[JUSTIFY][SIZE=5]محمد إبرهيم محمد آدم) ترزي يعمل على صيانة الملابس المستعملة التي تتعرض للتلف والحرق بالمكواة غالبا، بدأ العمل بالسوق الأفرنجي شارع البرلمان في بداية العشرينيات من عمره ثم انتقل للعمل مع الخواجة متولي وكان يخيط البدل والبناطلين والفساتين مع الخياط سيد ثابرينا في شارع 41 العمارات.. إبراهيم يروى عن قصته مع الرئيس السابق نميري قائلا: في إحدى زيارات الرئيس جعفر نميري للقاهرة طلب من أحد العاملين في المهمات الحضور للسودان لخياطة البدل العسكرية الرسمية له فجاء للسودان ونزل في فندق صحاري وكنت أعمل في ذلك الوقت مع سليمان صالح ومن محاسن الصدف أن تعرف عليّ الشخص فقد كان هو علمه فن الخياطة لذلك قام بإخلاء المكان له وتجهيزه لخياطة بدل الرئيس ومحجوب عبد الله كبير الياور بالقصر وبدأ في عمل البدل للنميري وكنا نذهب للقصر لعمل البروفة له مع كبير الياور في القصر بعد الانتهاء من المهمة وإعطائنا البقشيش قال لي كبير الياور (ما عايز أي خدمة من القصر؟) قلت له أريد التجنيد في الجيش وكتب لي ورقة للعقيد أسامة في المهمات ودخلت الجيش وأخذت رتبة وكيل أمباش وكان المرتب في ذلك الوقت (27) جنيها مع البدلات يصل إلى (66) جنيها لكني لم أستمر في الجيش وأخذت حقوقي ورجعت لعمل الترزية سافرت إلى مصر وعملت بمصنع للملابس الجاهزة.
الآن اقوم بصيانة الملابس المستعملة التي تعرضت للحرق بواسطة المكواة والتالفة بطريقة فنية.. مبينا أن معظم زبائنه من العامة من الموظفين والموظفات وأكد على تعامله مع عدد من المشاهير منهم الراحل محمد وردي والفنان كمال كيلا وإسماعيل الحاج موسى ودكتور عقيل أحمد عقيل وابراهيم الشوش والراحل د. عوض دكام وعماد سيد أحمد السكرتير الصحفي بالقصر الجمهوري، وقال إن دخله ما بين (50 إلى 300) جنيه مشيرا إلى أنها تكفي لإعاشته إلا أنه شكا من ارتفاع أسعار الإيجارات وقال محمد إبراهيم إن امنيته مقابلة الرئيس البشير عشان (أخيط ليهو بدلو
اليوم التالي
خ.ي[/SIZE][/JUSTIFY]
عليك الله ياعم محمد إبراهيم
لو،،،لقيت طريقه قابلته الرئيس
خيط لينا خشموا النضام ده،،،بدون فائده
غير جاب لينا المشاكل إنوبك ثواب أللهم إني صائم.
يــــا ريسنا عملتها ظاهرة
سير سير ودتنا اﻻخره يا ريسنا
حكومتك خاســـــــــرة
طلب الفول بي خمسة جنية يا
ريسنا عملتها ظاهــــرة
مؤسف جداً يبقي مصيرنا بين
التاجر وبين حكامـــــــــو
ويبقي الواحد كلو طموحو يلقي
قروش تكفيهو طعامـــــو
وتبقي اللحمه وكل أخواتها مرة
ومرة تزور أحﻼمـــــــــو
يجري يساسق ليلو ونهارو ومن
الجوع الشفــع نامو
أقوي مصيبة نبيع أخﻼقنا يوم
تتمد اﻹيد الطاهــــــــــرة
ويا ريسنا عملتها ظاهرة
عشانك باع الناس ماضيهم وقفو
معاك في الصف اﻷوحد
ورفعوا معاك أشعار الثورة نأكل
فته خفافاً نرقد
وبيك يا ريس بعنا قيمنا وناس
من وطن العزة بتشرد
ناس من وين أتباعك جنوو
وناس من كتر الحاجة بتشحد
وناساً كان بتفك الحيرة
جاية الليله تكوس الجابرة
يا ريسنا عملتها ظاهره
في جبروتك ضاع الشايب ضاعو
شبابنا وضاع الشافع
والمفطوم يا دوب تلقاهو قاصد
السوق يا ريس طالع
يمكن يساعد أبوهو العاجز يبقي
الشافع راجل نافع
وشوف أوﻻد السادة القدوة
أسال طه وأسال نافع
يمكن بينهم تلقي إجابة أصلو
البينكم دايماً عامرة
ويا رسينا عملتها ظاهره
