مقالات متنوعة
شنباوي والشحاذون في الأرض!!
طيب مصاريف الفطور والمدرسة للثلاثة اولاد تسعة جنيه في اليوم يعني ثلاثمائة جنيه شهرياً ودا اذا الأولاد اكلوا فول وطعمية الشهر كلو العشاء طلبين فول بستة ورغيف في اليوم على الأقل بأربعة جنيه .. المجموع ثلاثمائة جنيه.. كهرباء جمرة خبيثة وموية ونفايات وعوائد.. مائتي جنيه على الأقل في الشهر!!
المجموع سبعمائة واربعين جنيه عجز في الميزانية يعني انا محتاج لسبعمائة واربعين جنيه اخرى على الماهية عشان نعيش عيشة الكفاف ولم نحسب حساب المرض ولا المواصلات وغيرها من الظروف الطارئة!
فقال بصوت عال: تعمل شنو يا شنباوي عشان تقدر تعيش واولادك لسه عندهم طلبات وامهم نفسها في توب جديد قبل سنة وكل مرة تقول ليها الشهر الجاي..
يعني محتاج لمعجزة عشان أعيش ذي البشر!!
ووضع شنباوي الما هية في جيبه ورجع للبيت فلما سألته فوزية صرفت المرتب؟؟ فرد عليها صرفتو وما صرفتو زي عدمو !!
وذهب صلى صلاة المغرب في المسجد وبعد الصلاة وقف امام المصلين يا أهل الخير أغيثوني انا محتاج لضعف مرتبي عشان اعيش عيشة الفقراء وماعندي.. ياجماعة أنا عارف ان معظمكم مثلي ولكن فايتني بالصبر أنا شخصياً غلبني الصبر عديل كدا يا محسنين لله قلت أخير اشحد بدل ما اسرق .. يارب سمونا الموظفين .. ونحن في الحقيقة المعذبون في الأرض!! وبالأصح الشحاذون في الأرض «مهداة لوزير المالية».
يوميات ساخرة – الوطن
[email]samird4d@hotmail.com[/email]
