رأي ومقالات
زاهر بخيت الفكى : فيهو (الزول) يعود إنسان..!!
في (وطناً) جميل شاسع..
كبير واسع..
يشيل الكـل.. بلا تهميش..
بلا تطفيش..
نؤسس دولة ذات أركان..
شعارها العدل..
فيها الظُلم ما فيش..
والسودان..
يعود أخضر..
زي ما كان..
فيهو (الزول) يعود إنسان..
ليهو حقوق..
عليه واجب..
عنده (هُوية)..
يفخر بيها بيــن النـاس..
مزيج متعدد الأجنــاس..
هُويـة سودانية..
حبوبة أفريقية..
أبنوسة زنجية..
جده الكبير.. وافد..
جذُوره عربية..
يلا نعيش .. بلا تهميش..
كفاية حروب.. كفاية فساد..
استبداد..
استعباد..
استبعاد..
صارت للنزاع أبعاد..
صراع شائن..
غُبن بائن..
كتيير اتغيرت أحوال..
صبح مديون..
زولاً قبيل دائن..
صبح قائد..
متمرد زمان خائن..
تعالوا نعيش..
في البلد الكبير ..مأزوم..
فيه الريف صبح أطلال..
شيوخ ونساء..
شوية من أطفال..
شباب هاجر ..
بعيد سافر..
يلا تعال..
يلا نعيش..
بلا تهميش..
زاهر بخيت الفكي
صحيفة الجريدة
ت.إ
[/JUSTIFY]