شعبنا طيب طيب جداً هدمت
صبرو قلوب عميانة
البترول الطالع بدري كان تدونا
ولو جركانة
يمكن كان يا ريس نسكت وأصلو
طموحنا بيسط بأمانة
نأكل نقرأ ونلقي عﻼجنا لو
أجسامنا بقت عيانة
جبيبو قروشنا الفي ماليزيا من
أموالنا بقيتو دكاترة
ويا ريسنا عملتها ظاهرة
كم من أسره قويه وأمنا معاكم
غرفت معني الفاقا
رب اﻻسره عشان ما موالي
جوه السوق اتشاقا وﻻقا
ولدو الواحد في سنة تالتة وبنتو
المؤمنة راقدة معاقا
خفف ولدو عليهو هموموا ساب
المدرسة ساق درداقا
عرف الواجب من سنة تالتة
ساعد أمو الراضية وصابرا
ويا ريسنا عملتها ظاهرة
قال يس لو فاطمة سرقت في
معناهو بيقطع ايدا
صلي الله عليه وسلم في اقوالو
معاني سديدة
ود النائب ليهو حصانه ولي زول
تاني عقوبة شديدة
والقانون في حقنا بمشي وفي
حضرتكم حاجه بعيدة
بس من أين بنيتو طوابق ومن
ماهية بقيتو جبابرة
يا ريسنا عملتها ظاهره
كنا بنحلم بيك نتلملم ويبقي
وطنّا دا عالم تاني
صحة وموية تجينا نقية والتعليم
يصبح مجاني
التعليم بقي كلو قبانه حق
الحصة جير ومباني
تقرو وﻻدكم في أمريكا وبرضو
تقولو الشعب اناني
عشانكم هاجر عمي محمد
خالتي عواطف بكره مسافره
ويا ريسنا عملتها ظاهره
ساكن في الحي الوراني جاري
جنوبي و جار قرعاني
و الدكان حق الفوراوي وكان
أدروب في الشارع التاني
نأكل في صينية كبيره نعيش
نتقاسم أحلي معاني
وفي اﻷفراح نتكاتف نحنا وعند
الباب تتﻼقي صواني
قمنا ربينا علي عاداتنا وماها
غريبه علي السوداني
وإيدكم جات للوحدة بتبتر هيا
الناهيه وهيا اﻷمرة
يا ريسنا عملتها ظاهرة
بس لﻸسف الحال إتبدل في
أيامكم يا للحسرة
الصينيه خﻼص إتكسرت نسينا
دقيق العيش والكسرة
أصلو سيادتك مافي طريقة
نقوم النجمع ونرجع بكره وهم
الجار بقي كلو العيشه
وهمنا نحنا مواجع تبرا
ومن الضيف أصحبنا بنخجل جوه
البيت ما فيش تمره
ود الوالي فﻼن في لندن ومن
أموال الشعب بيقرا
وكم من شاطر ساب مدرستو
وكيف بالجوع يا ريس يقرا
وكم عيان ما ﻻقي عﻼجو
ومن الهم عينيهو مساهرة
يا ريسنا عملتها ظاهرة
نحنا الخوف والله ما هيلنا نحنا
حماة سودانا ونفرو
ونحنا العزة الفينا قبيلة وما
بنخاف سلطانا وخفرو
نحنا اخترنا نعيش حيرة نكفي
الناس الظلم وخطرو
نحنا أعز نبينا نعبد الله
ونرضي بقدرو التهديد ما بهد
إصرارنا والتعذيب ما بنفع أسرو
أصلو الموت حقو شهادة وكل
الناس ح تركب قطرو
أسرع قبل المد ما يشيلك وليك
تتمد الموجة الهادرة
يا ريسنا عملتها ظاهرة
خلي الناس في حاﻻ وأرحل
أوعا تزيد الطين في البله
شوف قذافي الفات الدنيا وما
شال غير أحقاد و مذلة
وحسني الفارق مجدو القابر
وكل تاريخو رماهو في سلة
وصالح صالح نفسو وغادر
وتونس ربحت فيها القله
بكره أكيد بشار ح يرحل سوريا
تكون في أعظم حلة
أرحل قبل الفرصة تفوتك شيل
أتباعك وكل الملة
خلي الجوع والمرض الفقري
بنقدر نحنا نداوي العلة
ما اﻹنسان من ربو مكرم كيف
ترضاه معاك يتذﻻ
ومهما يطول العمر قصير يا
ريسنا سريع اتحلحل
أرحل سيب سودانا بخيرو واوعا
تفرق ناس الحلة
بكره نموت وتموت ياريس
وسيبنا في حالنا وخاف من الله
مهما يطول العمر قصير يا ريسنا
سريع اتخﻼ
ما اﻹنسان من ربو مكرم كيف
ترضاه معاك ايتذﻻ
أرحل سيب سودانا بخيرو و اوعا
تفرق ناس الحلة
بكره نموت وتموت ياريس سيبنا
في حالنا وخاف من الله
بكره نموت وتموت ياريس سيبنا
في حالنا وخاف من الله