بابكر سلك
اليد الواحدة بتصفق
* وأمامنا اهلى عطبرة.
* وهو فريق قوى ومتجانس وطموح.
* ونذكر كيف ادى بصورة قوية ورائعة امام الند باستاده فى الدورة الأولى.
* وكيف اضاع لسوء الحظ أهدافاً كانت كفيلة لخروجه منتصراً.
* ولاحظنا التطور الواضح فى مستوى الأهلى عطبرة بالذات فى الدورة الثانية.
* وطموح اهلى عطبرة قد يقوده للتخطيط لهزيمتنا.
* ومن حقهم ان يطمحوا.
* وعلى جهازنا الفنى أن يدرك ذلك,ولن نوصيه لأنه عمله جيداً.
* وكذلك اللاعبون يعلمون مدى الجدية المطلوبة منهم.
* فقط نوصى انفسنا.
* كجماهير.
* كشفوت.
* يجب ان نشجع.
* نشجع وبس.
* ونساعد على رفع الروح المعنوية.
* ونستفيد من مباراة الموردة.
* النصر اتى متأخراً.
* ولكن الوقفة الجماهيريةالصلبة هى التى قادتنا لذلك النصر.
* عليه.
* نشجع وبس.
* أياً كانت الظروف.
* وحتى لو تأخر النصر.
* نشجع وبس.
* لا نستجيب لأى أستفزاز سواء من الخصم او من الأخطاء التحكيمية.
* لأنو زوبعة شكوى أهلى شندى كان المقصود منها.
* الضغط على الأتحاد لأيقاع عقوبات قاسية على المريخ خلال وقوعه فى خطأ.
* حتى ولو كان لا يذكر.
* نفوت الفرصة على التكتيك المضاد.
* نحتج على اخطاء التحكيم الغير مقصودة بالهتاف الداوى.
* نجبر التحكيم على عدم الوقوع فى الخطأ الغير مقصود.
* ونفوت الفرصة على لاعبى الخصم .
* ربما يتشفتن احدهم لأستفزازنا.
* وتقوم الجماهير بتعبير شديد اللهجة كان تقذفه بكريستالة مثلاً.
* من حقه ان يفرفر.
* ويدخل فى غيبوبة.
* موش كريستالة.
* بكون مستنيها عشان تجيب ليهم تلاتة نقاط.
* من حقهم ان يسقطوا لأقل أعتداء.
* وأن يتمسكوا بعدم اللعب.
* وتبقى فينا.
* حبنا للزعيم.
* يجب ان يجعلنا اعقل من ان نستجيب لأستفزازات الخصم.
* لأننا شفوت.
* وبنفهمها طايرة.
* وأذا فى اى زول حاول الأعتداء على اللاعبين الخصوم بالملعب .
* يبقى ده ما زولنا.
* يبقى مدسوس.
* والمندسين بيعملوا اكتر من كده.
* عشان كدة نتفرج بعين.
* ونراقب بعين.
* ونصفق بيد.
* ونحسم من يتفلت باليد الأخرى.
* واليد الواحدة فى دنيا المريخ.
* اليد الواحدة فى عالم المريخ.
* بتصفق وتحسم التلفتات.
* أيها الناس.
* نمنى النفس بأداء رائع يطرب الشفوت.
* ويطرب الشفت الجديد.
* الوافد الجديد .
* الأرباب.
* الراجل قلب.
* وعشان كدة لازم نكرموا بعرض مدهش.
* عرض يخليهو يقول.
* يا ريتنى لو جيت من زمان من بدرى.
* المهم.
* تدافع جماهيرى كبير هو مؤشر جيد للظفر بالبطولة.
* وطبعا الممتاز محتاج نوديهو الدراى كلين.
* أو عفريتة العربات.
* لازم ينضف من العجاجة وريحة البصل وورتاب العيش.
* جاى يقعد فى كندشة.
* وجيرانو مانديلا ودبى وسيكافات.
* وحايسعد.
* والجاور السعيد بيسعد.
* أها.
* نجى لى شمارات والى الخرتوم.
* أكان شفت يا والينا.
* فى قصص كتيرة عاجبانا.
* قلت كلو مرة احكى ليك منها قصة.
* أقرأ القصة دى.
* يحكى ان : بعد خروجهم من القصر الجمهورى فى الساعة الثانية والنصف ظهراً(الثالثة والنصف بالقديم) وهم فى طريقهم بسيارة القصر الى بيوتهم.
* سأل رئيس الجمهورية وقتها أسماعيل الأزهرى رئيس الوزراء محمد احمد المحجوب عن سبب غياب الساعى الذى يقدم لهم القهوة.
* وقتها تذكر المحجوب ان الساعى تغيب عن العمل بسبب عقد قرآن أبنته.
* وأنه دعاهم للغداء معه بهذه المناسبة.
* طلب الرئيس الأزهرى من السائق ان يتوجه بهم الى بيت الساعى يا والينا.
* فى الطريق قال الأزهرى للمحجوب لازم نشارك فى الكشف(النقطة) لكن انا ما عندى قروش انت خت لى معاك خمسة جنيه فى الكشف وانا بردها ليك لاحقاً.
* رد المحجوب بأنه كذلك ما عندو قروش لكن أخونا يحيى الفضلى الذى كان يرافقهم ود تجار ممكن يحل لينا المشكلة وبعدين نتصرف معاهو.
* ذهبوا ثلاثتهم لذلك العامل البسيط وشاركوه الفرحة ودفعوا له خمسة عشرة جنيهاً مساهمة فى الفرحة.
* والينا.
* قصص زى دى موش مفروض تكون فى كتاب المطالعة عشان شفعنا يستفيدوا من اللغة الفيها؟؟ [B]سلك كهربا[/B]
*ننساك كيف والقصص ما بنستفيد منها الآ لغة أذا أستفدنا.
واللللللللللللللللللى لقاء
سللللللللللللللللللللللك
[/SIZE]
في السلك – بابكر سلك
