مقالات متنوعة
شنباوي غبي جداً!! «1»
فردت فوزية بضيق: ياراجل أتهمد نوم لسة الوقت بدري!!
فقال شنباوي: الوقت بدري كيف والناس صلوا ورجعوا بيوتهم!!
فردت فوزية بنفاد صبر: ياراجل دا براهو ودا براهو.. يلا نوم ولما أعمل الشاي بصحيك!
فقال شنباوي بصوت عالٍ: أولاً أنا ما نعسان وتانيا كان نومت انتي ما بتصحيني قومي سوي الشاي قومي يا فوزية..
ولم تجد فوزية حلاً سوى القيام وعمل الشاي وشنباوي جالس بنفاد صبر ثم حملت إبريق الشاي ووضعته أمامه فصب الشاي ونظر إليه مليئاً ثم قال ليه الشاي دا أسود زي القهوة ووين الزلابية!!
فصاحت فوزية بغضب شديد: تسودا حياتك إن شاء الله أكثر من كدا!!
ثم حملت ابريق الشاي وسكبته على رأسه فصاح محتجاً : الشاي دا مر شديد كان تعمل معاهو سكر قبل تكبيهو عليّ !!
ثم خرج من المنزل فقابل حاجة كلتوم فلما رأته قالت بسخرية دا انت ياوش الكدروك ياريتني اصطبحت بحاجة كويسة!!
فرد عليها ببرود الكدروك يعني شنو فقالت بضيق شن عرفني ياها حاجة شبهك كدا!!
فقال لها : انتي بتشبهي الغوريلا الفي حديقة الحيوان .. تصدقي تقول اختك بت أمك وأبوك!!
فردت عليه: الغوريلا مرتك ياقرد الطلح العاملاك مضحكة بين الناس!!
فقال لها ببرود: فعلاً فوزية تشبهك وتشبه الغوريلا: انتي فوزية دي قريبتك ولا شنو بتشبهوا بعض كدا!!
وفي هذه اللحظة كانا اقتربا من جزارة حاج خضر فصاحت حاجة كلتوم: يا ناس هووي أنقذوني من اللصقة دا.. دا كرهني في نفسي غبي ورغاي!!
فصاح حاج خضر بضيق : هووي ياشنباوي الزم حدودك ولا أقوم أضبحك بالسكينة دي زي الخروف!!
فأقترب منه شنباوي وأمسك بالسكينة وقال ولكن السكي دي ميتة كيف حتضبح بيها زول وهي لحمة ما بتقطعها اشتري سكينة جديدة غيرها!!
يوميات ساخرة – الوطن
[email]samird4d@hotmail.com[/email]
