بابكر سلك يكتب: داااك هلال تاني
*مجلس المريخ(المنتخب).
*يقال أنه في الإجتماع الأول صوت على إعفاء حاتم محمد أحمد وكاريكا .
*والأتنين ديل يتبعان للقطاع الرياضي.
*والقطاع الرياضي عندو رئيس عضو مجلس ونائب رئيس للشؤون دي.
*ده قرارو هو براهو .
*المجلس ماعندو دخل .
*لكن يظهر أنو قصة التصويت لإنتخاب المجلس التمت عاجباهم شديد.
*برغم ضبط حالة تزوير(لمصوت) لايعني ضبطه عدم حدوث غيرها ومرورها.
*المهم .
*الأرانيك المضبوطة في الظروف ديك مسؤولية لجنة الانتخابات (المنتخبة).
*ويفترض كان يتم تحقيق معها حول كيفية خروج تلك الاستمارات وخروج تلك الظروف عن المألوف.
*المهم .
*ده ما الموضوع الأساسي.
*الموضوع الأساسي أنو المجلس (المنتخب) صوت على إعفاء حاتم وأمير.
*التصويت عاجبهم أوي.
*قاموا تاني صوتوا.
*ذكروني قصة الزول الفي السعودية .
*في مراقبة هلال رمضان.
*حددوا مكافأة للبشوفو.
*واحد شافو.
*ووراهم ليهو .
*أدوهو المكافأة.
*لقى الموضوع زابط .
*صنقع عاين للسما كدااااا.
*وقال ليهم داك واحد تاني .
*وده تصويت تاني .
*إن كانوا لايعلمون مشكلة.
*وان كانوا يعلمون لكن ما(دايرون) يشيلوا وش القباحة لي زول محدد مامشكلة.
*أيها الناس.
*قصة اللاعب منير دي يجب أن لاتمر مرور الكرام.
*القصة دايرة بحيت وسك للحقيقة وتمليكها للناس.
*ده موضوع خطيييير.
*المهم.
*المستوى بعد ريكاردو.
*والمستوى قبل ريكاردو وااااحد.
*مانغش أنفسنا .
*خرمجة في خرمجة .
*والمستوى ده مابعمل لينا إضافة في المجموعات.
*وعدم الإضافة في المجموعات بتفقدنا نقاط.
*وفقدان النقاط بفقدنا مقعدنا في منافسة (الكاف) الجديدة.
*نهواهو في كل الظروف هي التي وضعتنا في الحتة دي.
*فهل عملنا بجد.
*أم سنهواهو في كل الظروف برضو؟.
*بمناسبة الظروف.
*الظروف الإتقبضت بره كانت بتهوى منو؟.
*في كل الظروف؟.
*منو؟.
*أيها الناس.
*تعظيم سلام ومارش عسكري لـ(قروب) الديناكوردات.
*عطاء مستمر في صمت جميل.
*ما تعرفه هنا أتركه هنا.
*أها.
*نجي لي شمارات والي الخرتوم.
*والينا المكلف علينا.
*كلم جبريل يعمل لينا .
*إيصالات مخالفه للمواطن ويومي يقطع لينا.
*فضل ليهو شنو ماشالوا يا والينا.
*بس البحيرنا بوديها وين ما محيرنا لي وين مودينا .
سلك كهربا
ننساك كيف والكلب قال موديكم محل مابتموتوا فيهو وكان متوا مابيأكلكم طير وكان أكلكم طير ما بطلعكم بعيد….في بامبرس يامعلم.
وإلى لقاء.
سلك.
صحيفة الانتباهة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة