ثلاثة أشهر لتوفيق أوضاع مزارع الخنازير غير المرخصة بالخرطوم!

حكومتنا الرشيدة إنضمت لقائمة الدول التي لم تجد لها إستثمار إلا في الخنازير
ماشاء اللة هل البقر والضأن وكل أنواع الماشية التي يعج بها السودان لا تكفي ، وأين رأي الدين والعلماء في ذلك ؟ لترضي أمريكا والغرب ، حسبنا الله ونعم الوكيل
يعني الإستثمار في المحرمات أصبح مشروعا ؟ أرجو من العلماء توضيح ذلك وهي مسؤوليتهم أمام الله هل هذا الإستثمار حلال أم حرام ؟

ياناس توفيق اوضاع بتاع الساعه كم ؟؟؟
شيلو الوسخ ده ارموه بره البلد يمكن ربنا يفتحا علينا اخرتا كمان خنازير حسبنا الله ونعم الوكيل

سنة يا الكيزان بقيتو ترخصوا للخنازير ؟؟؟

الاسلام ده عاملينو ملك حر على كيفكم العاجبكم فيهو تعملوا والماعاجبكم تخلوا

والمرة الجاية الرخص لشنو يا ربى؟ كازينو …. بار …….. ديسكو

إشمعنى الخنازير يعنى

نحن فى البلد دى قاعدين ساااااااى ما عارفين اى شى والله اول مرة نسمع بمزارع الخنازير

دى !!!!!!!!!

يا ربى فى شنو كمان تانى نحن ما عارفنو؟؟؟؟؟؟؟؟؟؟؟؟؟

وقال ليك اصحاب المزارع دى من الأثرياء ورجال الأعمال !!!!!!!!! سبحان الله

والله اول مره في حياتي اعرف انو السودان فيهو خنازير
وكمان مزارع !!!!!!!!!!!!

لا جدال في تحريم لحم الخنزير والتعامل فيه فهو ثابت بالقرآن والسنة . ولذلك فلا مجال للحديث عن ترخيص للاستثمار في تربية الخنازير وأيّة أنشطة أخرى محرّمة . لا تجعلوا اتفاقية السلام الشامل (نيفاشا) شماعة تعلقون عليها تبريراتكم الواهية لمخالفة المعلوم بالضّرورة من أحكام الدين ، فالسودان أكبر دولة إفريقية وعربية امتلاكاً لصنوف الأنعام والماشية المنتجة للحوم والألبان من إبل وبقر وغنم بشقيه الضأن والماعز ، حيث تؤكد الإحصاءات أن أكثر من 50% من الثروة الحيوانية المتوفرة في دول العالم العربي موجودة في السودان . ولذلك فإنّنا لا نقبل بأي حال من الأحوال الترخيص والاستثمار في تربية الخنازير ، إذ لا توجد أية ضمانات لمنع تسرب هذه اللحوم المحرّمة النّجسة إلى الأسواق تحت ذريعة أنها من لحوم الغنم الشبيهة بها من حيث الحجم . نعم السودان ليس خالصاً لنا نحن المسلمون ، ولكننا الأغلبية ويجب أن يحترمنا الآخرون . إذا كان أهل الجنوب يشتهون أكل لحم الخنزير (الكدروك) فيمكنهم الترخيص بمثل هذه الأنشطة في الولايات الجنوبية . ألا هل بلّغت اللهم فاشهد ، والله من وراء القصد .

اتمنى ان يتم توجيه للبيئة لان هذه الظروف تخلق فرص لكي يفكر وا في وضع حد لكل المزراع الزراعة لا احد ينتقدها لكن هنالك دواجن واليوم كمان خنزير اول مرة اسمع بان هنالك خنزير بالخرطوم بكل صراحة هذا الحيوان انا شاهدته بالمابان ويقال له ( الكدروك) اشبه بالحلوف اوسخ حيوان على وجه الارض ياكل فضلات الانسان هههههههههههه ولو وجد طفله لزحه واكل فضلاته ———-

الشيء المهم نرجو من صحة البيئة النظر في كثير من القضايا ونحن بحول الله امامنا طفرة عمرانية واقتصادية يجب وضع كل شيء في موضعه لا نريد اخطاء السابق تتكرر حتى في مواقف البصات وهذا موضوع حتمي ومصير امه يعني هلاك نسال الله ان يحفظ السودان واهله والمسلمين

