المفطوطة

حقا كثير من المفاهيم تغيرت في مجتمعنا من حيث تزويج البنت الكبيرة اولا . إلا انه صارت الحكاية فيها لعبة كبيرة وكثير من الناس اتخدعوا في الزواج خاصة اخوانا اصحاب الصور وعندما يكتشف الواحد منهم الامر يفكر هل يطلق ؟ ام يستمر ويرضى بالمقسوم كمثل عمنا موسى ذهب لزواج واحدة فقدمت له واعجب بها ولكن فوجيء ان الجماعة يوم العرس ركبو التيتل وزوجوهو اختها التي البورة محمداها محمداها ، إلا عمنا موسى وجد نفسه في حيص بيص وجماعتو يصرون عليه ان يفركش الزواج مادام الامر من هسع فيهو غش . لكن عمنا موسى صنقع ودنقر وقال ليهم الامر امر الله واتم الزواج واستمرت الحياة بينهما واصبح لايرى مثلها مثيل وانجبت له البنات والبنين . وبنات حواء كضبن كتير مغروف من البير واشكال والوان ويجيدن الخداع واصطياد الصيرة في البحر وكلهن اعمارهن صغيرة هي بت متين ، لكن اخواتنا ما براهن فالرجال صاروا يتنافسون في تصغير انفسهم وهاك يا كريمات ومساحيق وشد وجه وتصبيغ شعر وهاك يا ملابس الولد الصغير العاقل يستحي يلبسها ، هذا يعني الخداااااااااع في مجتمعنا صار كبير وما بعرف جنس ولا عمر وما بقي لينا الا نشيل ارانبنا فوق كتوفنا . واخيرا المفطوطات والمفطوطين صاروا بالملايين بس لسع ماعملوا ليهم حزب ولاشنو رايك يابنت سلمان ؟؟؟؟

الاستاذة الفاضلة تحية طيبة ورمضان كريم لكي وللجميع ، الموضوع شيق وجميل وأوفيتيه حقه ، لكن عاوز أطرح نقطة ثانية وهي أن السواد الأعظم من بنات حواء المتزوجات الواحده من أول مولود تلقي جسمها ( إنبرش ) وبقت حالتها تانية ، للأسف ماعندنا ثقافة المحافظة والعناية بالنفس التى لها حق عليك ، كذلك الزوج . أرجوا من الأخوات الإهتمام بهذا الجانب (:mad: ;( 😎 ) مع خالص الشكر و التقدير .

رمضان كريم وكل سنه وكل الاخوان طيبين . المفطوطه بالعاميه هي البايره في الحقيقه البوره حاره شديد . والنزير ما ليهو حق 😎 😎 😎

الاستاذة الكريمة منى تحية عطرة ورمضان كريم عليك
طبعا عجبني موضوعك جدا واستحضرتني بعض التعليقات اللي بتتقال بعد توزيع البلح والخبايز يوم عقد اخت المفطوطه والتي ممكن تكون في بعض الاحيان المنطوطة واقصد هنا اكتر من فطة يعني فاطين معاها اخت ولا اختين المهم هنا بنجد انو النسوان ساعة العقد بيلعبو دور استثنائي مهنيات للعروس هي ان شاء الله بيت مال وعيال عاد يابتي يغلبك بالمال وتغلبيهو بالعيال ومعزيات لصاحبتي المفطوطة عاد يا يما ان شاء القابلة ليك بالعريس الهايش كباب الدرايش والله سمـــــــــــــــــــــــــــــــــــــــــــــــحة وما فيك قول الا بس ده النصيب والبيت ان اتبنى في السما بنزل الارض الابس ساعتو ما جات طبعا هنا بنجد انو المفطوطة تتخجـــــــــا بالبكا في قالب الفرحة لاختها واكيد جو سرها هي ما نفسها تشووف زول من الحضور الموقف ده حيخلي صاحبتي دي تعقد العزم علىانها لازم تخلي اي زول يتمنى لو انو يرتبط بيها طبعا بخت ناس البوتيكات وبائعي مساحيق التجميل حتكون هي الراعي الرسمي والوكيل الحصري لمنتجاتهم وحنجد انو كلامها ح يكون الطف وارق واظرف من ذي قبل واكيد لكل مجتهد نصيب فجاة وبدن سابق انذار حيجونا الدايرين يعرسو عرس (اخنق فطس )ناس الصورة وبعض الفكاهيين اللي الواحد بيشتري شيلتو وينزل للعرس دون معرفة العروس(ببكي وما عارف الميت) طبعا ديل حيكونو فريسه سهلة ولقمة سائغة للمفطوطة وحتزيل بيهو مالحقها من اذي اجتماعي لانو بفضل العريس ده هي حتحقق حلم طالما انتظرتة وحتغني جهارا نهارا لن ننسا اياما مضت ترحا قضينها وحتتشفا في كل دقيقة مريرة مرت بيها بعد الفطة مباااااااشرة المهم كل يجد ضالته في الاخر وربنا يهني سعيد بسعيدةوالمفطوطة للمنكوب والجري للزي حلاتنا وربنا يكون في عون الجميع من مفطزطات ومنكوبييييين ورمضان كريك للجميــــــــــــــــــــــــــــــــع

استميح الاستاذة مني بالرد للأخ ود العوض في سؤاله عن الضحك في رمضان هل يفطر؟- نقول له انما الاعمال بالنيات وعليه تجنب تعمد الضحك ما وجد الي ذلك سبيلا واما اذا ما غلبه الضحك في نهار رمضان ولم يستطع دفعه وهو يتابع مقالات الاستاذة مني فنري انه لا شيئ عليه والله اعلم- وان كان يخاف علي صيامه من الضحك ننصحه من قراءة مقالات الاستاذه بعد الافطار مع الاكثار من الاستغفار – وايضا ننصح الاخ ود العوض ان كان من المفطوطين الصابرين والساعين لاكمال نصف الدين فعليه بالصوم فانه له وجاء. ورمضان كريم.