ياخ الزول ده (شفت) بشكل ..!
قبل قليل ….
و بحسب موقع (ماسة نيوز) ان سعادة الفريق البرهان قد اجتمع اليوم بالمبعوثين الدوليين الستة الذين (شرفوا) الخرطوم هذا اليوم الثامن من فبراير ٢٠٢٣م
الاجتماع كان بحضور نائب البرهان السيد حميدتي .
اقول ليك …
الكيفني فى الموضوع شنو ؟
اى كلام كان يفترض ان يصدر من السادة المبعوثين بادرهم به البرهان
يعني ريحهم ليك خااالس
فقال ليهم …
مُش الإطاري بتاعكم ده ؟ (علي الطلاق) نحن معاهو تب ونؤيده وبشدة خلاس؟
(خلي بالك معاي) …
وقال و سنعمل على (إقناع) الممانعين للتوصل لإتفاق نهائي وشامل !
اهاا يا جماعة فى زول شايف الإطاري هنا ؟ تاااني(قال ليهم شامل)
محتوى مدفوع
لدى الطلاب المقبولين في الكلية الحربية …
ما قلت ليكم الزول بدخلهم بحمد وبطلعهم بخوجلي !
طيب وتاني (اكد ليهم)
خروج الجيش عن العملية السياسية
لا وكمان اكرمهم زيادة فى قوله وانه ماض فى اصلاحه وبقية الاجهزة الامنية
(شفتو الزول ده (شفت) كيف و ريحهم ليك كيف؟
فبعد رقد اباليسهم خااالس
خلف رجل فوق رجل
و حث المبعوثين الدوليين على ضرورة الوفاء بإلتزاماتهم فى دعم الانتقال السياسي وتقديم المساعدات العاجلة للسودان .
(يعني معناتا الزيارة انتهت وتفضلوا غير مطرودين)
اهااا يا (عب باسط) …
الجماعة (وكت) الشغلانة جابت ليها دفع وكده
طقطقوا اصابعيهم و كل زول دنقر رويسو وشكروا البرهان وقالوا فيما قالوا …
نحن اصلا يا سعادتك …
(اتينا الى السودان نحمل رسالة امل ودعم للإطاري وللشعب السوداني ) وكده
اححححي يا ركبي …!
حرام يا بوبو تعمل كده وتلعب لعب بالشكل ده !
عزيزي القارئ …
الزول ده
جهجهم واللا ما جهجهم؟
صحيفة الانتباهة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة