الحديث الذي ادلى به عضو مجلس السيادة الفريق ياسر العطا اليوم مخاطبا نفرة ابناء دار بيري بمحلية كتم بشمال دارفور بحسب (الانتباهة)
كان حديثا مطمئنا من رجل جيش يحسب الحروف جيدا قبل ان يطلقها
سعادة الفريق قال ..
إن الفترة الانتقالية محمية ولا مجال فيها لابتزاز المليشيات والقوى المسلحة …
(غايتو انا فهمتو قاصد منو)
والفريق قال ….
إن هناك جيشا واحدا وقائدا عاما واحدا ولا منافس له فى مهامه الرسمية !
(أمممك) أخير كده يا …..!
و (ودالعطا) قال …..
وهذا القائد لا يحق لاحد و (احدا) دي شنو ياجماعة (لفظ مطلق) صاح؟
ولا يحق لاحد ان يتدخل فى مهامة حسب القوانين العسكرية والتراتيبية القيادية !
(والله المافهم بعد كده تبقى دى مشكلتو) ولو راكب الاطاري الطار .
طيب يا سعادتو ….
وناس اللواء هناي والفريق هناي ؟
قال ليك ما شغلتي .
واضاف الفريق ياسر العطا ايضا ان هناك شرطة واحدة و جهاز مخابرات واحد ومجلس وزراء برئيس واحد
والكلام …
(رووح من هذا الذي منو)
الى ان اكد لا فض فوه …..
ان قادة الجيش لا يخضعون لمحاور خارجية
(ايواااا) ناس الرباعية كيف؟ كده تمام؟
وليسُ عُرضة للابتزاز والمساومة من الداخل او الخارج .
ولا يتكسبون من الخارج !
يا البتزازوا بالسفارات فاهمين؟
(ينصر دينك يا ود العطا ياخ)
الكلام ده من زمان كان وييين . الله يبرد حشاك .
(حقيقة) …..
لو تمعنا كلام (اخونا) ود العطا الواحد يقتنع تماما انه جاء فى شكل رسائل للناس (العملوا الجلبغة) اواخر الاسبوع الفات اااي صاح سعادة الفريق لم يسميهم ولكن الكلام كان واضحا انه هواء ساخن بلا شك …
قالوا …
واحد كده طلع ليهم بطاقة قدييييمة قال ليهم انا زاتي كنت قوات مسلحة !(احيي يا رُكبي)
قبل ما انسى :
ود العطا
التحية عبركم للفريق مهندس ابراهيم جابر مسؤول انشطة الامم المتحدة بالسودان فالرجل يبلي بلاء حسنا وفى صمت .
جيش به امثال هؤلاء لا يخشى عليه
(فاااا)
(ارقدوا قفا)
صحيفة الانتباهة
