صبري محمد علي يكتب.. قالوا (الطربيزة) ضيقة

خاص بـ [الانتباهة اونلاين]

والناشط المصري عندما كان يسجل (مقطعا) يحرض فيه المصريين للاحتجاج على ارتفاع الدولار قبل شهور .
حاول الارتجال والزوغة
عندما وجد رجل المباحث يقف امامه وجها لوجه وقبل ان يتوقف عن التسجيل للمفاجأة ! يطلب منه رجل الامن ان يواصل الحديث و الناشط يقول
(ده انا كنت بسجل لصحابي) ! يقصد اصدقائه و رجل المباحث يقول له حسنا اكمل اكمل
والناشط يبدا فى التأليف والتسجيل معا ومن التأليف (ده انتو اولا كلب .. وهو الدولار نزل عندكو هنا بس ؟ ما كل العالم كده) … وبعدين انتو يا ولاد الكاااااالب . .
والجمل كانت خائفة مبعثرة لا تفهم منها شيئا
والناشط يرتجل ويرتجل وما (لملمه) من جمل كانت تدعو للضحك والشفقة معا .

بالامس سكرتاربة العملية السياسية (اللقيطة) بعد ان انتشر خبر ان (العم) فولكر قد القى على الارض بعدد (١٢) مايكرفون لوكالات اخبارية من على المنصة الرئيسية لورشة التفكيم قبيل بدء تغطية ورقة ما .
وبعد ان طار الخبر بين محلل ومستهجن وغير مصدق وبين ناع وباك على هيبة الوطن التى اضاعها بنوه .
إخترعوا حكاية (الطربيزة) …..
فتفتقت عقلية سكرتارية (مؤتمر التفكيك) على اختراع (المخارجة) ….
وكما فعل (صاحبنا) المصري فعلت تلك اللجنة
فقالت
(بنت الوسخة الطربيزة) !
كلو منها …
نعم قالوا …
ان الطربيزة لم تعد تحتمل استيعاب عدد المايكرفونات الكثيرة . و عندما جاء المتحث يومها بحاسوبة ليضعة لم يجد مساحة تسعه !
انتو متخيلين معاي ده (لابتوب) ! يعني ما صينية غداء؟
فطلبوا من وكالات الانباء سحب (المايكات) والتغطية السماعية او الكتابية غير حكاية التسجيل المباشر
(قال ليك) …
فاستجاب البعض واحجم البعض و (اللي هم) طبعا حتما سيكونوا من قوى الظلام والردة والفلول وعملوا منها موضوع !

واخيرا ….
ده كلام منو ياجماعة ؟ ده كلام اللجنة بتاعتهم !

حقيقة نحي هذه اللجنة (الفلتة) التى حتى لما تكذب لا تحسن الكذب وعندما تدير مؤتمرا او لقاء هذيلا مثل هذا لا تحسن الادارة
ياخ …
دى طربيزة !
ما عارفين مساحتها ؟
طيب ياخ … ضيوفكم ديل كنتو متوقين يجوكم مربعين ايديهم مثلا ام سيأتونكم ب (عدة الشغل)؟

قبل ما انسي :
ياجماعة (النجرة) دى زاتا عاوزة ليها فهم ! يا كضبوا زي الناس يا ما تضايقوا (الكضيبة) فى اكل عيشهم .
(قال الطربيزة قال)

صحيفة الانتباهة