو نط فيها عسكري مافي زول حيقول ليهو جر.
هادي ود البورت
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
فعلا كلام صح مليون في الميه بورتسودان عباره عن كوشه في الخدمات فعلا ليس هنالك قانون حركه يا خي الشاحنات داخل الاحياء بدون نمر وتعال شوف ناس المواتر والعربات المظلله الغريب انو الواحد ما عندو لوحه ما عندو نور مظلل يجي محطة البنزين بكل قوة عين والتك توك اولاد صغار في السن ماشي عادي جنب بوليس المرور وتصاريح البنزين يدخل قبلك في الصف وانت تكون واقف ليك يوم كامل يجي واحد قدامك يقول ليك كادر طبي بورتسودان مدينة الفوضي الفوضي الفوضي احسن والي في العالم ما شغال بالحاصل .
علامة قحط الفارقة هي إهانتها للقوات المسلحة، يجب فتح بلاغ من الجيش ضد الكاتب هادي ود البورت مجهول الأب لتشبيهه العسكري بالكلب رغم فضل الكلب على القحاطي، محاكمة الكاتب أو انتظار إهانات أكبر.
الجيش بيعرف الفرق بين المجاهدين العاشوا معاهو في الأدغال والخنادق واستشهدوا معاهو وبين العملاء السفلة البيقولوا عنه كلب بإسم الثورة والشعب.
الكلب البيقولوا ليهو جر ماهو العسكري، الكلب النباح الهرار هو الاستعملوهو للنباح وبعد داك ادوهو لحمة معفنة ودخلوهوا قفصه، الكلب إذا هو الناشطين الملس الشواذ الغشونا في اللايفات بأنه الكيزان كلاب وقطط وهم الناشطين أسود ونمور ولبوات، الناشطين الهسة مافيشين وعاملين رايحين وساكتين على إغتصاب الشعب السوداني إقتصاديا وأمنيا وسياسيا وصحيا وخدميا، نطلب منهم شيء واحد وهو الاعتذار للشعب السوداني وللكيزان أيوه للكيزان لأنهم طلعوا أشرف من أي ناشط كضاب قذر غشانا وركبنا الخازوق، عليكم دين أمكم في ثورة بيعملا حاظم طحلمي وظو النون وضصيص والخلاقات الباقين ديك؟ عليكم الله بأمانة وين وجدي ومنعوع وجعجوع من غندور وإيلا وحمدي وووو وبقية الطين الإنقاذي؟