منوعات
شاهد بالصور.. العاصمة السودانية الخرطوم تشهد حفل زواج أسطوري وفريد من نوعه شارك فيه عدد من المطربين
تناقلت صفحات مواقع التواصل السودانية صور لحفل زواج تم بالعاصمة الخرطوم في الأيام الماضية.
وبحسب ما ذكرت بعض الصفحات الناشطة على موقع التواصل الاجتماعي فيسبوك فقد شهدت صالة الوداد بشارع المطار زواج المصور السوداني المعروف همام حمدين من مرادي رشيدي.
ولعل أكثر ما لفت أنظار رواد مواقع التواصل الذين قاموا بنشر الصور الترتيبات الرائعة والأجواء الجميلة التي شهدت الصالة.
كما تغني في الفرح أبرز المطربين السودانيين على رأسهم الفنان طه سليمان والفنان شكر الله عز الدين والفنان عبد الله كنة.
محمد عثمان _ الخرطوم
النيلين
إنضم لقناة النيلين على واتساب
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
مبروووووووك وان شاء الله طوالى فرح وسرور
وين الحاجة الاسطورة هنا يا مواهيم ومرضانين انتو ؟؟؟!!!
ربنا يسعدهم ان شاءالله وبلاش حكاية اسطورى ومااسطورى خلو كل زول يعمل الدايرو وهو حر فى مالو وفى نفسو
معقولة مصور عنده قروش زي دي ؟؟ لقاها وين ؟ الا يكون مؤتمر وطني
السنة. السيئة. لا تجوز و هناك. المحتاجين. في بلدنا الفقير. ،. في نفس الصفحة. هناك عروس. تتبرع بمظهرها للمحتاجين و الفقراء اللهم بارك لها. ،
إن المبذرين كانوا إخوان الشياطين
في السودان كل شيء يجوز بلد فقير ما عرفناه بلد غني ما عرفناه بعدين يتزوج ما يتزوج نحن ما دخلنا وما لزوم التبرج نحن بلد مسلم يوجد عندنا المريض يحتاج علاج وعندنا الجعان يحتاج غذاء لسنا في حوجة لمظاهر خداعة قال مشروع حضاري قال
و مالو ماصى صباعو
Who are those sitting around the bride and the groom while they were dancing
إقتباس ..
كما تغني في الفرح أبرز المطربين السودانيين على رأسهم الفنان ..
طه سليمان .. والفنان شكر الله عز الدين ..
والفنان عبد الله كنة !!!!!
…………………
إقتباس تاني ..
Who are those sitting around the bride and the groom while they were dancing
………………
ديل بنات حلتكم .. جابن التيمس أمس ..
سمحات صاح ؟؟؟؟
اى زول بيسوى البعجبو ،،،، والقادر يسوى والغلط حسابو عند خالقو وحده
اها .. وبعدين !!!!
شكر الله خلف الله بقى من ابرز الفنانين السودانيين…هزلت والله..هذا زمانك يا مهازل فامرحى.
ما شايفين دقون ما تديك الدرب
لو كان الزواج في احدي جزر المالديف او هاواي او البهاما كان نقول اسطوري انما دا مجرد زواج عادي واغلب الشباب اتزوجو بنفس الطريقه. لانو نحنا في عصر التغيرات. زمان صيوان في الشارع واسي اثقفنا بقينا في صالات وتمبلولات. الف مبروووووك ياعريس بيت مال وعيال ان شاءالله
يحاسبو ربى ……!!!!!
والعريس دا ماصي اصبعو كدا مالو كان في دالاس ولاشنو؟؟
سؤال ياجماعة – عارفين احيانا العريس او العروس بأجروا البدلة او فستان الزفاف – لكن اصحاب العريس او العريس ديل بأجروا الطقم دا ولا بيشتروا ولو بشترو ياربى براهم ولا بدفع ليهم العريس – ما دخلى انا عااارف — لكن دايرين نثقف ساى ونشوف البلد دى ماشة كيف .
واوالله ياموقع النيلين انتو حرامية بس ياخ الموضوع دا كاتبو انا وناشرو في موقعي ..
لكن تجو تنقلو بي ضبانتو كدا عيب عليكم ياخ انتو اكبر من كدا ؟
الخبر دا الحرقني شي واحد ولفت نظري وه برز المطربين السودانيين المذكورين في الخبر الهايف دا ،، ياحليل ابرز مطربين السودان العمالقه