د/ عادل الصادق المكي

دُعـــــــــــــــابة


[JUSTIFY]
دُعـــــــــــــــابة

دراسة عن علاقة اسم الزوجة بسلوك الزوج:-
أي واحدة اسمها “آلاء” راجلها بتاع لولوة.
أي واحدة اسمها “هيفاء” راجلها عندو كرش.
أي واحدة اسمها “منى” راجلها متشائم.
أي واحدة اسمها” أسيل” راجلها جنو أسيل ومكوى.
أي واحدة اسمها “سعاد” راجلها نكدي.
أي واحدة اسمها “ليلى” راجلها سُقُد.
أي واحدة اسمها “عفراء” راجلها أخرق.
أي واحدة اسمها “أشجان” راجلها شكااااااااي.. يشكي للكلب وفايت الدرب.
أي واحدة اسمها “سكينة” راجلها نضام ونجّاض.
أي واحدة اسمها “وحيدة” راجلها بعرس فوقها.
أي واحدة اسمها”علوية” راجلها رافع نخرتو.
أي واحدة اسمها “بدرية” راجلها النوع البيقوم الدغش ويحوص ويلوص في البيت.
أي واحدة اسمها “سلوى” راجلها وناااااااس.
أي واحدة اسمها “حليمة” راجلها قاعدة تجيهو كوابيس.
أي واحدة اسمها” زكية” راجلها بليد بلادة السواد.
اي واحدة اسمها”بلقيس” راجلها مستعجل شديد..
اي واحدة اسمها “السترة” راجلها مسيخ قرضة.. تمسكو وتلوك بس!!!
اي واحدة اسمها “نور”.. راجلها جنو يطفي اللمبات وينقنق في الجمرة.
اي واحدة اسمها “سلافة” راجلها ديمة مديون….
أي واحدة اسمها “مرام” راجلها جنو رمرمة.
أي واحدة اسمها “حرم” راجلها جنو حليفة بالطلاق.. كلمة والتانية علي الطلاااااااق!!
أي واحدة اسمها “خنساء” راجلها يكون خاااانس وساااكت الناس يتونسو..فجاة يقعد يضحك.
اي واحدة اسمها “هبة” راجلها ضعيفوني الهبوب تشيلو.
أي واحدة اسمها “إنعام” راجلها ح يمشي السعودية.. لكن ح يبيع النعجة!!
أي واحدة اسمها” مروة” راجلها بومة.. ودلمة.. وما بينضم كلوكلو.
أي واحدة اسمها “زينب” راجلها قيافة ونضييييف.
أي واحدة اسمها “سهير” راجلها الليل كلو حايم في الحوش ينحنح ويراجع الأبواب والشبابيك مقفلة والا لا
أي واحدة اسمها” شهد” راجلها عندو سكري.
أي واحدة اسمها “غادة” راجلها غتيت وبطنو غريقة.
أي واحدة اسمها “نجوى” راجلها قوّااااال..الفولة ما تتبلى في خشمو.
أي واحدة اسمها “روميساء” راجلها رومانسي لدرجة يخلي معايشو وقاعد معاها في بطن البيت.
أي واحدة اسمها “ملاذ” راجلها دايح فوق كرعيهو وما بيقعد في البيت.
أي واحدة اسمها “تغريد” راجلها بشخر في النوم..
أي واحدة اسمها “بسمات” راجلها عندو طقم اسنان..
أي واحدة اسمها “بسمة” راجلها إن كلكلوهو ما يضحك.
أي واحدة اسمها “نشوى” راجلها عندو أم فريحانة.. يتكشب بلا سبب.
أي واحدة اسمها “زهور” راجلها قاعد يتاورو الرمد الربيعي.
أي واحدة اسمها “غيداء” راجلا مدردم ورقبتو قصيرة.
ملحوظة:-
أي راجل ما لقى اسم مرتو فوق.. يعرس تاني!!
النضم الفوق دا كلو دعابة.. أنا عارف في ناس علي الهبشة بس!!

[/JUSTIFY]

الباب البجيب الريح- صحيفة اليوم التالي


تعليق واحد

  1. [SIZE=4]غايتة مرتك لو ما اسمها سكينة أكيد ح يكون اسمها برة (براي) … بس أوعة تقول اسمها (زينب) ! [/SIZE]

  2. قطعا كاتب هذا المقال ليس الدكتور عبد الوهاب الافندي والصورة المرفقة ليست له .