في العاصمة الخرطوم ..مزارع للخنازير ..؟؟؟؟ هذه اتفاقية السلام المشؤمة
اخشى ان تكون هناك مصانع خمور بالخرطوم لاندري عنها .. والحجة طبعا هي تخص غير المسلمين ..ولافرق بين مزارع الخنزير ومصانع الخمور كلها النصوص القرانية فيها جلية ..
وبعدين يااخوانا ايه يعني مهلة ثلاثة شهور لتوفيق وضعهم , يعني سوف تتحول الخنازير الى خلال هذه الفترة

ان يكون في العاصمة مزارع خنازير دي مفاجأة بجد وتؤدي لاستفسارات مشروعة ويجب ان لاننسى أنو حدث في هذا الزمن الآتي:
1) الآيدز نتيجة للزنا وهو محرم.
2) الأزمة المالية نتيجة الفائدة الربوية وهي محرمة كذلك.
3) اخيرا انفلونزا الخنازير نتيجة الخنازير وهي محرما اكلها.
وهنالك الكثير من امراض ومشاكل العصر ظهرت نتيجة عصيان امر الله سرا وعلنا
اخيرا التحية دوما لمنتدى النيلين الشهير

يعنى ايه ده هو الحل ؟ الخنازير الموجوده في مزارع مرخصه مابتنقل المرض والغير مرخصه بتنقل . يااخوانا شوفو ليكم حل جزرى للمصيبه الجايه من وراء الخنازير دي او اسكتو احسن !!

د /تاج الدين عثمان الله لا وفقك دنيا وآخرة على البتسوي فيهو دا ولا زورك المصطفى .
اتقي الله يا رجل كيف تسمح بتربية خنازير في الخرطوم وإن كان من يأكلها وسخ وجس كيف ترضى توفرها ليهو .
باقي ليك تشد العرقي وتدق ليك رايه في الإنداية عشان ترضي الخنازير بتوعك .
دي نجاسة لا ربنا ولا دينا بسمح .

كتر خير اتفلونزا المكسيك العرفتنا علي خنازير بلدنا . سؤال هل الحكومة بتاخد زكاة علي مزارع الخنازير هذه وهل يحل للمسلم العمل فيها حتى ولو عامل بأجر.

باقي ليهم يرخصوا للدعارة وستات العلرقى

ثـــــــــلاثة أشهر لتوفيق أوضاع أصحاب مزارع الخنازير غير المرخصة :lool: شر البليـــــة مايضحك … يا ولاة أمور الشعب السوداني أتقوا الله في رعاياكم … لا شك قطعا في حرمة أكل لحوم الخنازير ، وما من شئ حرم علي بني آدم الا وكان الخير في اجتنابه… العزة في اتبــــــــاع شرع الله تعالي ،والذل والمهانة في مخالفته… السودان بلد اسلامي ولا بد من ان يسير وفق شريعتنا ، نعم اعطاء الحريات للاديان الأخري ، ولكن ليس فوق كلام الله تعالي … ضرب مثال نحن كمسلمين نعيش في دولة غربية تمنح الحريات لكافة الأديان والثقافات رغمـــــــا عن ذلك ، لا يسمح لنا برفع الآذان علنا حتي في مساجدنا اي ان لا يتجاوز الصوت خارج المسجد ، هذا ولا نستطيع تغير الوضع لان الاديان مختلفة ومتشعبه.. رغمـــــــــا عن اعطاء الحريات للجميع ولكن لا بد من احتراااام القوانين . اناشد جميع الشعب بقتل اي خنزير يرونه ، لانه وباء . باي امكانيات ستعالجون الشعب لو تسبب في انتشار الأمراض؟؟؟ وماذا سنجني من بقية السودانين ان تركنا لهم الحبل علي القارب؟؟؟ .. الرجاء التمعن في اصدار القرارات ، هدانا الله واياكم للحق وازهاق الباطل.

اصحاب المزراع ديل مسلمين ؟ اذا كان الرد نعم كيف لهم ان يربون ويتاجرون بشى حرمه الله
وليه اديهم مهله ماابيد المزارع دىطال لما فى وباء منتشر وقاتل عشان اتفادى المشاكل من الاول

you must scared from the god .why you are giving them 3 month ,you must destroy its
now , don`t say i will give them adjunct of time, to they do anything they want it . you must decided now(destroy or leave it) NOW NOW NOW NOW NOW.