العيكورة | يا ناس حسابات [الانتباهة] ما بالغتوا لكن ..!

بقلم/صبري محمد علي (العيكورة)

خاص ب [الانتباهة اونلاين] اولا اسمحوا لى ان (اخدها بالراجع) واشكر سعادة اللواء (م) شرطة الدكتور حسن التجاني الذي اوصلني (للانتباهة) بعد ان ضاق بى صدر [السوداني] يوما ما . واشكر الاستاذ احمد يوسف التاي الذي سعي بضع اللبنة و سعيا حثيا ان يكون مقالي بالصفحة (الاخيرة) . مش كده وبس و د التاي قال ليهم الزول ده لازم تضوقوه الكشكوش كمان .

واشكر السيد الباشمهندس احمد فاروق و الاستاذ بخاري بشير اللذان فى عهدهما اصبح الكشكوش حقيقة ماثله تمشي بين يدي وجيبي
وعشان ما تمشي بعيد …
وتقول لى كم ياستاذ والشمار يكتلك !
هى اقل من قيمة (٨٠) دولار فى الشهر (فهمتا علي)

كانت (واااره) لخمسة شهور تقريبا تنزل دفعة واحدة بالسوداني طبعا .
لا …..
قووومو انتوا يا ناس الحسابات اقسموها نصين ؟
ياجماعة ده شنو ؟ قاليك نص راتب وبعد يومين تلاته ينزلوا ليك النص التاني ( يقولوا ليك ده حافز) !
شفتوا بالله جنس اللولوه دي ؟

يا جماعة هى (كووولها) ما جايبة ليها مسكن وجع رقبة واللا شد عضلي واللا عصف ذهني تقوموا تقسموها ؟

قبل ما انسى :—
هسي بالله كان فى داعي لجنس الفضائح دي

لكن نعمل شنو
والله بنحبها موووت [الانتباهة] دي

صحيفة الانتباهة